प्रेरित 1:2 - लाहौली बाइबिल

² दिबे तुहई कि यीशु स्वर्गो हखा मेहली। परमेश्वरो दोरच़ी स्वर्गो हखा शिल्ज़िमी बे तुहई यीशु ज़ि दोरे अंङषी प्रेरिता तिंङ पवित्र आत्माओ मदत रंङ साते दोतिंङ हुकुम रेंई।

प्रेरित 1:2 Iomraidhean Croise

मत्ती 12:28

अगर गेह परमेश्वरो आत्मा रंङ साते शुहचे मांजी आत्मारे हुंपातग, दंङ परमेश्वरो राज केहतु कछंङ पिचे इलज़ा।

मत्ती 3:16

दंङ यीशु बपतिस्मा लेहपच़ा दोहथरे तिरिंङ ज़ि हुंज़ा धक्तेक्का अति, दंङ दोऊ थल्जी सर्ग अल्सा इलि, दंङ दोई परमेश्वरो आत्मा कबूतरो ठ्रोह तहकसी एनोह टोईच़ी अपि तंङतो।

मरकुसो 6:30

अपेहल दोरे सनी चेलारे नगर-नगरओ दोरच़ी वापिस अति दंङ अंज़े यीशु पिला हासी ठ्रोहका शुहचे, दंङ छिल्ला दोच़ी लहसी तरेर या सिखाच़ी तोहई दुह भत्ते यीशुबि कंड्रातेर।

लूको 24:51

दंङ दोतिंङ आशीष रेंऐ यीशु दोतंङ शत्‌ह शुहचे इलि दंङ स्वर्गो हखा रेंज़ा शीलिरे।

लूको 9:51

अपेहल यीशु स्वर्गंङ इबिमी ध्याड़ा पिचे इलि, दोई यरूशलेम शहरो हखा इबिमी पक्‍का बिचार लहरी।

यहून्नो 1:16

छना कुचे दोऊ मोह्ड़े दाह ओ परिपूर्णतारंङ साते हेंज़ी भत्ते धिर खोकषातंई मतलब आशीषो टोईच़ी आशीष।

यहून्नो 13:1

फसह त्यार बे तुहई, अपेहल यीशु ज़ि ञेंह केहरी, कि गिऊ टेम पिचे अंजा कि दि संसार केट्रा पिता परमेश्वरो कछंङ वापिस अच़ा योग, दंङ एनोह चेला तंङ साते अंऊ संसारारंङ तोईरे, छना ठ्रोह दाह दोई तहच़ते, हमेशा ध्वांए ठ्रोह दाह लहज़ाते,

यहून्नो 13:18

गेह केहतु भत्तेतु थल्जी माह कुट्रातग: अतिंङ गेह अंङषी चरच़ातग, दोतिंङ गेह सेहका; पर दिह दिऊ थल्जी शुबी लेहकी तोह कि पवित्रशास्त्रा रिंङ च़ेहसी दुह पुरा शोतो। अच़ि गेरंङ साते बगत ज़ोअतो दोई गिह्बी धोखा रेंई।

यहून्नो 13:3

यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 16:28

गेह पिता परमेश्वरो दोरच़ी संसारा रिंङ अंज़े शुगाह, यच़ाह संसार केट्रा पिता परमेश्वरो कछंङ वापिस अच़ा योग।”

यहून्नो 17:13

पर धह गेह कांह कछंङ अपतग, दंङ दिह गप्पार गेह संसारा रिंङ बंङज़ा कुट्रातग, कि दोतिंङ गिऊ खुशी पुरा खोकसी।

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

यहून्नो 20:21

यीशु ज़ि यच़ाह दोतंङ साते कुंई, “केतिंङ शांति खोकसी जूंस; छना ठ्रोह गिऊ पिता परमेश्वरे गिह्बी संसारारंङ च़रसी तोह, ध्वांए गेह ला केतिंङ संसारारंङ च़रच़ातोग।”

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

यहून्नो 6:62

केहरे दोहपल छि लोहनी अपेहल केहच़ी गेह मीहू योह बि स्वर्गंङ इपि तंङमोन, अंऊर गेह तुई तोईग?

