2 तीमुथियुस 3:2 - लाहौली बाइबिल

² छना कुचे रें मतलबी, शेखीमार, घमण्डी, ऊईतु निन्दा लहज़ा, याह बाह ओ गप्पा माह मनेक्च़ा, धन्यवाद माह लहज़ा ए अपवित्र,

2 तीमुथियुस 3:2 Iomraidhean Croise

मत्ती 15:6

दंङ दोई एनोह बाहऊ आदर थलोह झांह लेह केहच़ी केन्दु रीतिरिवाज़ो बजाहज़ि परमेश्वरो कुहषी वचन माह लहतंई।

लूको 12:15

दंङ यीशुज़ि दोतंङ साते कुंई, “खबरदार तोंई, भत्ते पाहठी लालच रंङ साते बचेकी बंङज़ुंई; छना कुचे अतु ला जीवन दोऊ टंगा ढबाहो दोरच़ी माह शुबी।”

लूको 16:14

फरीसी मीहरे अरी लालची तोईरे, दिह भत्ते गप्पारे रेड्रीरंङ साते यीशु मज़ाक लहज़ी लेहतिरे।

लूको 6:35

पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह।

प्रेरित 5:36

छना कुचे थोड़े अरे टेमो तुहई थियूदास मिंदंङ इच्च़ा मीह ज़ि दिह दावा लेह कुहते, कि गेह ला छा शुगाह; कुट्रा ते अच़ा इलि, कि गेह ला छा शुगाह। लगभग पी राह मीहरे दोऊ थले जोज़ातेर, पर दुह सच़ी च़रतिर ता दोऊ थल जोज़ा दोरे देखा-नोखा शुचे इलिर दंङ दोच़ी छिल्ला सोचेक्सी ताहरेर ध्वांए शुहबी माहरति।

रोमियो 11:18

दंङ केरे केनातिंङ दू ट्रिक्शी ब्रन्ज़ बे मोह्ड़े था समझेक्तेंई। अगर केरे केनातिंङ दोबि ला बड़कर समझेक्च़ातंई, दंङ हिद तांहई कि केरे जड़ा बि माह सोटेक्च़ातंई, पर ज़ंङ केतंङ सोटेक्च़ा।

2 कुरिन्थियों 5:15

दंङ झांह लेह मसीह भत्ते तु थल्जी सिए इलि, कि अंऊ श्रींङे तोरे, दोरे तुंखा सिर्फ एनाबि खुश लहज़िमी थल्जी श्रींङमी माह जूंस पर दोतिंङ मसीहू थल्जी श्रींङमी जूंस। मसीह दोतु थल्जी सिए इलि दंङ बाह परमेश्वरे दोबि श्रींङमी लहरी।

फिलिपियों 2:21

छना कुचे भत्तेर एनातु स्वार्थो खोज रिंङ बंङज़ातोर, माह कि यीशु मसीहू।

कुलुस्सियों 3:5

झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

2 थिस्सलुनीकियों 2:4

दुह परमेश्वरो ए दुह भत्ते हप्सी भगवानो ए ऊई ला महस चीज़ा तु विरोध लोहतो अंऊ दोतु मीहच़ी अराधना लहज़ातोर, दंङ दोई एनाबि दुह भत्ते तिंङ बे मोह्ड़े शोतो। देर तचेक कि दुह मदम मीह एनाबि परमेश्वरो मंदिरंङ बंङज़ा एनाबि परमेश्वर शुहबिमी दावा लोहतो।

1 तीमुथियुस 1:20

गेह दोतु बिचंङ ज़ि हुमिनयुस ए सिकंदर मिन्दु गंङमी बि कलीसिया ओ दोरच़ी धकते हुंज़े चरच़ातग, दंङ दोतिंङ शेतानो शाक्ति ऊ हवाले लेह चरच़ातग ताकि दोरे सिखेपोर कि परमेश्वरो बुराई लेह माह जूंस।

1 तीमुथियुस 1:9

ञेंहच़ी ञेंहच़ातोंई कि कानून धर्मी मीहतु थल्जी मशत पर दोतु थल्जी शुह अंऊ दोच़ी परमेश्वरो कानूनो अनदेखा लहज़ातोर दंङ दोऊ भाषे माह लहज़ातोर, दंङ लगातार पाप लहज़ातोर दंङ अंऊ मीहरे अपवित्र तोतोर, दंङ परमेश्वरो आदर माह लहज़ातोर, दोरे मीहरे अंऊ एनोह याह-बाह ए ऊई मीहतु हत्या लहज़ातोर,

1 तीमुथियुस 3:3

दुह इच्च़ा शराबी मीह या झांह ठ्रोह शुहबी मेस अंऊ हमेशा लड़ाई लहज़ी बंङज़ा, पर दयालु ए शांत स्वभावो मीह शुहबी जूंस, दंङ माह ए ढबाहो लालची शुहबी जूंस।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

1 तीमुथियुस 6:4

दंङ दुह घमण्डी शुह, दंङ छल्ले माह ञेंहच़ा; झांह ठ्रोह मीह बहसबाज़ी ए बेकारो गप्पारिंङ झगड़ा लहज़ी जुंज़ा, अतु नतीज़ा जलन, ए झगड़ा, निन्दा ओ गप्पा ए मदम शक लहज़ी,

