प्रेरित 1:16 - लाहौली बाइबिल

¹⁶ हे बिशवासी न्वा रे, दिह ज़रूरी तोहई कि पवित्रशास्त्रा रिंङ च़ेहसी बचन पूरे शुबी जूंस अंऊ पवित्र आत्माज़ि रज्ज़ा दाऊद ओ आहच़ि यहूदो पाहठी तुह्ई ए कुहषी तारेह, अरि यीशु बि च़ुमज़ि लहज़ातु मुख्या तोहई।

प्रेरित 1:16 Iomraidhean Croise

मत्ती 26:14

दंङ करियोत नगरो यहूदा ज़ि, अंऊ यीशु सनी अंङषी दोतु बिचंङज़ि इच्च़ा तोहई दुह यहुदी मोह्ड़े पुरोहितो कछंङ इलि दंङ कुट्री लेहती

मत्ती 26:47

यीशुज़ि झांह कुट्री लेहकी तोहई ध्वांए यहूदा अंऊ अंङषी दोतु बिचंङ इच्च़ा तोहई, दंङ दोहरंङ साते यहुदी मोह्ड़े पुरोहित ए यहुदी सेंहणा दोरच़ी इच्च़ा मोह्ड़े भीड़ तलवारे, लट्टिरे कुरच़ा अतिरे।

मत्ती 26:54

पर पवित्रशास्त्रो दुह गप्पारे कि ध्यांए शुहबिमी तोह छना पुरे शोर?”

मत्ती 26:56

पर दिह भत्ते दिऊ थल्जी शुहते कि भविष्यवक्तातु वचन पूरा शोतो।” दंङ भत्ते चेलारे यीशुबि केहट्रा दोहरची पोक्शे इलिर।

मरकुसो 12:36

दाऊद रज्ज़ा ए पवित्र आत्मा रंङ साते कुतोह कि, परमेश्वरे गिऊ प्रभु रंङ साते कुतोह, गिऊ सुचंङ हासी बंङज़ोंई, अपेहल तचेक गेह कनु बैरी तिंङ केनोह कोंज़ो पोयंङ माह लोहग।

मरकुसो 14:43

यीशु ज़ि झांह कुट्री लेहकी तोहई ध्वांए यहूदा अंऊ अंङषी दोतु बिचंङ इच्च़ा तोहई, दोहर अति दोहरंङ साते इच्च़ा मोह्ड़े भीड़ तोहई अतु दोहर तलवार ए लठी तोईरे। दुह भीड़ यहुदी मोह्ड़े पुरोहित, यहुदी शास्त्री, दंङ सेंहणा मीहच़ी चरच़ातेर यीशुबि च़ुमज़िमी थल्जी।

लूको 22:47

यीशु दिह कुट्रीए लेहकी तोहई मीहतु इच्च़ा भीड़ दोर तिंङ अति, दंङ अंङषी चेला तु बिचंङ इच्च़ा अतु मिन यहूदा तोहई, दोतु तुहई, तुहई अपि लेहकी तोहई। दुह यीशु कछंङ अति ताकि दोबि फ्यग लोहतो।

यहून्नो 10:35

अगर दोई दोतिंङ सद कुहतो अतु कछंङ परमेश्वरो बचन पिचाते, दंङ पवित्रशास्त्रो गप्पा हप्सी शुहबी मरच़ि। अपेहल गेह कुट्रातग, “गेह परमेश्वरो योह शुगाह” ता केहरे गिह्बी छिला कुट्रातंई कि, “केई बुराई लहज़ातन।” गेह दुहए शुगाह अच़ि पिता परमेश्वरे शत्‌ह लहतो दंङ गिह्बी संसार रिंङ चरच़तो।

यहून्नो 13:18

गेह केहतु भत्तेतु थल्जी माह कुट्रातग: अतिंङ गेह अंङषी चरच़ातग, दोतिंङ गेह सेहका; पर दिह दिऊ थल्जी शुबी लेहकी तोह कि पवित्रशास्त्रा रिंङ च़ेहसी दुह पुरा शोतो। अच़ि गेरंङ साते बगत ज़ोअतो दोई गिह्बी धोखा रेंई।

यहून्नो 17:12

अपेहल गेह दोतंङ साते तोईग, गेह दोतंङ कांह दुह मिन्ज़ी, अंऊ केई गिह्बी रांहषी तातन दोतु रक्षा लहरिग, गेह दोतु रखवाली लहरिग दंङ दोतु बिचंङ च़ि अरीला नाश माह शुईरे, सिर्फ दोऊ अलावा अतु योंहषी पक्‍का ए तोहई, दिऊ थल्जी कि छि पवित्रशास्त्रा रिंङ च़ेहसी तोह दुह पूरा शुबी जूंस।

यहून्नो 19:36

दी गप्पारे दिऊ थल्जी शुई कि पवित्रशास्त्रा रिंङ छि च़ेहसी तोह दुह पुरे शुहबी जूंस, “कि दोऊ अंऊला रुस्पा माह थक्शातोर।”

प्रेरित 1:20

दोहथल पतरस एनोह गप्पा तुंखा कुट्री लेहती, भजन संहिता ओ कताबंङ महसे तुहई रज्ज़ा दाऊदे यहूदा ओ पाहठी दि च़ेहसी तते, दोऊ घरबारो उजाड़ शुहबी जूंस दंङ दोर्तिंङ अरिला बसेफी मेस दाऊद ऊई ठहरि दिह ला कुट्रा, “ऊई मीहच़ी दोऊ ठहरि लेहपच़ी जूंस।”

