2 तीमुथियुस 3:3 - लाहौली बाइबिल

³ दया माह लहज़ार, माफ माह लहज़ार, दोष लगाएच़ा, एनोह हिटी रिंङ काबू माह लहज़ार, डगडगी, भलाई ओ बैरीर,

2 तीमुथियुस 3:3 Iomraidhean Croise

मत्ती 10:21

मीहरे एनोह विशवासी न्वा रिंह्ङ तिंङ सच़िमी थल्जी विरोधितू गुहड़िंङ रेह च़रपोर, ध्वांए याह-बाहच़ि ला एनोह कटुतंङ साते लोहर। दंङ कटुरे एनोह याह-बाहतु बिरोधंङ शुहचे दोतिंङ सच़िमी थल्जी बैरीतु गुहड़िंङ रेह च़रपोर।

मत्ती 4:1

दंङ दुह मुक्का पवित्र आत्मा यीशुबि सुनसान ठाहरीरिंङ रेंज़ा इलि ताकि शेतानो दोरच़ी दुह परखेक्सी जूंस।

लूको 10:16

“दंङ यीशुज़ि एनोह सनी चेला तिंङ कुहतो, अंऊ ला केहतु रेड्रा, दोई गिऊ रेड्रा; दंङ अच़िला केहतु शिक्षा माह रेड्रोर दोरे गिह्बी माह चेहच़ातोर, दंङ अच़िला गिऊ गप्पा माह मनेक्च़ातेर दोरे दोबि ला माह मनेक्च़ातेर अंऊ दोई गिह्बी च़रतो।”

लूको 16:14

फरीसी मीहरे अरी लालची तोईरे, दिह भत्ते गप्पारे रेड्रीरंङ साते यीशु मज़ाक लहज़ी लेहतिरे।

यहून्नो 6:70

यीशु ज़ि दोतिंङ जुबाब रेंई, “छि गेह केहरे सनी तिंङ अंङषी माह शुगाह? तांला केहतु बिचंङ च़ि इच्च़ा शेतान तोह।”

रोमियो 1:29

झांह लेह दुह भत्ते अधर्म, दुष्टता, लोभ, वैरभाव रंङ पिंङी इलिरे; दंङ जेगद्न्सी, हत्या, झगड़ा, छल, डाह रंङ साते भरपूर शुहचे इलिरे, दंङ चुगलखोर,

रोमियो 1:31

निर्बुद्धि, विशवासघाती, मायामेह ए दया मेह शुहचे इलजी तोतोर।

1 कुरिन्थियों 7:5

केरे इदि-अई दिरंङ साते शत्‌ह था बंङज़ुंई; पर सिर्फ रें टेम तचेक केनातु बिचंङ सहमति रंङ साते प्रार्थना लहज़िमी थल्जी, दंङ यह्च़ा मेच़ा ए गगसो ठ्रोह केरे यह्च़ा इच्च़ा साते बंङज़ुंई; झांह शुहबी मेस कि केरे केनातु हिटी काबू लहज़ी मरछ़ी रंङ, शेताने मदम जीवन श्रींङमी थल्जी केहतु परीक्षा लोहतो।

1 कुरिन्थियों 7:9

अगर दोरे एनोह टोहकठे काबू लेह मरपोर ता, दंङ दोरे ब्याह लेह च़रतुंई; छना कुचे मदम विचार तहच़िमी बे ब्याह लहच़ी रूठे तोह।

1 थिस्सलुनीकियों 4:8

झांह लेह अंऊ ला दि कानूनो भाषे माह लहज़ा, दोई मीहतिंङ मशत पर परमेश्वरो कानून माह ञेंहच़ा, अच़ि एनोह पवित्र आत्मा केतिंङ रांहषी ततो।

1 तीमुथियुस 3:11

झांह ए दोतु मेच़ातिंङ ला आदरो जोगे शुहबी जूंस; दंङ ऊईतु पाहठी मदम कुट्रा शुहबी मेस, पर हर हालातरिंङ एनोह टोहकठे काबू लहज़ा, दंङ भत्ते रिति रिंङ विशवासो जोगे शुहबी जूंस।

तीतुस 1:8

पर पौहना तु आदर लहज़ा ए ऊईतिंङ साते भलाई लहज़ा, समझदार, धर्मी, दंङ पवित्र जीवन श्रींङज़ाड़, दंङ एनोह हिटीतिंङ काबू लहज़ा शुहबी जूंस।

