2 तीमुथियुस 4:16 - लाहौली बाइबिल

¹⁶ मुण्डारिंङ अपेहल गेह रोमो कोर्टंङ घेंङौ सफाई रंड्रीमी थल्जी इलिगा, दोहपल गिऊ तरफे कुट्रा अरिला माह तोहई, दंङ भत्तेज़ि गिऊ साथी छोड़ेके च़रतिर। गेह प्रार्थना लहज़ातग कि परमेश्वरे दोतिंङ दि कमो थल्जी माफ लोहतो।

2 तीमुथियुस 4:16 Iomraidhean Croise

मरकुसो 14:50

दंङ भत्ते चेलारे यीशुबि केहट्रा दोहरची पोक्शे इलिर।

लूको 12:11

“अपेहल मीहरेर केतिंङ यहुदी सभा घरबारारिंङ ए अधिकारितु तुईज़ी रेंज़ा शोर, दुह मुका चिंद थाह लांही कि ञेंहच़ी छी जुबाब रमोंई।

यहून्नो 16:32

खंणुई, दुह टेम पिचे अंज़े तोह, कि केहरे भत्ते देखा नोखा शुहचे एनोह-एनोह अमरिंङ अच़ा योंई, दंङ गिह्बी इच्च़ा केट्रे केओन, तांला गेह इच्च़ा मा शोग छना कुचे पिता परमेश्वर गेरंङ साते तोह।

प्रेरित 22:1

“हे न्वारे ए सेंहणा रे, गिऊ रेड्रुंई, अंऊ गेह घेंङौ बचावो थल्जी दुह मीहतु तुईज़ी कुट्रातग अंऊ गिऊ टोईच़ी दोष लगाएच़ातोर।”

प्रेरित 25:16

पर गेह दोतिंङ जबाब रेंईगा, कि रोमी तु दि रिवाज़ माह, कि अरिया मीहबी दण्डो थल्जी रें केओनि, अपेहल तचेक अरोपी बि एनोह टोईच़ी दोष लगाएच़ा दोतिंङ गलती तु जबाब रंड्रीमी मुक्का माह खोकसोतो।

प्रेरित 7:60

दंङ पुष्टू भारे बंङज़ा ते जोरे हाऊष रेह कुई, “हे प्रभु, दिह पापो थल्जी दितिंङ माफ लेह च़रतु।” दंङ दिह कुचे थल दुह सिए इलि।

1 कुरिन्थियों 13:5

दोरे ऊईतिंङ साते मदम बर्ताब माह लहज़ातोर, दोरे स्वार्थी माह शवाहतोर दोरे युरनाह रोहष माह लहज़ातोर दंङ दोरे महस आसानी रंङ साते ऊईतिंङ माफ लहज़ी चरच़ातोर अंऊ दोतु खिलाप गलत लहज़ातोर।

1 कुरिन्थियों 9:3

अंऊ मीहरे गिऊ प्रेरित शुहबिमी अधिकारो टोईच़ी सवाल लहज़ातोर, दोतु थल्जी गिऊ दिए जुबाब तोह।

2 कुरिन्थियों 7:11

तांला रेड्रुंई, दिए गप्पो दोरच़ी कि दू दुख, अंऊ परमेश्वर केतिंङ महसूस लहज़ी जुंज़ा। दोऊ दोरच़ी केतिंङ अंयों हिम्मत, दंङ सच्चाई कंड्रिमी थल्जी तेयार, बेह्द, गिह्बी खंड्रिमी हिटी, मेहनत, दंङ न्याय चुकाच़िमी धोंण हिटी; झांह लेह केहच़ी दि मामलारिंङ भत्ते पाहठी निर्दोष शुहबिमी प्रमाण रांहषी तातंई।

फिलिपियों 1:17

अंऊ मीहरे जलन ए लड़ाई-झगड़ा ओ थल्जी मसीहू पाहठी प्रचार लहज़ा तोर, दोरे एनोह फायदा ओ थल्जी मसीहू रूठे खबर ईमानदारी रंङ साते माह सुनाएच़ा तोर, दंङ देहर कैदरिंङ गिऊ मुसीबत बढ़ाएच़ातंई।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

2 तीमुथियुस 1:15

केई ञेंहच़ातन कि, आसिया प्रदेशारिंङ बंङज़ा रें विशवासी ज़ि गेह छोड़ेके केहतोर, अंऊर फूगिलुस ए हिरमुगिनेस तोईरे।

2 तीमुथियुस 4:10

छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

2 तीमुथियुस 4:15

कांह ला दोरंङ साते खबरदार बंङज़ु, छना कुचे दोई हेंदु शिक्षा ओ महसे विरोध लहते।

1 पतरस 3:15

बल्कि मसीह बि केनातु सेहमरिंङ प्रभु चेहके दोऊ अराधना लंहि, अगर अच़िया दू उम्मीदो पाहठी रूहक्पोतो ता अंऊ विशवासी शुहबी रंङ साते हेनर भत्तेरे सांझा लहज़ातंई, दंङ हमेशा दोबि समझाएच़िमी थल्जी तेयार बंङज़ुंई, पर दि नम्रता ए आदरा रंङ साते लंहि।