2 तीमुथियुस 3:4

विशवासघाती, ढीठ, घमण्डी, या परमेश्वरा रंङ साते दाह माह लहज़ार पर भोगविलास जुंज़ा शोरे।

याकूब 2:8

अगर केरे पवित्रशास्त्रो दि बचनो हिसाबे, “कि केई केनोह पड़ोसीरंङ साते केनोह बराबर दाह लोहू” दंङ हेले पवित्रशास्त्रो भत्ते बे खास कानून मनेक्च़ा ते रूठे लहज़ातंई।

याकूब 4:16

केहच़ी केनातु घमण्डी योजना ओ पाहठी घमण्ड लहज़ातंई झांह ठ्रोह भत्ते घमण्ड मदम शुहबी।

याकूब 4:6

पर परमेश्वरे ता ऊई ला मोह्ड़े दाह रंड्रा। झांह लेह पवित्र शास्त्रारिंङ दि च़ेहसी तोह कि, “परमेश्वरे घमण्डी तु विरोध लहच़ी, पर नम्र मीहतिंङ मोह्ड़े दाह लहज़ा।”

1 पतरस 5:5

झांह लेह केरे जवान तिंङ सेंहणा मीहतु हुकुमो भाषे लहज़ी जूंशी तोह। केरे भत्ते तिंङ नम्रता रंङ साते इदि-अई दिऊ मदत लहज़ी जूंशी तोह। छना कुचे पवित्र शास्त्रा रिंङ च़ेहसी तोह, “परमेश्वरे घमण्डी तु विरोध लहज़ी, पर दीन दोतु टोईच़ी मोह्ड़े दाह लहज़ा।”

2 पतरस 2:10

परमेश्वर दुह हप्सी उपदेश का तिंङ पक्‍का सज़ा रमतो अंऊ एनोह मदम हिटी ओ दोरच़ी कम लहज़ातोर दंङ अंऊ एनोह टोईच़ी परमेश्वरो अधिकार बि इन्कार लहज़ातोर, दोरे ढीठ ए घमण्डी तोतोर। दोरे महिमामय स्वर्गीय जीवा तु पाहठी बुराई लहज़िमी रंङ साते माह बेवातोर।

2 पतरस 2:12

पर दिरे शिक्षक घ्वांणातु ठ्रोह कम लहज़ातोर, अंऊ छना लहज़ातोर छना दोतु फुके जुंज़ा दंङ अंऊ दिऊ थल्जी ज़ेहक्पातोर ताकि मीहरे दोतिंङ फसाके सच़ी तरपोर। दि शिक्षक दुह चीज़ा तु अपमान लहज़ातोर अतु पाहठी दोच़ी हेले रिंङ छल्ले माह ञेंहच़ातोर। परमेश्वर दोतिंङ ध्वांए नाश लेह च़रपोतो छना मीहरे जानवरा तिंङ सचे चरच़ातोर।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

यहूदा 1:16

दिरे मीहरे हमेशा परमेश्वरो खिलाप कुट्रातोर दंङ ऊई मीहतु अंदरेग गलती पेट्रातोर। अंऊ दोतु सेहमे लहज़ी जुंज़ा। दोरे एनोह पाहठी घमण्डा रंङ साते दावा लहज़ातोर दंङ एनोह फायदा ओ थल्जी ऊई मीहतु चापलूसी लहज़ातोर।

प्रकाशित वाक्य 13:1

गेह अई इच्च़ा घ्वंण बि समुंद्रो दोरच़ी हुंज़ी खंईगा, अतु साह डे ए निह्ज पुन्ज़ा तोईरे। दंङ दोऊ हर डे रिंङ परमेश्वरो मिन च़ेहसी तोहई अतु इस्तेमाल लहज़िमी दोबि छल्ले अधिकार माह तोहई।

प्रकाशित वाक्य 16:11

दंङ एनातु टेहषी ए फोल्हो वहज़ा ज़ि स्वर्गो परमेश्वरो बुराई लहरिर; पर दि हालातरिंङ ला दोच़ी पक्‍का रूपारिंङ पश्चाताप माह लहरिर दंङ माह ए दुह मदम कम ब्याड़ा लहरिर अंऊ दोच़ी लहज़ातेर।

प्रकाशित वाक्य 16:21

दंङ सर्गो दोरच़ी मीहतु टोईच़ी मोह्ड़े-मोह्ड़े ओले दहरिर, अंऊर हर इच्च़ा ओला ओ वजन लगभग निंजो सा (50) किलोग्राम तोहई। दोच़ी परमेश्वरो निन्दा लहरिर छना कुचे दोतिंङ परमेश्वरो दोरच़ी चरच़ि मुसीबतो दोरच़ी महस दुख सहन लहज़ी लेहती।

प्रकाशित वाक्य 16:9

मीहरे दि महस ट्रोते रोह्षा इलिर, दंङ दोच़ी परमेश्वरो मिन्दु निन्दा लहरिर, छना कुचे दुह ए तोहई, अतु टोईच़ी दुह सज़ा ओ अधिकार तोहई। दोच़ी हेंतेग ला एनोह पापो दोरच़ी पश्चाताप माह लहरिर, दोच़ी हेंतेग ला परमेश्वरो महानता बि ग्रहण माह लहरिर।