प्रेरित 13:15

अंऊ गंङमीतिंङ पढेक्पिमी ज़िम्मेवारी रांहषी तोहई मूसा ओ कानून ए भविष्यवक्तातु कताबो हिस्सा ओ दोरच़ी दोच़ी पढ़ेकपिमी थल, दोहथल यहुदी सभो घरबारो मुख्या ज़ि दोतु थल्जी उजाब च़रतिर, “हे बिशवासी न्वारे, अगर मीहतिंङ बड़ावा रंड्रीमी थल्जी केहतु सेहमा छा गप्पा तोह ता कुंईनि।”।

प्रेरित 13:38

दिऊ थल्जी हे बिशवासी न्वारे, केहच़ी ञेंहई च़रतुंई कि यीशु ऊ दोरच़ी पापो माफिऊ रुठे खबर केतिंङ रंड्रातोर।

प्रेरित 15:13

अपेहल दोच़ी कुट्री बंद लहरिर, दंङ याकूब कुट्री लेहती, “हे विशवासी रे, गिऊ रेड्रुंई।”

प्रेरित 15:7

दोपहल पतरस ए महस ए झगड़ा शुहचिमी थल खड़े शुहचे दिह कुई, “हे विशवासी न्वारे, केहच़ी दीह ञेंहनि, कि महस ध्याड़ा शुहचे इलि, कि परमेश्वरे केहतु बिचंङ ज़ि गेह अंङषी चरच़तो, कि गिऊ दोरच़ी ऊईजाति ज़ि रूठे खबरो बचन रेड्रीमी थल विशवास लोहर।”

प्रेरित 2:23

दुह ए यीशु, परमेश्वर ओ हिटी ऊ हिसाबे ए पुरा समझो हिसाबे, केहतु हवाले लेह केहरिर। दंङ केहच़ी दुह मांजी मीहतु मदत ए मेख्खा लगाके क्रूसंङ चहढा के सचे च़रतिन।

प्रेरित 2:37

अपेहल मीहज़ी दिह रेड्रिर ता दोरे एनाह बि दोषी महसूस लहज़ी लेहतिर, दंङ दोरे पतरस ए ऊई प्रेरिता तंङ साते रुहक्च़ी लेहतिर, “हे बिशवासी न्वारे हेनर छि लोहनी?”

प्रेरित 22:1

“हे न्वारे ए सेंहणा रे, गिऊ रेड्रुंई, अंऊ गेह घेंङौ बचावो थल्जी दुह मीहतु तुईज़ी कुट्रातग अंऊ गिऊ टोईच़ी दोष लगाएच़ातोर।”

प्रेरित 23:1

पोलुसे ए यहुदी सभा ओ हखा ध्याना रंङ साते खांई, दंङ कुई, “हे बिशवासी न्वारे, गेह तोग तचेक परमेश्वरो थल्जी पूरे साफ अन्तरात्मा रंङ साते जीवन बिताच़ी शुगाह।”

प्रेरित 23:6

अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”

प्रेरित 28:17

षुमु ध्याड़ो थल पोलुसे दोरकी यहुदी अगुवो तिंङ सभा ओ थल्जी बुलाती। दंङ अपेहल दोरे ठ्रोहका शुई ता दोतंङ साते कुई, “हे न्वारे, गेह घेंङौ मीहतु खिलाप छल्ले बुराई माहलग। दंङ माह ए बाह-मेमेतु रिति-रिवाज़ो खिलाप छा लहसी तातग, तांला यरूशलेम शहरंङ इच्च़ा कैदी बणेंके इलिगा, दंङ रोमी सरकारो गुहडिंङ रें च़रतिर।

प्रेरित 28:25

अपेहल दोरे पोलुसो शिक्षा ओ पाहठी सहमत शुचि माहतरिर। दोतु इबिमी बे तुहई पोलुसे इच्च़ा आखरी गप्पा कुहते कि, “पवित्र आत्माज़ि यशायाह भविष्यवक्तातु दोरच़ी कनु बाह-मेमेतु हखा हेले कुहषी तते,

प्रेरित 7:2

“स्तिफनुस ए कुड़ी, हे न्वारे, हे सेंहणारे रेड्रुंई, ञेंहतु बाह-मेमे अब्राहम हारान नगरंङ बसेक्‌पि बे तुहई अपेहल मेसोपोटामिया प्रदेश मिंदंङ ठहरि रिंङ तोहई; ता महिमा रंङ परमेश्वरे दोबि दर्शन रांई,

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

2 पतरस 1:21

छना कुचे भविष्यवक्ता ज़ि अपेहला अंऊ ला भविष्यवाणी मीहतु हिटी रंङ साते माह कुईर। बल्कि पवित्र आत्माज़ि दोतु विचार काबू लहरी दंङ दोतिंङ दुह बचन कुट्रीमी थल्जी मदत लहरी अंऊ परमेश्वरे जुंज़ा कि दोच़ी कोहर।

2 पतरस 2:21

गिऊ मतलब दि तोह, कि परमेश्वर दुह मीहतिंङ महसे सज़ा रमतो अंऊ मसीहू अम बि छोड़ेके चरच़ातोर बजाए दोतु अंऊ दोच़ी दोबि अपेहला ग्रहण ए माह लहरिर। दोतु थल्जी दि ठीक शुचंङ दोच़ी अपेहला दि ञेंए माह कि एनोह जीवना बि धर्मी तरीका रंङ श्रींङमी थल्जी छि लोहर। एंतेग दोच़ी ञेंहच़ातोर कि सही छि तोह पर दोच़ी परमेश्वरो दुह हुकुम मनेक्च़िमी रंङ साते इंकार लाहतोर अंऊ हेनर, प्रेरिता ज़ि दोतिंङ सिखाएकातेंई।