2 तीमुथियुस 4:10 - लाहौली बाइबिल

¹⁰ छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

2 तीमुथियुस 4:10 Iomraidhean Croise

मत्ती 12:32

अच़िला गेह मीहू योहू खिलाप छाह गप्पा कोतो, दोऊ दि गलती माफ शुहचे योतो पर अच्च़ी लाह पवित्र आत्मो खिलाप छाह कोतो, दोऊ गलती माह दिह संसार माह परलोकंङ माफ शोतो।

मत्ती 26:56

पर दिह भत्ते दिऊ थल्जी शुहते कि भविष्यवक्तातु वचन पूरा शोतो।” दंङ भत्ते चेलारे यीशुबि केहट्रा दोहरची पोक्शे इलिर।

लूको 14:33

दिए रीतिङ केहतु बिचंङज़ि अच़िआ एनोह भत्तेधिर ब्याड़ा माह लोहतो दुह गिऊ चेला शुबी मरपोतो।

लूको 16:13

“अच़िला परगरे इच्च़ा टेमारिंङ झुह्ट मालिको सेवा लेह मरच़ि; छना कुचे दोई इच्च़ारंङ साते बैर अईदिरंङ दाह तोहतो; छिता इदिरंङ मिलेकी बंङज़ोतो अईदीबी क्वाच़ी चेहपोतो: केहच़ी परमेश्वर ए ढबाह झुल्लो सेवा लेह मरच़ि।”

लूको 17:32

ञेंहतु बाह-मेमे लूत ओ मेच़ो हिद तांहई कि दोरंङ साते छि शुहते।

प्रेरित 13:13

पोलुस ए दोऊ साथीर पाफुस इलाकंङ च़ि समुंद्री यात्रा शुरू लहरिर दंङ दोरे पंफूलिया प्रदेशो पिरगा इलाकंङ पिचे इलिर। दंङ यूहन्ना अतु मिन मरकुस ला शुह, दोतिंङ व्याड़ा लहच़ी वापिस यरूशलेम शहरंङ अच़ा इलि।

प्रेरित 15:38

पर पोलुसे मरकुस बि अंऊ पंफूलिया नगरा रिंङ दोतु दोरच़ी शत्‌ह शुहचे इलजी तोहई, दंङ कमारिंङ दोतंङ साते मेहली इलजी मा तोहई, साते शिल्ज़ी रुठे माह चेहती।

प्रेरित 16:6

पोलुस, सिलास ए तीमुथियुस फ्रुगिया ए गलातिया प्रदेशंङ ज़ि इच्च़ा नगरंङ ज़ि अई नगरंङ इलिर, दंङ दोरे आसिया प्रदेश रिंङ प्रचार लहज़ी जुंज़ातेर पर पवित्र आत्मा ज़ि दोतिंङ दोर इबिमी थल्जी इंकार लेह च़रति।

प्रेरित 17:1

दंङ पोलुस ए सीलास अम्फिपुलिस इलाका ए अपुलोनिया इलाकंङ च़ि शुहचे थिस्लुनीके नगरंङ अतिरे, अंऊर यहुदी सभो घरबार तोहई।

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 17:13

पर अपेहल थिस्लुनीके शहरो यहुदी ञेंए केहरी कि पोलुस बिरिया नगराङ ला परमेश्वरो बचन सुनाएच़ा, दंङ दोर ला अंज़े मीहतिंङ भड़कासी लेहतिर दंङ हलचल लहज़ी लेहती।

प्रेरित 18:23

थोड़े हप्ता बंङज़िमी थल, दोई अन्ताकिया शहर छोड़ेके च़रति, दंङ गलातिया प्रदेश ए फ्रुगिया प्रदेशा ज़ि दंङ नगर-नगर तचेक इबि लेहती, दंङ विशवासी तिंङ विशवासा रिंङ पक्‍का लहज़िमी मदत लहरी।

2 कुरिन्थियों 2:13

गेह घेंङौ विशवासी न्वा तीतुसा बि केहतु तरफे खबर हपि माह तंङरिगा, झांह लेह त्रोआस शहरो विशवासी तु दोरच़ी विदा शुहचे गेह घेंङौ विशवासी न्वा तीतुस बि पेट्रीमी थल्जी मकिदुनिया शहरो हखा वापिस अतिगा।

