प्रेरित 11:3 - लाहौली बाइबिल

³ “केई ऊईजाति मीहतु दोर्तिंङ इलजे दोतंङ साते बगत ज़ेरिन।”

प्रेरित 11:3 Iomraidhean Croise

मत्ती 9:11

दीह खांऐ फरीसी ज़ि दोऊ चेला तंङ कुह्तोर, “केहतु गुरू चुंगी लेपचाढ ए पापी रंङ साते छिला बगत ज़े लेहकी तोह?”

लूको 15:2

पर फरीसी मीहरे ए यहुदी शास्त्रीरे एनातु बिचंङ दोऊ पाहठी गप्पा लहज़ी लेहतिर कि, “दिह ताह पापी मीहतंङ साते दोहआ दंङ दोतंङ साते बगत ला ज़ोआ।”

यहून्नो 18:28

दंङ दोरे यीशु बि काईफा ओ दोरच़ी रोमी राज्यपाल पिलातुसो दरवारो हखा रेंज़ा शिलिर दुह मुंजे सरके कि टेम तोहई, पर दोरे ऐनार महलो अंद्रेग माह इलिर, छना कुचे दोतु बिचंङ अगर अरीला तोंखा य्वाते, ता दुह अशुद्ध शुहचे य्वाते दंङ दोतिंङ फसह त्याहरो बगत ज़ेइमी आज्ञा माह खोक्शते।

प्रेरित 10:23

दंङ पतरसे ए दोतिंङ तोंखा बुलाके बंङज़िमी थल्जी ठहरि रेंई। दंङ ऊई रघ दुह दोतंङ साते इलि; दंङ याफा इलाका ओ बिशवासी न्वा तु बिचंङ च़ि रेह दोरंङ साते इलिर।

प्रेरित 10:28

पतरसे दोरंङ साते कुई, “केतिंङ पता तोह कि ऊईजाति ऊ संगति लहज़ी या दोतु दोर्तिंङ इबि ञेंहतु यहुदी मीहतु खिलाप तोह, पर परमेश्वरे गिह्बी कांहषी ततो कि अरिला मीहबी अपवित्र या अशुद्ध माह कोहग।

प्रेरित 10:32

दिऊ थल्जी अतिया याफा शहरंङ च़रतु दंङ शमौन अतु मिन पतरस ला तोह बुलाएतु। दुह समुंद्रो मुखारिंङ शमौन, अंऊ च़मो व्यापार लहज़ा दोऊ चुंङ मेहमान तोह। अपेहल दुह अपतो, दंङ कनिंङ परमेश्वरो दोरच़ी इच्च़ा खबर रमतो।

प्रेरित 10:48

दंङ पतरसे हुकुम रेंई कि अंऊ मीहरे कुरनेलियुसो चुंङ ठ्रोहका तोतोर, दोतिंङ यीशु मसीहू मिंदंङ बपतिस्मा रांई। दोथर दोच़ी पतरस रंङ साते बिनती लहरीर कि, ऊई थोड़े अरे ध्याड़ा ञेंतंङ साते बंङज़ु, दंङ झांह लेह दुह थोड़े ध्याड़ो थल्जी नहच़ा इलि।

1 कुरिन्थियों 5:11

गिऊ कुट्री दि तोह कि अगर अरिया एनाबि विशवासी कुट्रा, कुकम, लालची, या मुर्ति पूजा लहज़ा, या गाड़ी रंड्रा, तुंङज़ाड़ (पियक्कड़), या ऊईतिंङ धोखा रंड्रा शोतो, ता दोरंङ साते संगति थालंही; पर झांह ठ्रोह मीहतंङ साते बगत ला थाज़ंई।

गलातियों 2:12

पतरस दू विशवासी तंङ साते बगत ज़ोवा ते अंऊ यहुदी माह तोईरे। पर अपेहल याकूबो दोरच़ी च़रसी रें विशवासी यरूशलेम शहरंङ ज़ि अतिर, दंङ दू एनाबि ऊईजातिऊ दोरच़ी शत्‌ह तहच़ि लेहती दंङ दोतंङ साते बगत माह ज़ोवाते छना कुचे दू, दू यहुदी तंङ साते वेवाते अंऊ दोच़ी जुन्ज़ातेर कि भत्ते ऊईजातितु खतना लेह जूंशी तोह।

2 यूहन्ना 1:10

अगर अरिया केहतु कछंङ अंज़े झांह ठ्रोह शिक्षा रंड्रा तोर अंऊ मसीहू शिक्षा बे शत्‌ह तोह, दोबि माह ता चुंङ अपि रांई दंङ माह ए नमस्कार लहज़ी बढावा रांई।