प्रेरित 1:8 - लाहौली बाइबिल

⁸ पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 1:8 Iomraidhean Croise

मत्ती 24:14

दंङ परमेश्वरो राज्यो पाहठी दिह रूठे खबर भत्ते संसारारंङ प्रचार शोतो कि भत्ते देशो जाति ज़ि दिबी ग्रहण लहज़िमी मोका खोकसोतो। दोहथल संसारो अंत अपतो।

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

मरकुसो 16:15

दंङ यीशुज़ि दोतंङ साते कुतोह, “केहच़ी संसारारंङ इलजे भत्ते मीहतिंङ दी रूठे खबर सुनाएकी च़रतुंई।

लूको 1:35

स्वर्गदूते दोबि जुबाब रेंई, “पवित्र आत्मा कनु टोईच़ी अपतो, दंङ परमप्रधान परमेश्वरो सामर्थ कनु टोईच़ी अपतो; दिऊ थल्जी कांह दोरच़ी जेह्की गंङकटु पवित्र शोतो दंङ, परमेश्वरो योह कहलाहएपोतो।

लूको 10:19

खंणु, गेह केतिंङ ओमड्रा ए बिच्छु तिंङ ए शेतानो भत्ते सामर्थो टोहकठे अधिकार रांहषी तातग; दंङ अंऊ ला चीज़ा रंङ साते केतिंङ नुकसान माह शोतो।

लूको 24:29

पर दोच़ी दिह कुचे यीशु बि रुमज़े लहरिर, “ञेंतंङ साते बंङज़ु, छना कुचे ञोंकोल शुहचे इलज़ा दंङ हंयार शुहचे इलज़ा। दंङ दुह दोतंङ साते बंङज़िमी थल्जी तोंखा अच्च़ा इलि।”

यहून्नो 15:27

दंङ केहरे संसारो मीहतिंङ गिऊ पाहठी कंमोई, छना कुचे केहरे शुरुवात बे गेरंङ साते तोईन।

प्रेरित 1:5

छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

प्रेरित 13:31

दंङ दुह दोतिंङ अंऊ दोरंङ साते गलील प्रदेशंङ च़ि यरूशलेम शहर अंज़े तोईरे, दोतिंङ महसे ध्याड़ा तचेक तंङफा लहरी। दि दोरे मीहरे शुरे अंऊ दोच़ी यीशु तंङातेर, दंङ हेंतेग दिरे मीहरे ऊई मीहतु तुईज़ी यीशु गवाह तोतोर।

प्रेरित 2:32

दिए यीशु बि परमेश्वरे श्रींङे लहरी, दंङ हेनर भत्तेर दि सच्चाई ओ गवाह शुई।

प्रेरित 22:15

छना कुचे कह दोऊ तरफे भत्ते मीहतु तुईज़ी दू गप्पातु गवाह शोन, अंऊ केई खांहषी ए रेहशी तातन।

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

प्रेरित 4:33

दंङ प्रेरित मोह्ड़े सामर्थ रंङ साते प्रभु यीशु ऊ यच़ाह श्रींङे अच़िमी गवाही रंड्रातेर, दंङ परमेश्वरे दोतिंङ महसे मोह्ड़े दाह रांहषी तोहई।

प्रेरित 5:32

दंङ ञेंहरे दिह गप्पातु गवाह तोतोन, दंङ पवित्र आत्मा ला, अतिंङ परमेश्वरे एनोह हुकुम मनेक्च़ा दोतिंङ रांहषी ततो।”

प्रेरित 6:8

स्तिफनुस परमेश्वरो मोह्ड़े दाह ए सामर्थ रंङ साते परिपूर्ण शुचे मीहतु बिचंङ मोह्ड़े-मोह्ड़े ए हेरानी ओ कम ए चिन्ह चमत्कार लहज़ाते।

प्रेरित 8:1

शाऊल, स्तिफनुस ओ हत्या शुहबी रंङ साते पुरा सहमत तोहई। दुहए ध्याड़ा यरूशलेम शहरो कलीसियाओ टोहकठे महसे सताव शुहबी लेहती दंङ प्रेरिता तिंङ केट्रा भत्ते कि भत्ते मीहरे यहुदिया ए सामरिया प्रदेशंङ तितर-बितर शुचि इलिर।

रोमियो 10:18

पर गेह रूहक्च़ातग, “छि यहुदी मीहच़ी पक्‍का रूपारिंङ मसीहू पाहठी खबर माह रैंईर?” दोच़ी रेड्रतोर ता पक्‍का। छना कुचे पवित्र शास्त्रारिंङ च़ेहसी तोह, “रूठे खबर सुनाएच़ा दोतु सग भत्ते धरतीऊ टोईच़ी, दंङ दोतु बचन धरतीऊ भत्ते ठाहरीरिंङ, पिचे इलि।

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।