2 कुरिन्थियों 7:6

तांला दुखी मीहतिंङ शांति रंड्रा परमेश्वरे तीतुसा बि देर चरच़े ञेंतिंङ याहब रेंई।

2 कुरिन्थियों 8:16

परमेश्वरो धन्यवाद शुहबी जूंस, अच़ि केहतु थल्जी दू ए खुशी तीतुसो सेहमरिंङ केहच़ी केई, अंऊ चिंद गिह्बी केहतु थल्जी तोहई।

2 कुरिन्थियों 8:23

अगर अरिया तीतुसो पाहठी रूहक्पोतो, दंङ दू गिऊ साथी, दंङ केहतु थल्जी गिऊ साथी शुह, दंङ अपेहला ञेंहतु विशवासी तु पाहठी रूहक्पोतो, दंङ दोरे कलीसिया ओ च़रसी ए दोतु जीवन मसीहू महिमा ओ थल्जी शुह।

2 कुरिन्थियों 8:6

झांह लेह ञेंहच़ी तीतुसा बि समझाएक्तेंई, कि छना दोई तुहई ला शुरू लाहते, ध्वांए केहतु बिचंङ ला दि दानो कम पूरा लेह च़रपोतो।

गलातियों 1:2

गेह दि गेरंङ साते देरतिंङ अंयों विशवासी न्वा-रिंङ रे तोतोर, गलातिया प्रदेशो भत्ते कलीसिया ओ भत्ते विशवासी तिंङ नमस्कार कुट्रातोर।

फिलिपियों 2:21

छना कुचे भत्तेर एनातु स्वार्थो खोज रिंङ बंङज़ातोर, माह कि यीशु मसीहू।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

1 तीमुथियुस 6:17

दि संसारो साहुकारातिंङ हुकुम रांई कि दोरे घमण्डी थाशुंई दंङ एनोह ढबोह टोहकठे विशवास तंही अंऊ कि महस टेम तचेक माह बंङज़ोतो, पर परमेश्वरो टोईच़ी विशवास लोह, अंऊ हेंदु सुखो थल्जी भत्ते धिर महस रंड्रा।

2 तीमुथियुस 1:15

केई ञेंहच़ातन कि, आसिया प्रदेशारिंङ बंङज़ा रें विशवासी ज़ि गेह छोड़ेके केहतोर, अंऊर फूगिलुस ए हिरमुगिनेस तोईरे।

2 तीमुथियुस 4:16

मुण्डारिंङ अपेहल गेह रोमो कोर्टंङ घेंङौ सफाई रंड्रीमी थल्जी इलिगा, दोहपल गिऊ तरफे कुट्रा अरिला माह तोहई, दंङ भत्तेज़ि गिऊ साथी छोड़ेके च़रतिर। गेह प्रार्थना लहज़ातग कि परमेश्वरे दोतिंङ दि कमो थल्जी माफ लोहतो।

तीतुस 1:4

गेह दि डाक तीतुस बि चेहच़ातग। अंऊ गिऊ थल्जी इच्च़ा योह ठ्रोह तोह छना कुचे कांह ला मसीहू टोहकठे विशवास लहज़ा छना गेह लहज़ातग गेह प्रार्थना लहज़ातग कि बाह परमेश्वर ए हेंदु उद्धार लहज़ा प्रभु यीशु मसीह केतिंङ मोह्ड़े दाह ए शांति रम्मा लोहतो।

फिलेमोंन 1:24

दंङ मरकुस ए अरिस्तखुर्स ए देमास ए लूकास अंऊ मसीह रिंङ गेरंङ साते प्रभु कम लहज़ातोर; दितु कनिंङ नमस्कार।

2 पतरस 2:15

दोच़ी रूठे कम लेह बन्द लहज़ी केहषी तोह, दंङ दोच़ी ध्वांए ठ्रोह कम लहज़ी शुरू लेह केहषी तोह, अंऊ कि बओरो ओ योह बिलामे महसे तुहई लहसी तहरे। दोई गलत कम लहज़ी ढबाह कमाएच़िमी पसन्द लहरी।