2 तीमुथियुस 3:6 - लाहौली बाइबिल

⁶ छना कुचे दितु बिचंङ रें मीहरे झांह ला तोतोर अंऊ मीहतु चुंङ ब्याके यवातोर, दंङ मेच़िमीतिंङ एनोह वशारिंङ लहज़ातोर, अंऊ एनोह पापो दोरच़ी तेपसा भत्ते पाहठी ओ मदम हिटी रिंङ तोह।

2 तीमुथियुस 3:6 Iomraidhean Croise

मत्ती 11:28

ए भत्ते खरे कम लहज़ाए बोझे दबेकि (कुरची) मीहरे, गिऊ कछंङ अतंई; गेह केतिंङ नह्च़ी (आराम) रमोग।

मत्ती 23:13

हे कपटी यहुदी शास्त्री ए फरीसी मीहरे, केहतु टोईच़ी धिक्कार! केहच़ी मीहतिंङ स्वर्गो राजंङ इबिमी अम बन्द लाहतंई, माह ता केनारे दोहर य्वातंई माह दोहर इल्जातिंङ इबी रंड्रातंई।

मत्ती 23:14

(हे कपटी शास्त्री ए फारिसिरे केहतु टोईच़ी धिक्कार! केहच़ी रंणी मेच़मीतु घरबार जें चरच़ातंई दंङ कंड्रिमी थल्जी भत्तेतु तुईज़ी महस प्रार्थना रिंङ बंङज़ातंई; दिह लहज़ी केतिंङ महस सज़ा खोकसोतो)

मत्ती 4:24

दंङ भत्ते सीरिया प्रदेशंङ अंऊ गलीलो उत्तर दिशाऊ हखा तोहई दोऊ जश फेलेके इलि; दंङ मीहच़ी भत्ते नत्पातिंङ अरी शताह-शताह तरीको बीमारी ए दुखंङ तोईरे ए, अतु अंद्रेग मांजी आत्मारे तोईरे, दंङ मिर्गीऊ घ्राहकातिंङ ए अधरंगो नत्पातिंङ, दोऊ कछंङ हतिरे दंङ दोई दोरे ठीक लहरी।

मरकुसो 4:19

पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

1 कुरिन्थियों 12:2

केहच़ी ञेंहच़ातंई कि केरे विशवासी बणेक्पिमी तुहई छना ठ्रोह जीवन श्रींङमातंई। दंङ केरे टटे मुर्ति तु थल्जी जोज़िमी थल्जी भटकेगी इलजी तोतोंई।

1 तीमुथियुस 5:6

पर दुह रंणी मेच़िमीर अंऊ एनोह भत्ते टेम ऐश-आरामा रिंङ हुंच़ातेर, दोरे फुकारिंङ ता श्रींङे तोतोर पर आत्मिक रूपारिंङ सिए तोतोर।

1 तीमुथियुस 6:9

पर अंऊ साहुकार शुहबी जुन्ज़ातोर, दोरे भत्ते पाहठी पाप लहज़िमी थल्जी युरनाह धोखा रंड्रातोर दंङ इच्च़ा जानवरो ठ्रोह फंदारिंङ फसेके यवातोर दोरे दुह कम लहच़ी जुन्ज़ातोर अंऊ दोतु थल्जी मुर्ख ए खतरनाक तोह दंङ दि हिटी दोतिंङ बरबाद लेह केट्रा दंङ पूरी तरह नाश लेह केट्रा।

तीतुस 1:11

झांह ठ्रोह मीहतिंङ शिक्षा रंड्रीमी इजाज़त थारांई, छना कुचे अपेहल दोरे दि गप्पा सिखाएच़ातोर अंऊ दोतिंङ सिखाएसी माह जूंस, दंङ दोरे भत्ते टबरातु विशवास नाश लेह च़रच़ा। दोरे झांह लेह ढबाह कमाच़ी जुंज़ातोर।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 3:17

झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।

यहूदा 1:16

दिरे मीहरे हमेशा परमेश्वरो खिलाप कुट्रातोर दंङ ऊई मीहतु अंदरेग गलती पेट्रातोर। अंऊ दोतु सेहमे लहज़ी जुंज़ा। दोरे एनोह पाहठी घमण्डा रंङ साते दावा लहज़ातोर दंङ एनोह फायदा ओ थल्जी ऊई मीहतु चापलूसी लहज़ातोर।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”