प्रेरित 13:12 - लाहौली बाइबिल

¹² दंङ दुह अधिकारी ज़ि छिला धिर शुहते दुह खंड्राते, दंङ प्रभु ऊ पाहठी शिक्षा ओ दोरच़ी हेरान शुहचे प्रभु यीशु ऊ टोहकठे बिशवास लहरी।

प्रेरित 13:12 Iomraidhean Croise

मत्ती 27:54

दंङ सुबेदारे अरी दोहरंङ पहरा रंड्रा तेर थूञलऐ छिल्ला शुहते दुह खंऐ महसे वैऐ इलिरे दंङ कुह्तोर, दिह “हेले दी मीह, परमेश्वरो योह यीशु तोहई।”

लूको 4:22

दंङ भत्तेज़ि दोबि शाबाशी रेंई, दंङ अंऊला मोह्ड़े दाह गप्पा दोऊ आहच़ि हुंच़ाते, दोतंङ साते हेरान शुहचे इलिर; दंङ कुट्री लेहतिर, “छि दीह यूसुफो योह माह शुहआ?”

लूको 7:16

दिरंङ भत्ते मीहरेर बेई लेहतिरे, दंङ दोरे परमेश्वरो महिमा लहजे कुट्री लेहतिर, “ञेंहतु बिचंङ इच्च़ा मोह्ड़े भविष्यवक्ता अंज़े तोह, दंङ परमेश्वरे एनोह मीहतु मदत लहज़िमी थल्जी अंज़े तोह।”

यहून्नो 7:46

सिपाही ज़ि जुबाब रेंईर, “अच़िला मीहे अपेहला झांह ठ्रोह गप्पा माह लहरी।”

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

प्रेरित 13:49

दोथर प्रभु यीशु ऊ बचन भत्ते प्रदेशंङ फेलेके इलि।

प्रेरित 13:7

दुह अधिकारी सिरगियुस पोलुस रंङ साते तोहई, अंऊ बुद्धिमान गंङमी तोहई। दुह अधिकारी बरनबास ए शाऊल बि एनोह कछंङ बुलाके परमेश्वरो बचन रेड्री तते।

प्रेरित 13:8

पर बार-यीशु ज़ि अतु उपनाम एलीमास मतलब जादूगर तोहई, दोतु बिरोध लहरी, कि अधिकारी यीशु ऊ टोहकठे बिशवास लेह माह जूंस।

प्रेरित 15:35

दंङ पोलुस ए बरनबास अन्ताकिया रिंङ बंङज़ा इलिर; दंङ ऊई महसे मीहतिंङ प्रभु यीशु पाहठी सिखाएतिर ए प्रचार लहरिर। दोतु महस साथीर ला अंऊ विशवास लहज़ातेर दोतु कम लहज़िमी मदत थल्जी जुड़ेगी इलिर।

प्रेरित 15:36

थोड़े हप्ता ओ थल पोलुसे बरनबास रंङ साते कुहई, थोड़े अरे लाहा तुहई हेनर रेह शहरा रिंङ प्रभु बचनो पाहठी प्रचार लहरिन। अतंई, हेनर यह्च़ा दुह भत्ते शहरंङ योंई अंऊर हेंज़ि तुहई प्रचार लाहतेंई दंङ हेंदु विशवासी न्वा तिंङ खमोंई कि दुरे छना तोतोर।

प्रेरित 18:12

अपेहल गल्लियो अखाया प्रदेशो राज्यपाल तोहई दंङ यहुदी मीहरे ठ्रोहका शुहचे पोलुसो खिलाप खड़े शुहचे इलिर, दंङ दोबि कोर्टो तुहई ज़ि हंजे कुट्री लेहतिर,

प्रेरित 19:10

दि झुह्ट साल तचेक ज़ारी तोहई, भत्ते मीहरे, झुल्ला यहुदी ए ऊईजाति अंऊ आसिया प्रदेशो बंङज़ातेर, प्रभु यीशु पाहठी खबर रेड्रीर।

प्रेरित 19:20

झांह लेह प्रभु वचन सामर्थ रंङ साते फेलेकचि लेहती ए बड़ेक्पी लेहती।

प्रेरित 19:38

झांह लेह देमेत्रियुस ए दोऊ साथी कारीगरर दंङ दोऊ साथी करीगरा तिंङ अतंङ साते ला शिकायत तोह ता दोरे कोर्टंङ इलजे तरपोर, दंङ दोतु मुकदमो फेंसला लहज़िमी थल्जी अधिकारी ला तोतोर; दोहर मीहरे इदि-अईदिऊ टोईच़ी दोष लगाए के तरपोर।

प्रेरित 19:7

दिरे भत्तेर लगभग सनी गंङमी रे तोईर।

प्रेरित 28:7

दू ठाहरीऊ देसी-न्वेसी पुबलियुस मिन्दु दू टापू प्रधानो ज़मीन तोहई: दोई एनोह चुंङ शिल्ज़ी षुमु ध्याड़ा तचेक ञेंहतु पहुनाई लहरी।

प्रेरित 6:10

पर स्तिफनुसे छिला धिर कुहते, दोरे मीहरे दोऊ छले जुबाब रेह मरतिर छना कुचे पवित्र आत्माज़ि दोबि महसे समझदारी रंङ साते कुट्रिमी मदत लहरी।

प्रेरित 8:25

पतरस यूहन्ना मीहतिंङ कंड्री लेहतिर अंऊ दोरे यीशु पाहठी रूठे रंङ ञेंहच़ातेर, दंङ प्रभु यीशु बचनो प्रचार लहज़ी लेहतिर। दोहथल दोरे यरूशलेम शहरो हखा वापिस अतिर, दंङ अमरिंङ यीशु पाहठी रूठे खबर सामरिया प्रदेशो महसे नगरारिंङ सुनाच़ी लेहतिर।