प्रेरित 10:11 - लाहौली बाइबिल

¹¹ दंङ दोई खांई कि सर्ग अलसा इलज़ा; दंङ इच्च़ा मोह्ड़े चादरो ठ्रोह चीज़, पिला कुंणीऊ दोरच़ी टोमषी धरतीऊ हखा तक्सी लेह्की तोह।

प्रेरित 10:11 Iomraidhean Croise

मत्ती 8:11

गेह केतंङ साते कुट्रातग कि महस ऊई जातिऊ मीहरे पूर्व ए पशिचमंङज़ि अंज़े अब्राहम, इसहाक ए याकूबा रंङ साते स्वर्गीय राजंङ बगत जोओर।

लूको 3:21

अपेहल भत्ते मीहज़ी बपतिस्मा लेहप्ती, दंङ यीशु ला बपतिस्मा लेहपच़ा प्रार्थना लहज़ी लेहकी तोहई दुह मुका स्वर्ग अल्सा इलि,

यहून्नो 1:51

दंङ दोरंङ साते कुंई, गेह केतंङ साते हेले कुट्रातग कि केहच़ी स्वर्ग बि अल्सा ए परमेश्वरो स्वर्ग दूतातिंङ खेका इबि ए गेह मीहू योहू टोईच़ी तक्सी खमोंई।

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 12:32

दंङ अपेहल गेह धरतीऊ टोहकठे च़ि खेका लोहर ता भत्ते मीहतिंङ घेंङौ कछंङ हपोग।”

प्रेरित 10:12

अंऊर धरतीऊ भत्ते पाहठी दुह पि कोंज़ा रंङ साते ए दंङ घुष्टी रंड्रा जीवा रे ए दंङ सर्गो प्यारे तोईरे, अतु पाहठी मूसा ज़ि रांहषी कानूना रिंङ महस च़ेहसी तोह कि दोरे अशुद्ध ए अपवित्र तोतोर दंङ अंऊ दिह इस्राएलो मीहतिंङ ज़ेइमी दोरच़ी इंकार लहसी तोह।

प्रेरित 11:5

“गेह याफा शहरंङ प्रार्थना लहज़ी लेहकी तोईग दंङ इच्च़ा दर्शन खांणीगा कि इच्च़ा मोह्ड़े चादरो ठ्रोह चीज़ पिला कुंणीऊ दोरच़ी टोमषी, सर्गंङ च़ि तक्सा गिऊ कछंङ अति।

प्रेरित 7:56

“खंणुई, गेह स्वर्गा बि अलसा, ए मीहू योह बि परमेश्वरो सुचंङ हासी खड़े खंड्री लेहकी तोतोग।”

रोमियो 1:16

छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।

रोमियो 9:4

दोरे इस्राएली मीहरे तोतोर, दोतिंङ परमेश्वरे गोद लेहपच़ी एनोह कटुतु रूपा रिंङ अंङे च़रति। दोतु थल्जी परमेश्वरे एनोह महिमा प्रकट लहसी ततो; दोतंङ साते एनोह वाईदा लहरी दंङ दोतिंङ कानून रांई; दोरे सच्चा तरीका रंङ परमेश्वरो अराधना लहज़ातोर दोच़ी परमेश्वरो वाईदा खोक्शातोर।

गलातियों 2:15

हेनर अंऊ जेहक्पी बे यहुदी तोतोंई, दंङ ऊईजाति तु ठ्रोह पापी माह तोंई, छना कि हेंज़ी दोतिंङ कुट्रातंई।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

इफिसियों 3:6

भेद दि तोह कि यीशु मसीह रिंङ रूठे खबर दोरच़ी यहुदी तु ठ्रोह ऊईजाति ऊ मीहरे दू ए आशीष खोकपोरे, दंङ दोरे इच्च़ा ए फुको हिस्सा तोतोर, अंऊ परमेश्वरे यहुदी मीहतंङ साते लहसी तते।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 19:11

दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।

प्रकाशित वाक्य 4:1

दि भत्ते गप्पा खंड्रिमी थल, गेह स्वर्गो इच्च़ा पेतंङ अलसी तंङरिगा। दंङ अरिया गिऊ हखा गप्पा लहज़ी लेहकी तोहई दंङ कुट्रा दुह ए तोहई अतिंङ गेह तुहई ला रेड्रातेग, अतु सग तुरही सगो ठ्रोह तोहई। दंङ दोई गिऊ हखा कुई, “गिऊ कछंङ देर खेका अता: दंङ गेह कनिंङ दुह गप्पा कमोग, अतु दिह गप्पो थल पूरा शुहबी ज़रूरी तोह।”