2 तीमुथियुस 4:2 - लाहौली बाइबिल

² कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

2 तीमुथियुस 4:2 Iomraidhean Croise

लूको 7:23

धन्य शुहरे दोरे अच़ि गिऊ टोहकठे विशवास लहज़ातोर।”

लूको 7:4

दोरे यहुदी सेंहणार यीशु कछंङ अतिरे दंङ दोरंङ साते महस बिनती लहज़ी कुट्री लेहतिर, “दुह दीह जोगे शुह कि केई दोऊ टोईच़ी दया लोहू।

लूको 9:60

यीशुज़ि दोबि कुहतो, “अंऊ मीहरे आत्मिक रीतिरंङ सीए इलजे तोतोर, दोतिंङ एनोह मुर्दारे पथेक्च़ी रंऊ, पर कांह इलजे परमेश्वरो राज्यो रूठे खबर कुड्रू।”

प्रेरित 13:5

दंङ सलमीस बंदरगाह रिंङ पिचे ठहरि-ठहरि इलजी परमेश्वरो बचन यहुदी सभो घरबारंङ सुनाएतिर; दंङ यूहन्ना अतु मिन मरकुस शुह, दोतु मदत लहज़िमी थल्जी दोतंङ साते तोहई।

प्रेरित 16:13

अरामो ध्याड़ा रिंङ ञेंरे बेंड़ीऊ मुखारिंङ शहरो मोह्ड़े पेतंङ धकते इलजे दि सोचेके इलिर कि यहुदी मीहतु थल्जी प्रार्थना लहज़िमी ठहरि शोतो। दंङ रैह मेच़िमी दोहर प्रार्थना लहज़िमी ठ्रोहका तोईरे, दंङ ञेंहच़ी बंङज़ा ते दोतिंङ यीशु पाहठी कंड्रेतेंई।

प्रेरित 20:7

हप्तो मुन्डा ध्याड़ा रिंङ अपेहल ञेंहरे रोटी थक्च़िमी (प्रभु भोज) थल्जी ठ्रोहका शुईरे, ता पोलुसे अंऊ ऊईरग इबिमी तोहई, दोतंङ साते गप्पा लहरी, दंङ आधा राता रिंङ तचेक शिक्षा रंड्री लेहती।

प्रेरित 28:16

अपेहल ञेंरे रोम शहरंङ पिरिनि, दंङ पोलुसाबि एनोह च़ुम किराया रिंङ लेहपच़िमी इजाज़त खोकसिरी इच्च़ा सेनिका बि दोऊ रखवाली लहज़िमी हुकुम खोकसिरी।

रोमियो 10:15

दंङ दिबे तुहई कि अरिया रूठे खबर सुनाएच़ा दोरे इलजे दोतिंङ कमबोतो, रूठे खबर सुनाएच़ा दोतिंङ चरच़ी ज़रूरी तोह। छना पवित्र शास्त्रारिंङ च़ेहसी तोह, कि “दोतु कोंज़ारे छि ठ्रोह रूठे तोतोरे, अंऊ रूठे गप्पो रूठे खबर सुनाएच़ातोर।”

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

गलातियों 6:6

अंऊ मीहतिंङ परमेश्वरो बचनो शिक्षा रंड्रातोर, दंङ दोतु फर्ज़ बणेक्पा, कि छिल्ला धिर दोतु कछंङ तोह, दू मीहतंङ साते फासि जूंस अंऊ दोतिंङ सिखाएच़ातोर।

कुलुस्सियों 1:25

परमेश्वरे गिह्बी दिऊ थल्जी अंङषी शुह कि दोऊ बचन रूठे रंङ सिखाएपोग दंङ दोऊ थल्जी गेह कलीसियाओ सेवक बणेंके इलिग।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

1 थिस्सलुनीकियों 1:6

केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

1 थिस्सलुनीकियों 5:20

अंऊ भविष्यवाणी परमेश्वरो तरफे मीहतु टोहकठे प्रगट लहसी तोह दोबि बेकार थाचेतेंई।

1 तीमुथियुस 4:13

गिऊ दोर पिचा तचेक विशवासी तु थल्जी पवित्रशास्त्र जोरे पढेक्पी ए याहब रंड्री ए पवित्रशास्त्रा बि सिखासी ए समझासी लेहकी बंङज़ु।

1 तीमुथियुस 5:20

अंऊ मीहच़ी पाप लहज़ातोर, कनिंङ दुह मीहतिंङ भत्ते विशवासी तु तुईज़ी रैहच़ी जूंशी तोह, ताकि ऊई विशवासी ला पाप लहच़िमी रंङ साते बेऊर।

2 तीमुथियुस 2:21

ध्वांए अंऊ विशवासी एनाबि दुह भत्ते कमो दोरच़ी शत्‌ह लोहतो, दंङ दुह इच्च़ा खास नंदे ओ ठ्रोह शोतो अंऊ खास टेमारिंङ इस्तेमाल लहज़ी, दंङ दोरे भत्ते पाहठी ओ रूठे कम लेह तरपोंई।

2 तीमुथियुस 2:25

हेंदिंङ दुह मीहतिंङ नम्रतारंङ साते समझाएक्ची जूंशी तोह अंऊ दोच़ी विरोध लहज़ातोर, झांह शुहबी तरपोतो कि परमेश्वर ए दोतिंङ सच्चाई ञेंहच़ी ए दोऊ हखा किरच़िमी मौका रमतो।

2 तीमुथियुस 3:10

पर हे तीमुथियुस, केई रूठे रंङ ञेंहच़ातन कि गेह छि सिखाक्च़ातग, दंङ छना श्रींङमातग, ज़िंदगी रिंङ गिऊ मकसद छि तोह दंङ गेह छि विशवास लहज़ातग। केई ञेंहच़ातन कि गेह धीरज़ तहज़ातग, दंङ भत्ते मीहतंङ साते दाह लहज़ातग, गेह मुसीबत सहन लाहतेर,

तीतुस 1:13

दि मीहतु पाहठी दि गप्पा हेंतेग ला हेले तोह। झांह लेह दोतिंङ पक्‍का खबरदार लोहवा लोह, कि दोरे विशवासरिंङ पक्‍का शुहबी जूंस।

तीतुस 2:15

झांह लेह तीतुस गेह जुंज़ातग कि कांह क्रेते टापू अविशवासी तिंङ दि गप्पा सिखातु अंऊ गेह कनिंङ कांहषी तातग। केनोह मीहतिंङ दि लहज़िमी थल्जी उत्साहित लोह, अंऊर ज़रूरत शोतो, दोर्तिंङ दोतिंङ सुधार लोह। कनिंङ झांह लहच़िमी भत्ते अधिकार तोह, अच़िया कांह अपमान लेह माह जूंस।

इब्रानियों 13:22

हे गिऊ प्यारे साथी विशवासी रे, गेह केतंङ साते बिनती लहज़ातग, कि दि डाको उजाबा बि धीरज़ारंङ साते रेड्रुंई, अंऊ केतिंङ याहब रंड्रीमी थल्जी च़ेहसी शुह गेह केतिंङ दि डाकरिंङ महस गप्पा च़ेहसी माहतग।

प्रकाशित वाक्य 3:19

गेह दुह मीहतिंङ रैहच़तो दंङ दोतिंङ अनुशासित लहज़ातग, अतंङ साते गेह दाह लहज़ातग। झांह लेह सही कम लहज़िमी थल्जी जोशिला शुहचे बंङज़ेंई, दंङ गुनगुना शुहबी रंङ पश्चाताप लंहि।