2 तीमुथियुस 4:18 - लाहौली बाइबिल

¹⁸ प्रभु गिह्बी हर इच्च़ा मदम कमो दोरच़ी बचाएपोतो अंऊ गिऊ नुकसान लहज़ा, दंङ दोई गेह एनोह स्वर्ग राजारिंङ सही-सलामत रैंज़ा शोतो। दोऊ महिमा हमेशा शुहवा लोहतो। अमीन।

2 तीमुथियुस 4:18 Iomraidhean Croise

मत्ती 13:43

दुह मुक्का धर्मी मीहरे एनोह स्वर्गो बाहऊ राजंङ एकेऊ ठ्रोह चमकेक्पोर। छिल: गेह कुट्रातग दुह ध्यानारंङ साते रेड्रुंई।

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

लूको 11:4

“छना ञेंहच़ी हेंदु गुहनेगारतिंङ माफ लहज़ातन, ध्वांए केई ञेंहतु गुनाह माफ लोह, दंङ ञेंतिंङ परीक्षा रिंङ था हता।”

लूको 12:32

“केहरे गिऊ नज़रा त्रेंईतु क्वाच़ी झुण्डो ठ्रोह शुई, बेंईन था; छना कुचे केहतु बाह परमेश्वर बि दी रुठे चेहसिरी कि केहतु सेहमरिंङ राज लोहतो।

लूको 22:29

दंङ छना गिऊ बाह परमेश्वरे ए गिऊ थल्जी राज्य ठेहराएसी ततो ध्वांए गेह लाह केहतु थल्जी ठेहराएपोग,

यहून्नो 17:15

गेह दीह बिनती माह लहज़ातग कि केई दोतिंङ संसारारंङ च़ि रेंज़ा शिल, पर दिह कि केई दोतिंङ शेतानो दोरच़ी बचाके तौऊ।

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

रोमियो 16:27

यीशु मसीहू दोरच़ी दू इच्च़ा ए प्रजापति बुद्धिमान परमेश्वरो महिमा हमेशा-हमेशा शुहवा लोहतो। अमीन।

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

1 कुरिन्थियों 10:13

पाप लहज़िमी हिटी हेंदु भत्ते तु कछंङ ज़रुर अपा, पर परमेश्वर सच्चा तोह। दू केतिंङ झांह ठ्रोह परीक्षा रिंङ पढेक्पि माह रंड्रा, अंऊ केहतु सहन बे धकते तोह पर दू परीक्षारंङ साते बचेक्पिमी तरीका ला लोहतो कि केरे विशवासारिंङ पक्‍का शुहचे बंङज़ेंई।

1 कुरिन्थियों 15:50

हे गिऊ प्यारे साथी विशवासी रे, गेह दि कुट्रतग, दि संसारारिंङ हेंदु फुक षाह ए शुहई ऊ बणेंके तोह; हेनर स्वर्गा रिंङ परमेश्वरो रजा रिंङ हेंदु दि फुका रंङ साते इबी मरपोंई। हेनर स्वर्गारिंङ हेंदु झांह ठ्रोह फुकारंङ साते बंङज़ी मरपोंई अंऊ सिए यवात, छना कुचे दोर्तिंङ अपेहला सिए माह।

2 कुरिन्थियों 1:10

दोई ए हेनर सिमी मोह्ड़े मुसीबतो दोरच़ी बचाएति, ए बचाएपोतो; दंङ दोऊ टोईच़ी हेंदु दि उम्मीद तोह, कि दू तुंखा ला बचाएपा लोहतो।

गलातियों 1:5

गेह प्रार्थना लहज़ातग कि परमेश्वरो महिमा युगानयुग शुहवा लोहतो। अमीन।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

2 थिस्सलुनीकियों 3:3

पर केरे परमेश्वरो टोहकठे पक्‍का विशवास लेह तरपोंई। दोई केरे पक्‍का लोहतो दंङ केहतु रक्षा लोहतो ताकि मांजी शेतान केहतु नुकसान लेह मरपोतो।

1 तीमुथियुस 1:17

दंङ हेंतेग अनंतकालो रज्ज़ा अंऊ हमेशा ओ थल्जी श्रींङी तोह अपि अच़िला खांई मरपोर, इच्च़ा ए सच्चा परमेश्वरो आदर ए महिमा युगानयुग शुहवा लोहतो। अमीन।

1 तीमुथियुस 6:16

सिर्फ दुह ए तोह अंऊ हमेशा ओ थल्जी श्रींङी तोह, दुह धोंण चमकदार छंङीरिंङ बंङज़ा, कि अरिला दोऊ कछंङ अपि मरछा, माह ता दोबि अच़िया मीह खंड्री तरपोतो। दोऊ महिमा ए सामर्थ युगानयुग बंङज़ोतो। अमीन।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

2 तीमुथियुस 4:1

अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।

इब्रानियों 11:16

पर सच्चाई दि तोह कि दोरे इच्च़ा खास देशो उम्मीद लहज़ातेर, अंऊ स्वर्गंङ तोह। झांह लेह परमेश्वर दू मीहतु परमेश्वर शुहबिमी थल्जी खुश तोहई, छना कुचे दोई दोतु थल्जी इच्च़ा शहर तेयार लहसी ततो।

इब्रानियों 12:22

पर केरे सिय्योन गोह कछंङ अंज़े तोतोंई, अंऊर स्वर्गीय यरूशलेम तोह, अंऊ श्रींङे परमेश्वरो शहर शुह, अंऊर लख स्वर्गदूता रे खुशी ऊ त्याहरो मनेक्च़ातेर।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

1 पतरस 1:5

दंङ केहतु विशवासो दोरच़ी, परमेश्वर एनोह सामर्थरंङ साते केहतु रखवाली लहज़ा अपेहल तचेक कि केरे रूठे रंङ उद्धार खोकच़ातंई कि मसीहू वापिस अपिमी ध्याड़ा कंड्रिमी थल्जी तेयार तोतोंई।

1 पतरस 5:11

दू हमेशा ओ थल्जी सामर्थशाली रूपा रिंङ राज लोहतो। अमीन।

2 पतरस 1:11

पर परमेश्वर केहतु दुह राज्य रिंङ रूठे रंङ स्वागत लोहतो अंऊर यीशु मसीह तोह, अंऊ हेंदु प्रभु ए हेंदु उद्धारकर्ता तोह, अंऊ हमेशा ओ थल्जी रज्ज़ा ओ रूपा रिंङ राज लोहतो।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।