प्रेरित 1:13 - लाहौली बाइबिल

¹³ अपेहल दोरे पिचे इलिर ता दोरे इच्च़ा चुंङो तोरिंङ खी कमरारंङ इलिर अंऊर दोरे बंङज़ातेर। दि दोतु मिन शुह अंऊर दोर्तिंङ हाज़िर तोईरे पतरस, यूहन्ना, याकूब, अन्द्रियास ए फिलिप्पुस, थोमा, बरतुल्मै, मत्ती, हलफई ऊ योह याकूब, शमौन, जेलोतेस दंङ याकूबो योह यहूदा।

प्रेरित 1:13 Iomraidhean Croise

मत्ती 9:9

दोरच़ी तुंखा इलजे यीशुज़ि मत्ती मिन्दु इच्च़ा मीहबी अंऊ एनोह चुंगी लेहप्च़िमी अड्डारिंङ बंङज़ा तोहई। दंङ यीशुज़ि दोहरंङ साते कुतोह, “गिऊ थले अता दंङ गिऊ चेला बणेंक इल।” दंङ दुह खड़े अच़ा एनोह कम ब्याड़ा लहजे यीशु थले शुहचे इलि।

मरकुसो 14:15

दोई केतिंङ तोरिखी तेयार लहसी कमरा कम्बोतो दोहर ज़ेइमी इंतज़ाम लेह च़रतुंई।

मरकुसो 14:33

दंङ यीशुज़ि पतरस याकूब दंङ यूहन्ना बि ऐनाहरंङ साते थोड़े अरे तुंखा लेन्ज़ा शिली। दंङ यीशु महस ए दुखी शुबि लेहती।

मरकुसो 2:14

अपेहल दुह इपि लेहकी तोहई, दंङ दोई लेवी मिंदंङ इच्च़ा चुंगी लेहपच़ा तंङाते अंऊ हलफईऊ योह तोहई दुह एनोह चुंगी लेहप्च़िमी अड्डारिंङ बंङज़ा तोहई। दंङ यीशुज़ि दोहरंङ साते कुतोह, “गिऊ थले अता दंङ गिऊ चेला बणेंक इल।” दंङ दुह खड़े अच़ा एनोह कम ब्याड़ा लहजे यीशु थले शुहचे इलि।

मरकुसो 5:37

यीशुज़ि पतरस, याकूब ए याकूबो न्वा यूहन्नाबि एनोह साते शिलोह दोई ऊई अतिंङ ला ऐनारंङ साते माह शिली।

मरकुसो 9:2

त्रुई ध्याड़ो थल यीशुज़ि पतरस, याकूब दंङ यूहन्ना बि ऐनाहरंङ साते इच्च़ा रंङी गोह टोईच़ी लेन्ज़ा हति, दंङ अपेहल दोरे एकांत रिंङ तोईरे दुह षुमु चेलाज़ि यीशु रूप लेहक्सी तंङरी,

लूको 22:12

“दुह चुंङो मालिक केतिंङ तोरिखी तेयार लहसी कमरा कम्बोतो; दोहर ज़ेइमी इंतज़ाम लेह च़रतुंई।”

यहून्नो 11:16

दोथर थोमा ज़ि अतिंङ दिदुमुस ला कुट्री, एनोह साथी चेला तिंङ कुहतो, “अतंई हेनर ला दोरंङ साते सीह्मी थल्जी योंई।”

यहून्नो 14:22

यहूदा ज़ि अरी करियोत नगरो माह तोहई, यीशु हखा रुहक्ती, “हे प्रभु, झांह ठ्रोह छि शुहचे इलि कि केई केनाबि ञेंहतु टोईच़ी प्रगट लोहन पर संसारो मीहतु टोईच़ी माह लोहन?”

