प्रेरित 13:10 - लाहौली बाइबिल

¹⁰ “हे कपटी ए भत्ते चलाकी रंङ साते बिंङे शेतानो कपूता, भत्ते धर्मिकता ओ बेरी, छि केई प्रभु ऊ सीधा अम ढेहरे लेह ब्याड़ा माह लोहन आ?

प्रेरित 13:10 Iomraidhean Croise

मत्ती 13:38

रीह दीह संसार शुह, अंऊ रूठे बेजा तोह दोऊ मतलब दोरे मीहरे अंऊ परमेश्वरा बि एनोह सेहमरिंङ राज लेह रंड्रातोर, दंङ जंगली बेजो मतलब दोरे मीहरे अंऊ कम दोच़ी लहच़ातोर शेताना बि रुठे च़ेहसी।

मत्ती 15:19

छना कुचे मदम विचार, हत्या ऊई मेच़मीऊ थल्जी लालच, कुकम, चोरी, हप्सी गवाही ए मांजी कुट्री सेहमंङ ज़ि ए हुंज़ी।

मत्ती 23:13

हे कपटी यहुदी शास्त्री ए फरीसी मीहरे, केहतु टोईच़ी धिक्कार! केहच़ी मीहतिंङ स्वर्गो राजंङ इबिमी अम बन्द लाहतंई, माह ता केनारे दोहर य्वातंई माह दोहर इल्जातिंङ इबी रंड्रातंई।

मत्ती 3:7

अपेहल यूहन्नाज़ि महस फरीसी ए सदूकी मीहतिंङ बपतिस्मा लेहप्च़िमी थल्जी एनोह कछंङ अपि तंङातो, दंङ दोई कुहतो, “हे विष ज़डे ओमड्रातु ठ्रोह मांजी मीहरे, केतिंङ अच़ि कंजाते कि परमेश्वरो अंजा रोह्षज़ि पोहकतुंई?

लूको 11:39

प्रभु यीशुज़ि दोबि कुतोह, “हे फरीसीरे, केहच़ी छना पेतड़ा ए काउली धह्कते ज़ि ता साफ लहज़ातन, पर केहतु सेहमो अंद्रेग लालच ए मांजी पिंङे तोह।

लूको 11:52

धिक्कार कानून ञेंहच़ातु टोईच़ी! छना कुचे केतिंङ स्वर्गंङ इबिमी अमो पता तोहई। पर केहरे केनाह ए दुह अमज़ि माह इलिन दंङ ऊई मीहतिंङ ला दुह अमज़ि इबि माह रेंईन।”

यहून्नो 1:23

दोई कुहतो, छना यशायाह भविष्यवक्ता ज़ि कुतोह गेह सुनसान ठाहरीरिंङ इच्च़ा मीहू हऊषेपि सग शुगाह, “कि केहच़ी प्रभु ऊ स्वागतो थल्जी केनातु सेहम तेयार लंहि दंङ केनाहतिंङ सुधारेतुंई।”

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

प्रेरित 20:30

देहर तचेक कि केहतु केनातु विशवासी झुंडो दोरच़ी झांह ठ्रोह मीहरे अपोर, अंऊ चेला तिंङ एनोह थलेसी लहज़िमी थल्जी नोखे गप्पा लहज़ातोर।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

गलातियों 1:7

सिर्फ इच्च़ा हेले ए रूठे खबर तोह, पर गप्पा दि तोह कि, रेह मीहरे मसीहू पाहठी रूठे खबर बि खावाएच़ि जुंज़ातोर, दंङ दू मीहच़ी केतिंङ धोखा रंड्रातोर।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

2 पतरस 2:15

दोच़ी रूठे कम लेह बन्द लहज़ी केहषी तोह, दंङ दोच़ी ध्वांए ठ्रोह कम लहज़ी शुरू लेह केहषी तोह, अंऊ कि बओरो ओ योह बिलामे महसे तुहई लहसी तहरे। दोई गलत कम लहज़ी ढबाह कमाएच़िमी पसन्द लहरी।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।