प्रेरित 1:11 - लाहौली बाइबिल

¹¹ दंङ कुट्री लेहतिर, “हे गलील प्रदेशो गंङ मीहरे, केहरे छिले खड़े शुहचे सर्गो हखा खंड्री लेहकी तोतोंई? दिह ए यीशु, अतिंङ परमेश्वरे केहतु कछंङ च़ि स्वर्गो हखा रेंज़ा शिली, ठीक ध्यांए ठ्रोह दुह यच़ाह अपतो छना ठ्रोह केहच़ी दुह सर्गो हखा इबी तंङातेन।”

प्रेरित 1:11 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

मत्ती 16:28

गेह केतंङ साते हेले कुट्रातग कि देर खड़े मीहतु बिचंङज़ि रेइरे झांह तोतोर दोच़ी अपेहल तचेक मीहू योह बि दोऊ राजंङ अपि माह तंङमोर धोंण तचेक सिओर माह।”

मत्ती 24:30

दंङ गेह मीहू योहऊ निशानी सर्गंङ तंङफोतो धरतीऊ भत्ते खानदानी मीहच़ी एनातु काह रटेकपोहर; दंङ गेह मीहू योह बि मोह्ड़े सामर्थ ए ठाटबाठरंङ सर्गो बदडातु टोईच़ी अपि तंङफोर।

मत्ती 25:31

अपेहल गेह मीहू योह यच़ाह अपोग, दंङ गेह घेंङौ महिमारंङ साते अपोग दंङ भत्ते स्वर्गदूतारे घेंङौ साते हपोग। दोहपल गेह भत्ते मीहतु न्याय लहच़िमी थल्जी घेंङौ महिमो सिहासनो टोईच़ी बंङज़ोग।

मरकुसो 13:26

“दंङ मीहरे गेह मीहू योह बि मोढ़े सामर्थरंङ साते ए महिमा रंङ साते डू विचंङ अपि तंङफोर।

मरकुसो 14:70

दंङ दुह यहचा मुकरेके इलि। थोड़े ध्याड़ो थल दोच़ी अंऊ कछंङ तोईरे यहचा पतरसङ साते कुंई, कनु बोली ता गलील मीहतु ठ्रोह तोह। “कांह पक्‍का यीशु साथीतु बिचंङज़ि इच्च़ा शुनाह।”

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

लूको 21:27

दंङ दोरे मीहरे गेह मीहू योह बि सामर्थ ए मोह्ड़े महिमारंङ बद्ड़ातु टोईच़ी अपि तंङमोर।

लूको 24:5

दोरे मेच़मीरे बेवा इलिरे दंङ पुंज़ा कोंङा लेह खड़े तोईरे दंङ दोकु गंङमी ज़ि दोतंङ कुहतोर, केहरे श्रींङी दोबि सिए दोतु बिचंङ छिला पेट्रातंई?

यहून्नो 14:3

दंङ अगर गेह इलजे केहतु थल्जी ठहरि तेयार लोहग, दंङ यच़ाह अंज़े केतिंङ घेंङा रंङ साते रेंज़ा शोहग कि अंऊर गेह बंङज़ोग दोर्तिंङ केहरे ला बंङज़ुंई।

प्रेरित 1:2

दिबे तुहई कि यीशु स्वर्गो हखा मेहली। परमेश्वरो दोरच़ी स्वर्गो हखा शिल्ज़िमी बे तुहई यीशु ज़ि दोरे अंङषी प्रेरिता तिंङ पवित्र आत्माओ मदत रंङ साते दोतिंङ हुकुम रेंई।

प्रेरित 1:9

यीशु दि गप्पा कुट्रीमी थल परमेश्वरे दोबि चेला तु तुइज़ी स्वर्गंङ रेंज़ा शिलिरे, दंङ दोरे दोबि तुंखा खंड्री मरतिर छना कुचे दुह इच्च़ा डुह बिचंङ अच़ा इलि।

प्रेरित 13:31

दंङ दुह दोतिंङ अंऊ दोरंङ साते गलील प्रदेशंङ च़ि यरूशलेम शहर अंज़े तोईरे, दोतिंङ महसे ध्याड़ा तचेक तंङफा लहरी। दि दोरे मीहरे शुरे अंऊ दोच़ी यीशु तंङातेर, दंङ हेंतेग दिरे मीहरे ऊई मीहतु तुईज़ी यीशु गवाह तोतोर।

प्रेरित 2:7

दंङ दोरे भत्ते महसे ठट् शुहचे इदि-अई दिरंङ साते कुट्री लेहतिर, “खांई, दिरे अंऊ कुट्री लेहकी तोतोर भत्तेर गलील प्रदेशो माह शुरेआ?

प्रेरित 3:12

दिह खांई पतरसे मीहतंङ साते कुंई, हे इस्राएल देशो मीहरे केहरे दिह मीहू टोईच़ी छिल्ले हेरानी लहज़ातंई दंङ केहरे ञेंहतु हखा छिल्ले झांह ठ्रोह खंड्री लेहकी तोतोंई कि ञेंहच़ी ए हेनातु सामर्थ ए भक्ति रंङ साते दिह देखा नोखा जोज़िमी जोगे लहतन।

प्रेरित 3:21

यीशु ऊ स्वर्गंङ बंङज़ी दोहपल तचेक ज़रूरी तोह अपेहल तचेक कि परमेश्वर भत्ते धिर खरकोई बणाके च़रपोतो। महस तुहई ए परमेश्वरे मीहतिंङ दिह कंड्रिमी थल्जी पवित्र भविष्यवक्तातु दोरच़ी झांह लहज़िमी वाईदा लहरी।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

1 थिस्सलुनीकियों 4:16

छना कुचे प्रभु यीशु एनोह ए स्वर्गो दोरच़ी तकसोतो; दोई मोह्ड़े सगरंङ साते हुकुम रमतो, दंङ इच्च़ा प्रधान स्वर्गदूत जोरे हाऊष रें कोहतो दंङ परमेश्वरो तुरही ओ ला संग थक्पोंई, दोहपल भत्ते बे तुहई अंऊ मसीहरिंङ विशवास लहज़ा सिए इलजी तोतोर, दोरे मुन्डारिंङ श्रींङे योर।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।