प्रेरित 12:4 - लाहौली बाइबिल

⁴ दंङ रज्ज़ा हेरोदेस ए पतरस च़ुमने लेह जेलंङ केहच़ी च़रति, दंङ दोई पि-पि सेनिकातु पि झुंडो पहरा लगाके च़रति, दिह सोचेक्च़ा कि फसह ओ त्याहरो थल भत्ते मीहतु तुईज़ी दोऊ न्याय लोहग।

प्रेरित 12:4 Iomraidhean Croise

मत्ती 24:9

दंङ दोरे मीहरे अंऊ केहतु बिरोध लाहतोर बरदो रंड्रीमी थल्जी केरे च़ुमयतो केरे सचे केओर, दंङ गिऊ टोहकठे बिशवास लहज़िमी रंङ साते भत्ते जातिऊ मीहच़ी केतंङ साते बैर लोहर।

मत्ती 26:5

पर दोच़ी कुट्रातेहर “त्याहरो मुक्कारिंङ माह, झांह शुबी माह जूंस कि मीहतु बिचंङ शासी तेंङसी शोतो।”

मरकुसो 14:1

झुह्ट ध्याड़ो थल फसह त्यार ए सुम मेह रोटीऊ त्यार तोहई। यहुदी शास्त्री ए यहुदी मोह्ड़े पुरोहित यीशुबि च़ुमज़िमी तोईरे दंङ सच़िमी तातेर।

लूको 21:12

पर दिह गप्पा बे तुहई दोच़ी गिऊ मिन्दु बजाहच़ि केतिंङ चुमोर, बरदो रमोर ए यहुदी सभा घरबारंङ रेंज़ा शोर, जेलंङ केओर, दंङ रज्ज़ातु ए हाकिमो तुईज़ी शोर।

लूको 22:33

पतरसे यीशु बि कुंई, “हे प्रभु, गेह करंङ साते जेलंङ इबि देहर तचेक कि सीमी लाह तेयार तोतोग।”

यहून्नो 19:23

अंऊ मुका सिपाही ज़ि यीशु बि क्रूसो टोईच़ी केह्चे च़रतिर, दंङ दोऊ खमज़े लेन्ज़ा दोऊ पी हिस्सा लहरिर, दंङ पिला सैनिकज़ि इच्च़ा-इच्च़ा हिस्सा लेहप्तिर, दंङ दोच़ी दोऊ धह्कतेकी खम ला लेन्ज़ा शिलिर पर दुह धह्कतेकी खम पेंषी माह तोहई पर तोरिंङ च़ि योंङ तचेक लहसी खमो इच्च़ा ए खन्नी रंङ बणेंके तोहई।

यहून्नो 21:18

गेह करंङ साते हेले कुट्रातग, अपेहल कांह जवान तोईन ता केनोह उम छ़ुचा अंऊर हिटी तोहई दोखा य्वातेन; पर अपेहल कांह यंङदे शॉन ता गुहड़ फेलाएपोन, दंङ ऊई मीहरे कांह उम छुचातोर दंङ कनिंङ दोर्तिंङ रेंज़ा शोहर, अंऊर केई इपि माह जुंज़ातन।”

प्रेरित 12:3

अपेहल रज्ज़ा हेरोदेसे खांई कि यहुदी सेंहणा दिरंङ खुश शवाहतोर ता दोई सेनिका तिंङ हुकुम रांई पतरस ला कैदी बणाके च़रतुंई ताकि दोबि ला सच़ी च़रपोर। दिह सुम मेह रोटी ऊ त्यार ओ टेम तोहई।

प्रेरित 12:5

जेलंङ पतरस ओ रखवाली शुहबी लेहकी तोहई, पर कलीसियाओ मीहरे दोऊ थल्जी इच्च़ा सेहम शुहचे लगातार परमेश्वरारंङ साते प्रार्थना लहज़ी लेहकी तोईरे।

प्रेरित 4:28

दोच़ी दुहए लहरिर अंऊ कांह सामर्थ ए हिटी ज़ि तुहई ए तय लेह च़रते कि शुहबी जूंस।

प्रेरित 4:3

दंङ दोच़ी दोरे गिरफ्तार लेह ऊईरग तचेक जेलंङ तरिर छना कुचे ञोंकल शुहचे इलजी तोहई।

प्रेरित 5:18

दिऊ थल्जी दोच़ी प्रेरिता तिंङ च़ुमने जेलंङ बन्द लेह केहरिर।

प्रेरित 8:3

पर शाऊल कलीसियाओ मीहतिंङ परेशान लहज़ी लेहकी तोहई; दंङ हर इच्च़ा ओ चुंङ इलज़ा-इलज़ा बिशवासी मीह तिंङ च़ुमने जेलंङ केट्री चरच़ाते।