तीतुस 2:3

झांह ए ठ्रोह यंङषी मेच़िमीरे ला झांह ठ्रोह व्यवहार लंहि अतु वहज़ा ज़ि परमेश्वराबि आदर खोकसोतो। दंङ ऊईतु पाहठी मदम कुट्रा ठ्रोह शुहबी मेस, माह सरा तुंङज़ाड़, पर ऊईतिंङ रूठे गप्पारे सिखाएच़ा शुहबी जूंस

याकूब 2:6

पर केहच़ी दुह गरीबो अपमान लहरिन, केहच़ी ञेंच़ातंई कि दि साहुकार मीहरे अंऊ केहतु टोईच़ी अत्याचार लहज़ा तोर। दोरे ए शुहर अंऊ केतिंङ ज़बरदस्ती कोर्टंङ शिलज़ा तोर।

2 पतरस 2:14

दोरे हर इच्च़ा मेच़िमी रंङ साते कुकम लेह जुंज़ातोर, अतिंङ दोच़ी खंड्रातोर। दोरे पाप लहज़िमी मुक्का अपेहल ला माह छोड़ेक्च़ातोर। दोरे दुह मीहतिंङ धोखा रंड्रातोर अंऊ मसीहू टोईच़ी पक्‍का रंङ विशवास माह लहज़ातोर, दंङ दोरे दोतिंङ पापो हखा रैंज़ा शिलज़ातोर। दोतु महस बे महस चीज़ारे खोकच़िमी थल्जी हमेशा बढेक्च़ा लालचो वहज़ा ज़ि परमेश्वर दोतिंङ सज़ा रमतो।

2 पतरस 2:19

दोरे मीहतंङ साते वाईदा लहज़ातोर कि अगर दोच़ी दोरे हिद लोहर, दंङ दोच़ी छि जुंज़ातोर दोच़ी लहज़ी तरपोर छना कुचे दोतु अरिला मालिक माह। पर सच्चाई दि तोह कि दोरे एनाह ला एनोह मदम रिति रिवाज़ो गुलाम तोतोर। छना कुचे अरिला अंऊ ला चीज़ो आदि शवाह, दोबि अंऊ दोई लहज़ा दोऊ ए दोरच़ी गुलाम बणाके केट्रातोर।

2 पतरस 3:3

भत्ते बे तुहई खास गप्पा दिह तोह कि दंङ अन्तिम ध्याड़ा बे ठीक तुहई, रेह झांह ठ्रोह मीह तंङफोर अतु जीवन दोतु मदम हिटी ऊ वशारिंङ तोह। दोरे दोऊ कछंङ अपिमी विचारो मज़ाक लोहर।

यहूदा 1:16

दिरे मीहरे हमेशा परमेश्वरो खिलाप कुट्रातोर दंङ ऊई मीहतु अंदरेग गलती पेट्रातोर। अंऊ दोतु सेहमे लहज़ी जुंज़ा। दोरे एनोह पाहठी घमण्डा रंङ साते दावा लहज़ातोर दंङ एनोह फायदा ओ थल्जी ऊई मीहतु चापलूसी लहज़ातोर।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”

प्रकाशित वाक्य 13:15

दुह अई घ्वंणा बि मुण्डो घ्वंणो मुर्ति बणाके दोबि श्रींङमी शाक्ति ला रें च़रति, झांह लेह दोई कुट्री ला तरच़ाते; दंङ दुह मुर्ति दुह भत्ते मीहतिंङ सच़िमी हुकुम रें च़रति अंऊ दोऊ पूजा माह लहज़ातेर।

प्रकाशित वाक्य 13:17

दोच़ी झांह दिऊ थल्जी लहरिर ताकि अरिला मीह छिल्ला च़ुमज़ि या लङज़ि मरपोतो अगर दोऊ टोईच़ी मुण्डो घ्वंणो मिन्दु छाप या दोऊ मिन कंड्रा ठ्रोह अक्षरो छाप माह शोतो।

प्रकाशित वाक्य 16:6

छना कुचे दोच़ी अतिंङ केई हेंतेग सज़ा रंड्रातन, परमेश्वरो मीहतिंङ ए भविष्यवक्ता बि सच़ी चरच़ातन अंऊ कांह दोरच़ी कुहषी तोह। झांह लेह हेंतेग केई दोतिंङ शुहई रूपा रिंङ लेहक्सी ती रंड्रा दोतु भुगतान लहज़ातन।”

प्रकाशित वाक्य 17:6

दंङ गेह खंईगा कि दुह मेच़िमी परमेश्वरो मीहतु शुहई ओ नशा रिंङ तोहई, मतलब दुह मीहतु अंऊ दोतिंङ मीहच़ी सच़ी च़रतिर छना कुचे दोरे यीशु पाहठी विशवासो जोगे तोईरे। दोबि खंड्रा गिह्बी महस हेरानी शुई।