2 तीमुथियुस 3:16 - लाहौली बाइबिल

¹⁶ भत्ते पवित्रशास्त्रो वचन दुह शुह अंऊ दोबि परमेश्वरे मीहतु विचारारंङ केई च़रति अंऊ दोच़ी दुह च़ेहसी शुह। दि मीहतिंङ सिखाच़िमी थल्जी ए, दोतिंङ कंड्रिमी थल्जी कि छिल्ला धिर दोच़ी लहसी शुह, दुह गलत शुह, दोतु गलती ठीक लहज़ी दंङ अंऊ सही तोह दोबि लहज़िमी थल्जी दोतिंङ हुकुम रंड्रीमी थल्जी फायदेमंद तोह।

2 तीमुथियुस 3:16 Iomraidhean Croise

मत्ती 13:52

यीशुज़ि दोतिंङ कुहतो, “दिऊ थल्जी भत्ते यहुदी शास्त्री स्वर्गो राज्यो चेला शुहचे तोह, दुह घरबारो मालिको ठ्रोह शुह अच़ि एनोह खरकोई ए युई टंगा-ढबाह दुह ठाहरिरिंङ ज़ि धह्तेका हुंपा अंऊर दोई ऊईतु मदत लहज़िमी थल्जी दुह ठ्रोहका लाह।”

मत्ती 21:42

यीशुज़ि कुहतो, “छि केहच़ी पवित्रशास्त्रंङ दिह माहपढ़ेकातंईया; अंऊ रघबि राजमिस्त्रीज़ि बेकार लेह केहषी ताहरेर दुहए कुंणीऊ रघ शुहचे इलि? दिह प्रभु तरफे शुहचा, दंङ हेंदु टिरातिंङ अनोखे तोह।

मत्ती 22:43

दोई दोरे रूहकातो, “दंङ दाऊद आत्मारिंङ शुहचे दोबि प्रभु छिले कुट्रा?

मत्ती 26:54

पर पवित्रशास्त्रो दुह गप्पारे कि ध्यांए शुहबिमी तोह छना पुरे शोर?”

मत्ती 26:56

पर दिह भत्ते दिऊ थल्जी शुहते कि भविष्यवक्तातु वचन पूरा शोतो।” दंङ भत्ते चेलारे यीशुबि केहट्रा दोहरची पोक्शे इलिर।

मरकुसो 12:24

यीशुज़ि दोतंङ साते कुतोह, “केरे गलत शुनाह कि केहच़ी पवित्रशास्त्र समझेकतच़तोई मा, दंङ माह ए केतिंङ परमेश्वरो सामर्थो पाहठी पता तोह।

मरकुसो 12:36

दाऊद रज्ज़ा ए पवित्र आत्मा रंङ साते कुतोह कि, परमेश्वरे गिऊ प्रभु रंङ साते कुतोह, गिऊ सुचंङ हासी बंङज़ोंई, अपेहल तचेक गेह कनु बैरी तिंङ केनोह कोंज़ो पोयंङ माह लोहग।

यहून्नो 10:35

अगर दोई दोतिंङ सद कुहतो अतु कछंङ परमेश्वरो बचन पिचाते, दंङ पवित्रशास्त्रो गप्पा हप्सी शुहबी मरच़ि। अपेहल गेह कुट्रातग, “गेह परमेश्वरो योह शुगाह” ता केहरे गिह्बी छिला कुट्रातंई कि, “केई बुराई लहज़ातन।” गेह दुहए शुगाह अच़ि पिता परमेश्वरे शत्‌ह लहतो दंङ गिह्बी संसार रिंङ चरच़तो।

यहून्नो 3:20

छना कुचे अच़िला मांजी लोहर, दोई छंङी रंङ बेर तहच़ि, दंङ छंङीऊ कछंङ माह अपि, झांह शुबी मेस कि दोऊ कमो टोईच़ी दोष अपतो।

प्रेरित 1:16

हे बिशवासी न्वा रे, दिह ज़रूरी तोहई कि पवित्रशास्त्रा रिंङ च़ेहसी बचन पूरे शुबी जूंस अंऊ पवित्र आत्माज़ि रज्ज़ा दाऊद ओ आहच़ि यहूदो पाहठी तुह्ई ए कुहषी तारेह, अरि यीशु बि च़ुमज़ि लहज़ातु मुख्या तोहई।

प्रेरित 18:25

दोच़ी प्रभु यीशु पाहठी ऊई तंङ सिखेसा तोईरे, दोऊ भत्ते सेहमे प्रचार ए शिक्षा रेंईर। दंङ छिल्ला दोई कुट्राते दुह हेले तोहई, पर दोई दिए ञेंहच़ाते अंऊ यूहन्ना ज़ि सिखाएकाते अपेहल दोई बपतिस्मा रंड्राते।

