2 तीमुथियुस 4:5 - लाहौली बाइबिल

⁵ पर कांह भत्ते गप्पातिंङ खबरदार बंङज़ु, धीरज़ारंङ दुख सहन लोह दंङ रूठे खबरो प्रचार लोहवा लोह दंङ प्रभु सेवक शुहबिमी रंङ साते केनोह ज़िम्मेवारी पूरा लोह अंऊ प्रभु ज़ि कनिंङ रांहषी ततो।

2 तीमुथियुस 4:5 Iomraidhean Croise

मत्ती 25:16

दंङ अतिंङ ङा तोड़ा खोकसिरी दोई दोथरे इलजे दोतु लेन-देन लेह ऊहई ङा तोड़ा कमाकतो।

मरकुसो 13:34

दीह दुह मीहू दशो ठ्रोह शुह, अंऊ परदेश इबिमी मुका एनोह घरबार केट्रा इलि, दंङ एनोह नोकर तिंङ अधिकार रेंहई; दंङ भत्ते तिंङ दोतु कम कम्बतो, दंङ द्वारो रखवाली लहज़ा दोबि चेहकी बंङज़ी मी आज्ञा रमतो।

मरकुसो 13:37

दंङ अंऊ गेह केतंङ साते कुट्रातग, दुह भत्तेतंङ साते कुट्रातग; कि गिऊ अपिमी थल्जी तेयार तोहई।”

लूको 12:37

धन्य शुह दुह परगर अरी एनोहो मालिको इंतज़ार लहज़ा दंङ दुह ध्याड़ो थल्जी तेयार तोह, गेह केतंङ साते हेले कुट्रातग कि दुह मालिक एनोह परगराबि बगत ज़ेइमी थल्जी बेठाएपोतो दंङ एनोह उम छ़ुचे दोऊ सेवा लोहतो।

प्रेरित 21:8

ऊईरग ध्याड़ा ञेंहरे दोरच़ी अच्च़ा केसरिया शहरंङ अति, दंङ फिलिप्पुस रूठे खबर ओ प्रचारको ओ चुंङ, दुह निह्ज गंङमी तु बिचंङ इच्च़ा तोहई अतिंङ यरूशलेमा रिंङ प्रेरिता ज़ि रंणी मेच़िमी तु देख-भालो थल्जी अंङषी ताहरेर।

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

इफिसियों 4:11

दि मसीह तोहई अच़ि दि ज़िम्मेवारी कलीसिया बि रेंई: दोई रेह तिंङ प्रेरित शुहबिमी थल्जी अंङे च़रति दंङ रेह तिंङ भविष्यवक्ता बणेषिमी थल्जी, दंङ रेह तिंङ रूठे खबर सुनाएच़िमी थल्जी, दंङ रेह तिंङ रखवाली लहज़िमी थल्जी दंङ रेह तिंङ सिखाच़िमी थल्जी अंङे च़रतिर।

इफिसियों 4:12

अंऊ दिरंङ साते पवित्र मीहरे सिद्ध शुहचे योरे दंङ सेवाऊ कम लोहवा लोहरे मसीहू फुकरिङ तरक्की खोकसोतो।

कुलुस्सियों 1:25

परमेश्वरे गिह्बी दिऊ थल्जी अंङषी शुह कि दोऊ बचन रूठे रंङ सिखाएपोग दंङ दोऊ थल्जी गेह कलीसियाओ सेवक बणेंके इलिग।

कुलुस्सियों 4:17

दंङ अरखिप्पुस ओ हखा कुंई कि “अंऊ सेवा प्रभुरिंङ कनिंङ रांहषी तोह, दोबि रूठे रंङ साते पुरे लोह।”

1 थिस्सलुनीकियों 5:6

झांह लेह हेनर अविशवासी ठ्रोह इमरिंङ माह बंङज़ी मेस, पर चेहके ए खबरदार बंङज़ुंई।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 तीमुथियुस 4:15

दि गप्पारे लोहवा लोह दंङ दिरिंङ खास ध्यान रम्मा लोह, ताकि हर इच्च़ा दि खमतो कि कांह केनोह विशवासी जीवनारिंङ बड़ेक्पी लेहकी तोतोन।

2 तीमुथियुस 1:8

झांह लेह ऊई मीहतिंङ हेंदु प्रभु यीशु मसीहू पाहठी कंड्रिमी शर्मिन्दा था शुई, दंङ माह ए कनिंङ दि गप्पो दोरच़ी षेहपि जूंस कि गेह परमेश्वरो सेवा लहच़िमी रंङ साते कैदारिंङ तोतोग। पर कनिंङ दुह सामर्थो इस्तेमाल लेह जूंशी तोह अंऊ परमेश्वर कनिंङ रंड्रा, दंङ रूठे खबरो थल्जी गेरंङ साते दुखा रिंङ साथी शुई।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

2 तीमुथियुस 2:3

यीशु मसीहू रूठे सेनिको ठ्रोह गेरंङ साते दुखो सामना लोह।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

प्रकाशित वाक्य 3:2

दिऊ थल्जी अच़ा इलांई! गिऊ टोईच़ी केहतु अंयों ला विशवास ऊई बचेकी तोह, दोबि पक्‍का लंहि, ताकि दि बिल्कुल ए योह्सा इबि मेस। गेह ञेंच़ातग कि कांह कमी महस तोह छना कुचे केई छि लहज़ातन परमेश्वर दोरंङ साते खुश माह।