प्रेरित 13:16 - लाहौली बाइबिल

¹⁶ दोथर पोलुस ए खड़े शुहचे दंङ गुह्ट्र रंङ इशारा लहचे दोतिंङ शांत शुहबिमी थल्जी कुई, “हे इस्राएल देशो मीहरे, दंङ परमेश्वर ओ बेह्द चेहच़ा ऊई जातिऊ मीहरे, रेड्रुंई”

प्रेरित 13:16 Iomraidhean Croise

मत्ती 11:15

छि; गेह कुट्रातग दुह ध्यानारंङ साते रेड्रुंई।”

लूको 1:22

अपेहल दुह धह्कते अति, ता दोतंङ साते कुट्री मरति दंङ दोच़ी ञेंह केहरी कि दोई मंदिरंङ छा छी दर्शन तंङशी शुह; दंङ दुह दोतंङ साते इशारा लहज़ा लाहते, दंङ टटे केह्षा इलि।

लूको 1:50

दंङ दोऊ दया दुह मीहतु टोईच़ी शुबी, अंऊ पीढ़ी बे पीढ़ी दोऊ बेह्द चेहच़ातोर।

लूको 23:40

दिरंङ अईदि दुह रैहच़ी कुहतो, “कांह छि परमेश्वरारंङ साते ला माह बेवातना? केई ला ता दुह ए सज़ा खोक्चातन।

प्रेरित 10:2

दुह परमेश्वरो अराधक तोहई, दंङ गरीब यहुदी मीहतिंङ महसे दान रंड्राते, दंङ हर टेम परमेश्वरारंङ साते प्रार्थना लहज़ाते।

प्रेरित 10:35

बल्कि हर इच्च़ा जाति अच़ि परमेश्वरो बेह्द चेहच़ा दंङ धर्मो कम लहज़ा, परमेश्वर दोतिंङ ग्रहण लहज़ा।”

प्रेरित 12:17

दंङ पतरसे दोतु हखा गुह्ट्र इशारा लहरी कि चुपे तोंई; दंङ दोतिंङ कंड्री लेहती कि प्रभु ज़ि छना ठ्रोह दोबी जेलंङ च़ि धह्तेका हुंच़े हति। दोथर कुई, “याकूब ए बिशवासी न्वातिंङ दिह गप्पा कुचे च़रतेन।” दंङ पतरस दोरच़ी हुंच़ा ऊई ठहरि रिंङ अच्च़ा इलि।

प्रेरित 13:26

“हे बिशवासी न्वारे, केरे अंऊ अब्राहमो कटुरे शुई; दंङ केहरे अंऊ परमेश्वर ओ बेह्द चेहच़ातंई, परमेश्वरे हेंदु कछंङ उद्धारो खबर च़रसी ततो।”

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

प्रेरित 19:33

दोहपल भीड़ो बिचंङ ज़ि रेह मीहच़ी सिकंदरा बि, अतिंङ यहुदी ज़ि खड़े लहते भीड़ो दोरच़ी तुंखा लेह च़रतिर। दंङ सिकंदर चुपे बंङज़िमी थल्जी मीहतु तुईज़ी एनोह बचाबो थल्जी एनोह गप्पा कुट्रीमी कोशिश लहरी कि छि शुहबी लेहकी तोहई।

प्रेरित 2:14

दोथर पतरस दुह सेईदि प्रेरितातु साते तुईज़ी अंज़े जोरे सग रें कुट्री लेहती, “हे केरे अंऊ गिऊ बराबर यहुदी शुई दंङ ए यरूशलेम शहरंङ बंङज़ा मीहरे, दिह ञेंए केई। दंङ गिऊ गप्पारे ध्याना रंङ साते रेड्रुंई।

प्रेरित 2:22

“हे इस्राएल देशो मीहरे दिह गप्पारे रेड्रुंई: कि नासरत नगरो यीशु इच्च़ा झांह ठ्रोह मीह तोहई अतिंङ परमेश्वरो दोरच़ी केहतु तुईज़ी साबित लहसी, झांह ठ्रोह चिन्ह चमत्कार ए हेरानी ऊ कमो दोरच़ी, अंऊ परमेश्वरे दोऊ दोरच़ी लहते। केहरे केनारे ञेंहच़ातोनि कि दिह गप्पा हेले शुह।”

प्रेरित 21:40

अपेहल दोरे शांत शुचि इलिर, दंङ दुह यहुदी मीहतु भाषा रिंङ कुट्री लेहती दंङ पोलुस पोड़ी ऊ टोईच़ी खड़े शुहचे मीहतु हखा गुह्ड़े इशारा लहरी। अपेहल दोरे चुपे शुहचे इलिर।

प्रेरित 22:22

देर तचेक ता मीहज़ी पोलुसो गप्पा ध्यान रंङ साते रेड्रातेर; पर दोहथर जोरे हाऊष रेंईर, “दोबि सचे च़रतुंई; दोऊ श्रींङी बंङज़ी ठीक माह।”

प्रेरित 3:12

दिह खांई पतरसे मीहतंङ साते कुंई, हे इस्राएल देशो मीहरे केहरे दिह मीहू टोईच़ी छिल्ले हेरानी लहज़ातंई दंङ केहरे ञेंहतु हखा छिल्ले झांह ठ्रोह खंड्री लेहकी तोतोंई कि ञेंहच़ी ए हेनातु सामर्थ ए भक्ति रंङ साते दिह देखा नोखा जोज़िमी जोगे लहतन।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:29

हर इच्च़ा अंऊ गिऊ खबर समझेक्सी जुंज़ा, दोबि दिह गप्पा ध्याना रंङ रेड्री जूंशी तोह अंऊ परमेश्वरो आत्मा कलीसिया रंङ साते कुट्रा।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।