प्रेरित 1:5 - लाहौली बाइबिल

⁵ छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

प्रेरित 1:5 Iomraidhean Croise

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

मत्ती 3:6

अपेहल दोच़ी एनोह पाप मनेके च़रति दंङ यूहन्नाज़ि दोतिंङ यरदन बेंडीरिंङ बपतिस्मा रेह च़रति।

मरकुसो 1:8

गेह ता केतिंङ ती रंङ साते बपतिस्मा रंदेग, दंङ दुह केतिंङ पवित्र आत्मा रंङ बपतिस्मा रमतो।”

लूको 3:16

दंङ यूहन्नाज़ि दोतंङ जुबाब रन्दो, “गेह ता केतिंङ ती रंङ साते बपतिस्मा रंड्रातग, पर दुह अपिमी तो अंऊ गेह बे ला शक्तिमान तोह; गेह दिऊ जोगे ला माह शूगाह कि कोंङा शुहचे दोऊ बुटो तस्मा युफोग, दोई केतिंङ पवित्र आत्मा ए मेह रंङ साते बपतिस्मा रमतो।

यहून्नो 1:26

यूहन्ना ज़ि दोबि जुबाब रेंई गेह ता केतिंङ ती रंङ साते बपतिस्मा रंदेग पर केहतु विचंङ इच्च़ा मीह खड़े तोह अच़ि केहच़ी माह ञेंहनी।

यहून्नो 1:31

दंङ गेह ता दुह माह सेहचातग कि दुह मसीह तोहई, पर दिऊ थल्जी गेह तिऊ दोरच़ी बपतिस्मा रंड्रा अन्जी शुगाह कि इस्राएल देशो मीहतु टोईच़ी प्रगट शुहबी जूंस!

यहून्नो 1:33

गेह ता दुह माह सेहचातग, पर अच़ि गिह्बी ती रंङ बपतिस्मा रंड्रीमी थल्जी च़रसी तोहई, दोई ए गेरंङ साते कुई, अतु टोईच़ी केई आत्माबि तक्सी दंङ नह्च़ी खमोंई, दुह ए पवित्र आत्मो बपतिस्मा रंड्रा शुह।

प्रेरित 10:45

दंङ अंयों ला यहुदी बिशवासी रे पतरस रंङ साते याफा शहरो दोरच़ी अंज़े तोईरे, दोरे भत्ते दि खांई हेरान शुहचे इलिर कि परमेश्वरे महसे रंङ साते पवित्र आत्मा ऊईजाति बि ला रांई।

प्रेरित 19:4

पोलुसे कुई, “यूहन्ना ज़ि दुह मीहतिंङ बपतिस्मा रंड्राते अच़ि पाप लेह बंद लेह च़रसी तरेर दंङ परमेश्वरो कछंङ अच्च़ा अतिर।” पर दोई इस्राएल देशो मीहतंङ साते कुई कि अंऊ दोऊ थल अपिमी तोह, दोऊ टोईच़ी विशवास लंहि। अंऊ कि यीशु शुह।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

तीतुस 3:5

दोई हेंदिंङ पापो सज़ा ओ दोरच़ी बचाएति दंङ दि धर्मिकता ओ कमो थल्जी मशत, अंऊ हेंज़ी लाहतंई, पर दोई एनोह दाह ओ हिसाबे लहरी, दोई हेंदु पाप शुल्ज़े शत्‌ह लेह च़रति, दंङ पवित्र आत्माओ दोरच़ी हेंदिंङ खरकोई जीवन रें च़रति।