प्रेरित 20:20

दंङ अंऊ-अंऊ गप्पा केहतु फायदो थल्जी तोह, दोतिंङ कंड्रिमी थल्जी ए मीहतु तुहई ज़ि सिखाच़िमी थल्जी षेहद माह लहरी।

प्रेरित 20:27

छना कुचे गेह केतिंङ दोहर भत्ते धिर कंङे चरच़ातग, अंऊ परमेश्वरे चेहच़ा कि केहच़ी ञेंहनि।

प्रेरित 28:25

अपेहल दोरे पोलुसो शिक्षा ओ पाहठी सहमत शुचि माहतरिर। दोतु इबिमी बे तुहई पोलुसे इच्च़ा आखरी गप्पा कुहते कि, “पवित्र आत्माज़ि यशायाह भविष्यवक्तातु दोरच़ी कनु बाह-मेमेतु हखा हेले कुहषी तते,

रोमियो 15:4

अंयों गप्पा तुहई बेहच़ी पवित्रशास्त्रारिंङ च़ेहसी तोह, दू हेंदु ए शिक्षा ओ थल्जी च़ेहसी तोह, ताकि हेनर धीरज़ ए पवित्रशास्त्रो दोरच़ी छि याहब ओ दोरच़ी उम्मीद लोंहई, कि पवित्रशास्त्रे छि वाईदा लाहते, दू पूरा लोहतो।

रोमियो 2:20

बुद्धि मेह दोतिंङ सिखाएच़ा ए दंङ कटुतु उपदेशक शुनाह; छना कुचे केहतु कछंङ मूसा ओ कानून तोह। केहच़ी ञेंहच़ातंई कि केरे भत्ते धिर ञेंहच़ातंई दंङ छिल्ला केहच़ी कुट्रातंई दुह हेले शुह।

रोमियो 3:2

वोई, इच्च़ा यहुदी शुहबिमी महस फायदा तोह। भत्ते बे ज़रूरी गप्पा दि तोह कि, परमेश्वरो बचन यहुदी मीहतिंङ रांहषी तोह।

रोमियो 4:23

दंङ दि बचन, “कि विशवासो दोरच़ी दू परमेश्वरो नज़रारिंङ धर्मी ठहरेसा इलि।” माह सिर्फ दोऊ थल्जी ए च़ेहसी तोहई,

1 कुरिन्थियों 12:7

हेंदु बिचंङ भत्ते तिंङ दि काबिलियत रांहषी शवात अंऊ पवित्र आत्माओ मौज़ूदगी कंड्रा ताकि हेनर हेंदु साथी विशवासी तु मदत लेह तरपोंई।

गलातियों 3:8

दंङ पवित्रशास्त्र रिंङ महस तुहई दि च़ेहसी तोहई कि, “कि परमेश्वर ऊईजाति तु दोतिंङ विशवासो हिसाबे धर्मी ठहराएपोतो, दिए वहज़ा तोह कि पवित्र शास्त्रारिंङ, अपेहल परमेश्वरे तुहई ए अब्राहमा बि दि रूठे खबर रंदे कि दंङ दोई दोरंङ साते कुई” “कनु दोरच़ी, गेह दि संसारो भत्ते मीहतिंङ आशीष रमोग।”

2 तीमुथियुस 2:25

हेंदिंङ दुह मीहतिंङ नम्रतारंङ साते समझाएक्ची जूंशी तोह अंऊ दोच़ी विरोध लहज़ातोर, झांह शुहबी तरपोतो कि परमेश्वर ए दोतिंङ सच्चाई ञेंहच़ी ए दोऊ हखा किरच़िमी मौका रमतो।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

इब्रानियों 11:1

विशवास दि गप्पो टोईच़ी भरोसा लहज़ी शुह कि हेंदिंङ पक्‍का रूपारिंङ दू ए खोकसोतो अतु हेंज़ी उम्मीद लहज़ातंई दंङ दि उम्मीद लहज़ी कि अंऊ चीज़ारे हेंज़ी खंड्री मरच़ातंई दू हेले रिंङ तोह।

इब्रानियों 3:7

झांह लेह छना परमेश्वरे एनोह पवित्र आत्माओ दोरच़ी कुहषी ततो, “अगर तोग केहच़ी परमेश्वरो सग रेड्रोंई,

इब्रानियों 4:12

छना कुचे परमेश्वरो वचन श्रींङे, असरदार दंङ अंऊ ला झुह्ट धारी तलवार बेहच़ी ला तेज तोह। दोई जहानो ए आत्माओ गांठ-गांठ ए, जोड़-जोड़ शत्‌ह लहच़ी, आर-पार तिरच़ा; दंङ सेहमो भावना ए विचार ओ जांच लहज़ा।