यहून्नो 18:17

दुह दासी ज़ि अरी पेतंङ रंड्रा तोहई पतरस बि कुंई, “छि कांह ला दिह मीहू चेला तु बिचंङ च़ि शुनाह?” पतरसे कुंई, “गेह माह शुगाह।”

यहून्नो 21:2

शमौन पतरस ए थोमा अतिंङ दिदुमुस ला कुट्री तोईरे, दंङ गलील प्रदेशो काना नगरो नतनएल ए जब्दीऊ योह, दंङ यीशु ऊ चेला तु बिचंङ च़ि झुह्ट ऊई मीहरे ठ्रोहका तोईरे।

प्रेरित 12:17

दंङ पतरसे दोतु हखा गुह्ट्र इशारा लहरी कि चुपे तोंई; दंङ दोतिंङ कंड्री लेहती कि प्रभु ज़ि छना ठ्रोह दोबी जेलंङ च़ि धह्तेका हुंच़े हति। दोथर कुई, “याकूब ए बिशवासी न्वातिंङ दिह गप्पा कुचे च़रतेन।” दंङ पतरस दोरच़ी हुंच़ा ऊई ठहरि रिंङ अच्च़ा इलि।

प्रेरित 15:13

अपेहल दोच़ी कुट्री बंद लहरिर, दंङ याकूब कुट्री लेहती, “हे विशवासी रे, गिऊ रेड्रुंई।”

प्रेरित 2:14

दोथर पतरस दुह सेईदि प्रेरितातु साते तुईज़ी अंज़े जोरे सग रें कुट्री लेहती, “हे केरे अंऊ गिऊ बराबर यहुदी शुई दंङ ए यरूशलेम शहरंङ बंङज़ा मीहरे, दिह ञेंए केई। दंङ गिऊ गप्पारे ध्याना रंङ साते रेड्रुंई।

प्रेरित 2:38

पतरसे दोतंङ साते कुतोह, “केनातु मदम कमो दोरच़ी सेहम किर्ज़ुंई, दंङ केहतु बिचंङ ज़ि हर इच्च़ा एनोह-एनोह पापो माफी ऊ थल्जी यीशु मसीहू मिंदंङ बपतिस्मा लेहप्तुंई; दंङ केतिंङ पवित्र आत्माओ दान खोकसोतो।”

प्रेरित 20:8

अंऊ अटारीरिंङ ञेंहरे ठ्रोहका तोहनि, दोर्तिंङ महसे छंङी तुपसी तोईरे।

प्रेरित 4:13

अपेहल दोच़ी पतरस ए यूहन्ना ओ याहब खंईर, दंङ दिह ञेंरिर कि दिरे सीधा सधा मीहरे शुहर, दंङ पवित्र शास्त्रो खास शिक्षा खोकसी माह ताहरेर, दंङ दोरे हेरान शुईरे; दंङ दोतिंङ सेहषी च़रतिर, कि दिरे यीशु साथी तोईरे।

प्रेरित 4:19

पर पतरस ए यूहन्ना ज़ि दोतिंङ जुबाब रेंईर, “केहच़ी ए फेंसला लांही, कि छि दिह परमेश्वरो तुईज़ी रूठे तोह आ, कि ञेंहरे परमेश्वरो गप्पा बे मोह्ड़े केहतु गप्पा मनेक्पोंई।”

1 कुरिन्थियों 15:7

दोहथल याकूबा बि तंङरि दोहथल भत्ते प्रेरिता तिंङ ला तंङसिरी।

गलातियों 1:19

दू मुक्का गेह सिर्फ अंऊ ऊई प्रेरिता रंङ साते दोरिगा, दू प्रभु यीशु न्वा याकूब तोहई।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

याकूब 1:1

गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

2 यूहन्ना 1:1

गेह यूहन्ना अंऊ सेंहणा शुगाह दिह डाक चेहच़ातग। गेह दि डाक परमेश्वरो अंङषी दुह न्वाशा ए दोऊ कटुतिंङ चेहच़ातग, अंऊ दोतंङ गेह सच्चा दाह लहज़ातग, दंङ सिर्फ गेह ए मशत दंङ दोरे भत्तेर गेरंङ साते दाह लहज़ातोर, अंऊ दोच़ी सच्चाई ञेंच़ातोर।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।