2 तीमुथियुस 3:15 - लाहौली बाइबिल

¹⁵ बाड़े बेहच़ी केई ए पवित्रशास्त्र बि ञेंहच़ातन, अंऊ कनिंङ दि समझेक्सिमी थल्जी मदत लहज़ा कि अपेहल काह यीशु मसीहू टोहकठे विशवास लहज़ातन दंङ परमेश्वर कनिंङ बचाएपोतो।

2 तीमुथियुस 3:15 Iomraidhean Croise

मत्ती 22:29

यीशुज़ि दोतिंङ जुबाब रेंई, “केहच़ी पवित्रशास्त्र ए परमेश्वरो सामर्थो माह ञेंहई; दिऊ थल्जी भुलेकारिंङ तोतोंई।

लूको 1:15

छना कुचे दुह गंङकटु प्रभु तुईज़ी महान शोतो; दुह दाखरस ए सरा अपेहल ला तुंङमी माह जूंस, दंङ एनोह याहू खोकटुंङज़ि ए पवित्र आत्मा रंङ साते बिंङे शोतो;

लूको 2:40

दंङ गंङकटु मोह्ड़े ए बलवान दंङ बुद्धि रंङ साते परिपूर्ण शुहबी लेहती, दंङ परमेश्वरो दया दोऊ टोईच़ी तोहई।

लूको 24:27

दंङ यीशु ज़ि मूसा ए भत्ते भविष्यवक्ताज़ि अंऊ ला गप्पा यीशु पाहठी पवित्रशास्त्रा रिंङ च़ेहसी तोह, दुह भत्ते गप्पारे दोतिंङ इच्च़ा-इच्च़ा लेह समझाएक्तो।

लूको 24:32

दोकुई एनातु बिचंङ कुड़िर, “अपेहल दुह अमरिंङ हेन्दंङ साते गप्पा लाहते पवित्रशास्त्रो मतलब कंड्राते, दंङ छि हेंदु सेहमरिंङ उम्मीद माह शुहतेआ?”

लूको 24:45

दंङ यीशु ज़ि पवित्रशास्त्र ञेंच़िमी थल्जी दोतिंङ मदत लहरी,

यहून्नो 5:47

पर अगर केहच़ी मूसा ओ च़ेहसी गप्पो टोहकठे विशवास माह लहज़ातंई, ता केहच़ी पक्‍का ए गिऊ टोहकठे विशवास माह लोहनी कि गेह छि कुट्रातग।”

प्रेरित 10:43

दोऊ गवाही भत्ते भविष्यवक्तार रंड्रातोर कि अरिला दोऊ टोहकठे बिशवास लोहर, दोतिंङ यीशु ऊ मिन्दु दोरच़ी पापो माफी खोकसोतो।

प्रेरित 13:29

दोच़ी यीशु रंङ साते दुह भत्ते धिर लहरिर अंऊ पवित्र शास्त्रा रिंङ दोऊ पाहठी च़ेहसी तोहई। दोच़ी दुह इच्च़ा क्रूसो टोईच़ी केह्चे सच़ी च़रतिर दंङ दोरच़ी तक्से कब्रो अन्द्रेग केह्चे केहरिर।

प्रेरित 16:1

पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

प्रेरित 17:2

दंङ पोलुस एनोह हिसाबे दोतु कछंङ इलि, दंङ षुमु आरामो ध्याड़ारिंङ पवित्रशास्त्रो दोरच़ी दोतंङ साते बहस लहज़ी लेहतिर;

प्रेरित 26:24

अपेहल पोलुस झांह ठ्रोह जबाब रंड्री लेहकी तोहई, दोहपल फेस्तुस जोरे सग रंङ साते कुतोह, “हे पोलुस, कांह बमजी शुनाह। महस विद्याज़ि कांह बमजी लेह केहतो।”

रोमियो 1:2

परमेश्वरे तुहई बेहच़ी एनोह भविष्यवक्ताओ दोरच़ी पवित्रशास्त्रारिंङ दुह रूठे खबरो वाईदा लाहते,

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 2:27

अंऊ खतना लहज़ी मेह कानूनो भत्ते भाषे लहज़ा, दोई केहतु फेंसला लोहतो; छना कुचे केहतु कछंङ मुसाओ कानून तोह दंङ केरे खतना लहज़ी ला कानूनो भाषे माह लहज़ातंई।

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

इफिसियों 6:4

दंङ केहच़ी अंयों ला याह-बाह ए केनातु कटुतिंङ रोहष माह लोहनि, पर प्रभु शिक्षा, ए चेतावनी रंड्रा ते दोऊ पालन-पोषण लंहि।

1 तीमुथियुस 4:13

गिऊ दोर पिचा तचेक विशवासी तु थल्जी पवित्रशास्त्र जोरे पढेक्पी ए याहब रंड्री ए पवित्रशास्त्रा बि सिखासी ए समझासी लेहकी बंङज़ु।

2 तीमुथियुस 1:1

गेह पोलुस अंऊ हेंदु बाह परमेश्वरो तरफे यीशु मसीहू प्रेरित शुगाह, परमेश्वरे गिह्बी च़रति ताकि गेह मीहतिंङ कंज़े तरपोग कि दोई मसीह यीशु रिंङ विशवास लहज़ा तिंङ दि अनंत जीवन रंड्रीमी वाईदा लहसी ततो।

2 तीमुथियुस 1:5

गिह्बी कनु याह यूनिस ओ सच्चा विशवास हिद तोह। दंङ कनु नानी लोइस ओ विशवास ला ध्वांए तोह, दंङ गिह्बी विशवास तोह कि कांह ला दिए विशवास तोह।

2 पतरस 3:16

घेंङौ भत्ते पत्री तिंङ अंऊ गेह विशवासी तिंङ च़ेहसी तातग, दोई ध्यांए ठ्रोह गप्पा च़ेहसा। पर रे गप्पा अंऊ दोई एनोह पत्री रिंङ च़ेहसी ततो, दोतिंङ समझाएसी खरे तोह। अंऊ मीहच़ी रूठे शिक्षा खोकसी माह तातोर। दंङ अंऊ दोतिंङ दि पक्‍का माह कि दोच़ी छि विशवास लहज़ातोर, दोरे दि खरे गप्पो वर्णन गलत तरीका रंङ साते लहज़ातोर। झांह लहज़ी दोरे परमेश्वरो दोरच़ी एनोह नाश शुहबिमी वहज़ा शुहचे यवातोर।

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”