प्रेरित 1:3 - लाहौली बाइबिल

³ यीशु ज़ि दुख उठाएच़िमी ए सिमी थल, पक्‍का सबूत रंङ साते कंड्रातो कि दुह श्रींङे तोह। दंङ प्रेरिता ज़ि झुह्ट निज़ा ध्याड़ा तचेक दुह श्रींङे तंङरिर दंङ यीशु ज़ि दोहपल तचेक परमेश्वरो राज्यो पाहठी गप्पार दोतिंङ सुनाएती।

प्रेरित 1:3 Iomraidhean Croise

मत्ती 21:43

दिऊ थल्जी गेह केतंङ कुट्रातग कि परमेश्वरो राज्य केहतु दोरच़ी लेहपशे झांह ठ्रोह ऊईजाति तिंङ रमोतो अच़ि रुठे परिणाम हपोतो।

मत्ती 28:9

दंङ यीशु दोतिंङ दोहरी। दंङ कुड़ी, “नमस्ते” दोच़ी कछंङ अंज़े ए यीशु कोंज़ा च़ुमने दोबि फ्यग लाहतेर।

मत्ती 3:2

“केनातु पापो दोरच़ी सेहम किर्ज़ुंई दंङ परमेश्वरो कछंङ अतंई छना कुचे स्वर्गो राज कछंङ पिचे अंजा।”

मत्ती 4:2

दुह निह्नजा ध्याड़ा ए, निह्नजा रात छले ज़ेह मेह बंङज़िरी, दंङ दोबि योंहष लेहती।

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

यहून्नो 20:26

इच्च़ा हप्ता ओ थल यीशु ऊ चेलारे यच़ाह इच्च़ा घरबारंङ ठ्रोहका तोईर, दंङ थोमा ला दोतंङ साते तोहई, दंङ पेतंङ बंद तोहई, दंङ यीशु अति दंङ दोतु बिचंङ खड़े शुहचे दोतु हखा कुहतो, “केतिंङ शांति खोकसोतो।”

यहून्नो 21:1

दी गप्पो थल यीशु ज़ि ऐनाह बि गलील झीलो मुखरिङ चेला तु टोईच़ी यच़ाह प्रगट लहरी।

यहून्नो 21:14

दीह षुमु फेरा शुई कि यीशु सिमी दोरच़ी श्रींङे थल चेला तु बिचंङ प्रगट शुई।

प्रेरित 13:31

दंङ दुह दोतिंङ अंऊ दोरंङ साते गलील प्रदेशंङ च़ि यरूशलेम शहर अंज़े तोईरे, दोतिंङ महसे ध्याड़ा तचेक तंङफा लहरी। दि दोरे मीहरे शुरे अंऊ दोच़ी यीशु तंङातेर, दंङ हेंतेग दिरे मीहरे ऊई मीहतु तुईज़ी यीशु गवाह तोतोर।

प्रेरित 19:8

दंङ दोहपल पोलुस यहुदी सभो घरबारंङ इलजे षुमु लाह तचेक निडर शुहचे प्रचार लहज़ी लेहती, दंङ परमेश्वरो राजो पाहठी बहस लहज़ी ए समझाएक्ची लेहती।

प्रेरित 28:23

दोहपल दुह यहुदी ज़ि पोलुसो थल्जी इच्च़ा ध्याड़ा ठहराति। दुह ध्याड़ा महस मीहरे दोऊ ठहरि ठ्रोहका शुहचे इलिर, दंङ पोलुस मुंजे बेहच़ी योंकले तचेक परमेश्वरो राजो पाहठी गवाही रंड्री लेहती, दंङ मूसाऊ कानूने ए भविष्यवक्तातु कताबंङ ज़ि यीशु पाहठी रूठे रंङ कंड्री लेहती।

प्रेरित 28:31

दंङ अंऊ दोऊ कछंङ अपातेर, दोतंङ भत्ते तंङ साते दोहा लहरी दंङ छा बेह्द ए छा रोक टोक मेह परमेश्वरो राजो पाहठी प्रचार लहज़ी लेहती दंङ प्रभु यीशु मसीहू गप्पा सिखाच़ा लहरी।

प्रेरित 8:12

पर अपेहल मीहच़ी परमेश्वरो राज्य ए यीशु मसीहू मिन्दु रूठे खबरा रिंङ फिलिप्पुस ओ शिक्षा रेड्राते बिशवास लहरिर, दिऊ वहज़ा ज़ि महसे मेच़िमी ए गंङमी ज़ि बपतिस्मा लेहप्तिर।

रोमियो 14:17

परमेश्वरो राजारिंङ ज़े तुंङमी ज़रूरी माह, पर ज़रूरी गप्पा दि तोह कि परमेश्वरा रंङ साते सही जीवन श्रींङमातंई, पवित्र आत्मारिंङ शांति ए दू खुशी शुहबी तोह।

कुलुस्सियों 1:13

छना कुचे परमेश्वरे हेनर शैतानो शाक्ति दोरच़ी छुड़ाके एनोह प्यारे योहऊ राज्यरिंङ शामिल लोहतो।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।