2 तीमुथियुस 4:1 - लाहौली बाइबिल

¹ अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।

2 तीमुथियुस 4:1 Iomraidhean Croise

मत्ती 16:27

मीहू योह एनोह स्वर्गदूत तंङ साते एनोह बाहऊ महिमारंङ अपतो, दंङ दोई दोहथर भत्तेतिंङ दोतु काहमो हिसाबे फल रमोतो।

लूको 19:12

दंङ यीशु ज़ि दोतंङ कुहतो, “इच्च़ा साहुकार मीह ऊहई देशो हखा यवाते कि राजपद लेहपच़ा यह्च़ा अपतो।

लूको 19:15

“अपेहल दुह साहुकार राजपद खोकसा यह्च़ा अति, दोपहल दोई एनोह परगरातिंङ बुलाक्ति अतिंङ दोई ज़ङों सिक्कारे रांहषी तहरे, ताकि दोई दोतु दोरच़ी लेन देनो पता लोहतो, कि दोच़ी छि-छि कमाएकातोर।

लूको 23:42

दंङ दोई कुहतो, “हे यीशु, अपेहल कांह इच्च़ा रज्ज़ा ठ्रोह अपोन, दोहपल गिऊ लाह गेश लोहू।”

प्रेरित 10:42

दोहथल दोई ञेंतिंङ हुकुम रेंई कि भत्ते मीहतु बिचंङ प्रचार लांही दंङ गवाही रांई, कि यीशु दुह ए शुह अपि परमेश्वरे श्रींङे ए सिए दोतु न्याय लहज़ा ठहरासी ततो।

प्रेरित 17:31

छना कुचे दोई इच्च़ा ध्याड़ा ठहरासी ततो, अंऊर दोई दुह मीहू दोरच़ी धर्म रंङ साते संसारो न्याय लोहतो, इच्च़ा मीह तोह अतिंङ दोई दोतिंङ रूठे रंङ न्याय लहज़िमी थल्जी ठहरासी ततो, दंङ दोई दोबि सिमी दोरच़ी यह्च़ा श्रींङमी लहज़ी दि पक्‍का लहरी कि दुह, दुह ए शुह।

रोमियो 2:16

दि दुह ध्याड़ारिंङ शोतो अपेहल परमेश्वरो गिऊ दोरच़ी प्रचार लहसी रूठे खबरो हिसाबे यीशु मसीहू दोरच़ी मीहतु ब्याके गप्पो फेंसला लोहतो।

कुलुस्सियों 3:4

अपेहल मसीह अंऊ केतिंङ खरकोई जीवन रंड्रा, दि धरतीऊ टोहकठे वापिस अपतो, दंङ केरे लाह अपोंई दंङ दोऊ महिमारिंङ सहभागी शोंई।

2 थिस्सलुनीकियों 2:8

दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

1 तीमुथियुस 5:21

गेह परमेश्वर ए यीशु मसीह, दंङ अंङषी स्वर्गदूतातु हाज़िर ञेंए ते, गेह कनिंङ हुकुम रंड्रातग कि केई छिल्ला लहज़ातन, दोरिंङ अरिला मीहू थल्जी पक्षपात मेह कम लोह।

2 तीमुथियुस 1:10

पर हेंतेग हेंदु उद्धारकर्ता, प्रभु यीशु मसीह, अच़ा अंजा, दंङ हेंदिंङ एनोह मोह्ड़े दाह कंङातो। दोई सिमी शाक्ति यहरच़े चरच़तो, दंङ रूठे खबरो ज़रिये, हेंदिंङ अनंत जीवनो थल्जी अम कंङातो।

2 तीमुथियुस 2:14

अंऊ गप्पा गेह कनिंङ सिखाएकातग दुह केनोह मीहतिंङ पेहषी थारोंऊ दंङ परमेश्वराबि इच्च़ा गवाहो रूपारिंङ तहच़ि, कनिंङ दोतिंङ खबरदार लेह जूंशी तोह कि दोरे शब्दो अर्थो थल्जी बहस थाह लोहवा लंहि, झांह ठ्रोह बहस अतु ला मदत माह लहज़ी पर दोतिंङ ऊई ला नुकसान लेह अंऊ दोच़ी दुह रेड्रातोर।

2 तीमुथियुस 4:18

प्रभु गिह्बी हर इच्च़ा मदम कमो दोरच़ी बचाएपोतो अंऊ गिऊ नुकसान लहज़ा, दंङ दोई गेह एनोह स्वर्ग राजारिंङ सही-सलामत रैंज़ा शोतो। दोऊ महिमा हमेशा शुहवा लोहतो। अमीन।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

1 पतरस 4:5

पर दू ध्याड़ा अपतो अपेहल दू मीहतिंङ दू कमो पाहठी परमेश्वरा बि जबाब रंड्री लेह्पोतो। छना कुचे परमेश्वर भत्ते मीहतु न्याय लहज़िमी थल्जी तेयार तोह, चाहे दोरे अंऊ हेंतेग श्रींङी तोतोर या दोरे अंऊ सिए इलजी तोतोर।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

2 पतरस 1:11

पर परमेश्वर केहतु दुह राज्य रिंङ रूठे रंङ स्वागत लोहतो अंऊर यीशु मसीह तोह, अंऊ हेंदु प्रभु ए हेंदु उद्धारकर्ता तोह, अंऊ हमेशा ओ थल्जी रज्ज़ा ओ रूपा रिंङ राज लोहतो।

2 पतरस 1:17

अपेहल हेनर दुह पवित्र गोह टोईच़ी दोरंङ साते तोहनी दोहथर परमेश्वरे बाह ज़ि दोबि आदर रांही दंङ परमेश्वरो मोह्ड़े महिमा ए दुह कपची च़रति। दंङ हेंज़ी परमेश्वरो मोह्ड़े महिमा मतलब परमेश्वरो सग दोरंङ साते दि कुट्री रेड्रीन, कि “दि गिऊ प्यारे योह शुह, अतंङ साते गेह दाह लहज़ातग। गेह दिरंङ महस खुश तोतोग।”

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।