2 तीमुथियुस 4:8 - लाहौली बाइबिल

⁸ दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

2 तीमुथियुस 4:8 Iomraidhean Croise

मत्ती 24:36

पर गिऊ अई फेरा अपिमी पाहठी सही टेम अच़िला माह ञेंहऊ, माह स्वर्गदूताज़ि, माह गेह योह बि, सिर्फ बाहबि दुह ध्याड़ाओ पाहठी पता तोह।

मत्ती 7:22

न्याय ओ ध्याड़ारिंङ महस मीहच़ी गिह्बी कोर, ‘हे प्रभु, हे प्रभु, छि ञेंहच़ी कांह मिन्ज़ी मांजी आत्मारे महुंज़ा तेंईयां, दंङ कांह मिन्ज़ी हेरानी कम्मारे मलेहतंईया?’

लूको 10:12

गेह केतंङ साते कुट्रातग न्याय ध्याड़ारिंङ दुह इलाकाओ हलात दुह सज़ा बे अंऊ परमेश्वर सदोम शहरो मीहतिंङ रमतो दोबि ला महस शोतो।

रोमियो 2:5

पर केरे ज़िद्दी तोतोंई दंङ झांह लेह केरे पश्चाताप लहज़िमी रंङ साते इंकार लहज़ातंई, झांह लेह परमेश्वर केतिंङ महस खरे सज़ा रमतो। छना कुचे दुह ध्याड़ा अपि लेहकी तोह, अपेहल परमेश्वरे एनोह रोहष कमबोतो दंङ एनोह सच्चा न्याय प्रगट लोहतो।

रोमियो 8:23

सिर्फ धोंण ए मशत, पर हेनरे ला, अतिंङ शुहबिमी महिमा बे तुहई स्वादो रूपारिंङ पवित्र आत्मा बसेक्पा। एनोह अंदरेग ए अंदरेग क्रिम्बातोर। हेंतेग ञेंरे दू ध्याड़ा बि रुमज़ा तोतोंई अपेहल परमेश्वर हेंदिंङ एनोह गोद लेहपसी कटुतु रूपारिंङ भत्ते अधिकार रें च़रपोतो। मतलब हेंदिंङ खरकोई फुक रें हेंदु फुक आज़ाद लेह च़रपोतो।

1 कुरिन्थियों 2:9

पर छना पवित्र शास्त्रारिंङ च़ेहसी तोह, “माह अच़िया अपेहला तंङरिर, दंङ माह अच़िया अपेहला रेड्रीर, दंङ माह ए अपेहला अच़िया दू रूठे चीज़ा तु पाहठी सोचेक्सी तोह, अंऊ परमेश्वरे दू मीहतु पाहठी तेयार लहसी तोह अंऊ दोरंङ साते दाह लहज़ातोर।”

1 कुरिन्थियों 3:13

इच्च़ा ध्याड़ा हर इच्च़ा दू कमो खसीयत खमतो अंऊ दोच़ी लहसी तोह। छना कुचे अपेहल यीशु मसीह दोबारा वापिस अपतो दंङ दू साफ रूपारिंङ दि गप्पा तिंङ हिद लोहतो दि दू टेमो ठ्रोह शोतो अपेहल धातु परखेक्च़िमी थल्जी मेहू बिचंङ केट्री। दोई दि खमतो कि हर इच्च़ा मज़दूरे छि-छि लहतो, दंङ दोई कंबोतो कि दि रूठे तोह या बेकार।

1 कुरिन्थियों 9:25

अंऊ पहलवान कुशती रिंङ हिस्सा लेहपच़ी जुंज़ातोर, दंङ तुहई भ्यास लहज़ातोर, दोरे एनोह टोईच़ी काबू लहज़ातोर। दोरे झांह दिऊ थल्जी लहज़ातोर ताकि द्रक्शे तरपोर दंङ इनाम खोक्शे तरपोर। दोतु आदर लहज़िमी थल्जी लपातु बणेषी हार रंड्रातंई अंऊ महसे ध्याड़ा तचेक माह बंङज़ा। पर हेनर अंऊ यीशु मसीहू टोहकठे विशवास लहज़ातंई, इनाम खोकपोंई, दंङ अंऊ रूठे इनाम दोई हेंदिंङ रमतो दू हमेशा तचेक बंङज़ोतो। झांह लेह हेंदिंङ ला हेंदु टोईच़ी काबू तहच़ि ज़रूरी तोह।

2 कुरिन्थियों 5:2

दि इच्च़ा सच्चाई तोह कि अपेहल हेनर दि धरती ऊ टोईच़ी तोतोंई, दंङ हेनर दि फुकारिंङ क्रिम्बातंई दंङ मोह्ड़े हिटी लांहज़तंई कि, हेंदिंङ इच्च़ा झांह ठ्रोह फुक खोकसा, अंऊ हेंदु स्वर्गो चुंङो ठ्रोह शोतो।

फिलिपियों 3:11

ताकि गेह ला यह्च़ा सिमी दोरच़ी श्रींङमी लोहर।

कुलुस्सियों 1:5

केहच़ी दिह झांह लेह लहज़ातंई छना कुचे विशवास ए दाह ओ मुयांद दुह उम्मीद तोह अंऊ केहतु थल्जी स्वर्ग रिंङ तहसी तोह, अतु पाहठी केहच़ी दुह रूठे खबर ओ सत्य बचनरिंङ रेड्री चरच़ातंई, अंऊ केहतु कछंङ पिचे तोह।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

1 थिस्सलुनीकियों 5:4

पर हे गिऊ प्यारे साथी विशवासी रे, केहरे ता हंञारारंङ माह तोंई, कि प्रभु अपिमी ध्याड़ा केहतु टोहकठे चोरो ठ्रोह अचानक अच़ा अपतो।

2 थिस्सलुनीकियों 2:8

दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

1 तीमुथियुस 6:19

अगर दोच़ी झांह लहज़ातोर, दंङ दि झांह तोह छना दोरे स्वर्गारिंङ एनोह ढबाह ठ्रोका लहज़ातोर अंऊ अपेहल योंहषतो माह, दंङ दोरे सच्चा जीवन खोकपोरे अंऊ हमेशा ओ थल्जी तोह।

2 तीमुथियुस 1:10

पर हेंतेग हेंदु उद्धारकर्ता, प्रभु यीशु मसीह, अच़ा अंजा, दंङ हेंदिंङ एनोह मोह्ड़े दाह कंङातो। दोई सिमी शाक्ति यहरच़े चरच़तो, दंङ रूठे खबरो ज़रिये, हेंदिंङ अनंत जीवनो थल्जी अम कंङातो।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

2 तीमुथियुस 1:18

गेह प्रार्थना लहज़ातग कि न्यायो ध्याड़ारिंङ प्रभु उनेसिफुरूस ओ टोहकठे दया लोहतो। केहच़ी केनाच़ि रूठे रंङ ञेंच़ातंई कि दोई इफिसुस शहरारिंङ गिऊ अंयों मदत लहरी।

2 तीमुथियुस 2:5

ध्वांए, अपेहल अरिया ऊईतु खिलाप रेसा रिंङ ज़रका रंड्रा, अगर दुह खेलो नियमो भाषे माह लहज़ा, दंङ अच़िला दोबि ईनाम माह रमोर।

2 तीमुथियुस 4:1

अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 12:11

अंऊ मुक्का रैहच़ा तोर, दू मुक्का दू रैहच़ी रूठे माह च़ेहसा, बल्कि दोई रें दुख शवाह पर थले, अपेहल हेनर दोऊ दोरच़ी सिखेक्च़ातंई दंङ दू मुक्का शांति खोकसा, छना कुचे हेनर रूठे रंङ श्रींङमी शुरू लहज़ातंई।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

1 पतरस 1:4

हेनर दू विरासता बि खोकच़िमी थल्जी रुमज़ा तोतोंई अंऊ परमेश्वरे हेंदु थल्जी तेयार लहसी ततो। अरिला अपेहला दू चीज़ातिंङ नाश लेह मरच़ा। अच़िला ला दू खराब लेह मरच़ि। दू अपेहला युई या दोऊ सलटे रिंङ कमी माह अपतो। परमेश्वरे दू चीज़ स्वर्गंङ तहरि।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।

प्रकाशित वाक्य 19:11

दंङ गेह स्वर्गा बि अलसी तंङरिगा, दोर्तिंङ गिऊ तुईज़ी छंङसी रहंङ तोह; दंङ दोऊ टोईच़ी इच्च़ा सवार तोह, अंऊ परमेश्वरो विशवासो जोगे ए सच्चा सेवक शुह; दंङ धर्मिक हिसाबे दोई दोऊ बैरीतु फेंसला लहज़ा दंङ दोतु खिलाप लड़ाई लड़ेक्पा।

प्रकाशित वाक्य 2:10

दुह दुखा रंङ साते थाबेईनि अंऊ कनिंङ खोकसोतो। शेतान केहतु बिचंङ रेहतिंङ गिरफ्तार लोहतो दंङ केतिंङ कैदारिंङ केहच़ी च़रपोतो ताकि दोई केहतु परीक्षा लोहतो। केरे साह ध्याड़ा तचेक महस मुसीबतो अनुभव लोहनि। पर गिऊ टोईच़ी विशवास लहज़ी अपेहल ला था छोडे़क्तेंई, चाहे केतिंङ सिए पढ़ेक्पोतो, छना कुचे गेह केतिंङ जीतो थल्जी ईनामो रूपारिंङ अनंत जीवन रमोग।

प्रकाशित वाक्य 22:20

यीशु ज़ि दि भत्ते गप्पो पाहठी गवाही रंड्रा, दंङ दोई कुट्रा, “वोई, गेह युरनाह अपिमी तोतोग।” गेह यूहन्ना ज़ि जबाब रेंईगा, अमीन! हे प्रभु यीशु अता!

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।