यहून्नो 6:70

यीशु ज़ि दोतिंङ जुबाब रेंई, “छि गेह केहरे सनी तिंङ अंङषी माह शुगाह? तांला केहतु बिचंङ च़ि इच्च़ा शेतान तोह।”

प्रेरित 1:11

दंङ कुट्री लेहतिर, “हे गलील प्रदेशो गंङ मीहरे, केहरे छिले खड़े शुहचे सर्गो हखा खंड्री लेहकी तोतोंई? दिह ए यीशु, अतिंङ परमेश्वरे केहतु कछंङ च़ि स्वर्गो हखा रेंज़ा शिली, ठीक ध्यांए ठ्रोह दुह यच़ाह अपतो छना ठ्रोह केहच़ी दुह सर्गो हखा इबी तंङातेन।”

प्रेरित 1:13

अपेहल दोरे पिचे इलिर ता दोरे इच्च़ा चुंङो तोरिंङ खी कमरारंङ इलिर अंऊर दोरे बंङज़ातेर। दि दोतु मिन शुह अंऊर दोर्तिंङ हाज़िर तोईरे पतरस, यूहन्ना, याकूब, अन्द्रियास ए फिलिप्पुस, थोमा, बरतुल्मै, मत्ती, हलफई ऊ योह याकूब, शमौन, जेलोतेस दंङ याकूबो योह यहूदा।

प्रेरित 1:9

यीशु दि गप्पा कुट्रीमी थल परमेश्वरे दोबि चेला तु तुइज़ी स्वर्गंङ रेंज़ा शिलिरे, दंङ दोरे दोबि तुंखा खंड्री मरतिर छना कुचे दुह इच्च़ा डुह बिचंङ अच़ा इलि।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

गलातियों 1:1

गेह, पोलुस, केतिंङ दि डाक च़ेहच़ी लेहकी तोतोग। गेह इच्च़ा प्रेरित शुगाह, गेह माह अरिया मीहू दोरच़ी प्रेरित बणेंके शुगाह, पर यीशु मसीह ए परमेश्वर बाह ओ दोरच़ी, अंङषी शुगाह, अच़ि यीशु बि सिऊ दोतु बिचंङ ज़ि श्रींङमी लहसी शुह।

इफिसियों 2:20

इच्च़ा साते, हेनर दोऊ चुम शुई, अंऊ कि प्रेरिता तु ए परमेश्वरो खबर रंड्रा मीहतु मुयांदो टोईच़ी, दंङ दिऊ कुंणीऊ रह्घ एनोह ए यीशु मसीह तोह।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 9:24

दोऊ वहज़ा ज़ि, मसीह दू पवित्र ठहरि मेहलि अतिंङ मीहच़ी बणाषी शुह, अंऊ कि परमपवित्र ठहरि ओ सिर्फ इच्च़ा नमूना तोह। पर दू स्वर्गंङ इलि अंऊर दू हेंदु फायदा ओ थल्जी परमेश्वरो तुईज़ी हाज़िर शुहबी तरपोतो।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

प्रकाशित वाक्य 1:1

दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:29

हर इच्च़ा अंऊ गिऊ खबर समझेक्सी जुंज़ा, दोबि दिह गप्पा ध्याना रंङ रेड्री जूंशी तोह अंऊ परमेश्वरो आत्मा कलीसिया रंङ साते कुट्रा।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 21:14

शहरो भिती मोह्ड़े-मोह्ड़े रह्घ तु टोईच़ी बणाएषी तोहई हर इच्च़ा रह्घ तु टोईच़ी कुरच़ो सनी प्रेरिता तु बिचंङ इच्च़ा मिन च़ेहसी तोहई।

प्रकाशित वाक्य 3:13

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्माज़ि कलीसिया ओ हखा कुट्रा।

प्रकाशित वाक्य 3:16

गिह्बी पता तोह कि केई माह ता गिऊ टोईच़ी माह ए केनोह विशवासो दोरच़ी इंकार लहज़ातन दंङ माह ए गिह्बी भत्ते सेहमे दाह लहज़ातन, पर काह गिऊ थल्जी केनोह विशवास रिंङ अधा-अधूरा तोतोन, दिऊ थल्जी गेह कनिंङ छोड़ेक्च़िमी तोतोग।

प्रकाशित वाक्य 3:22

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा।