2 तीमुथियुस 3:12 - लाहौली बाइबिल

¹² दि गप्पा हेले तोह कि हर इच्च़ा मीह अंऊ परमेश्वराबि खुश लहज़ी जुंज़ा दंङ यीशु मसीहू टोईच़ी विशवास लहज़ा दोबि ऊईतु दोरच़ी सताएपोर।

2 तीमुथियुस 3:12 Iomraidhean Croise

मत्ती 16:24

दंङ यीशुज़ि एनोह चेला तिंङ कुहतो “अगर अरीला गिऊ चेला बणेकपी तातंई दोच़ी एनोह हिटी छोड़ेके एनोह दुख उठाके गिऊ थलेच़ि अच़ा अतंई।

मत्ती 23:34

दिऊ थल्जी खंणुई, गेह केहतु कछंङ भविष्यवक्ता, बुद्धिमानरे दंङ यहुदी शास्त्रीरे चरच़ातग; दंङ केहरे दोतु बिचंङज़ि केहच़ी रेइरे सचे च़रपोंई ए रेह क्रूसंङ चड़ाएपोंई, रेहईतिंङ यहुदी सभा घरबारंङ कोड़े रंङ साते तेंङमोंई दंङ इच्च़ा इलाकाओ दोरच़ी अई इलाकारिंङ पोकफी लोहन।

यहून्नो 16:2

दोरे केतिंङ यहुदी सभा घरबारंङ च़ि धह्तेका हुंच़े च़रपोर, देहर तचेक कि दिह झांह ठ्रोह टेम ला अपतो, अच़िला केतंङ सचे च़रपोर ता दोच़ी चेहपोर कि दोच़ी झांह लेह परमेश्वरो सेवा लहज़ातोर।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

यहून्नो 17:14

गेह कांह बचन दोतु कछंङ पिचे च़रतग, दंङ संसारो मीह ज़ि दोतंङ साते बैर लहरिर, छना कुचे, छना गेह दिह संसारो माह शुगाह, ध्वांए दोरे ला दिह संसारो माह शोहर।

प्रेरित 14:22

दंङ हर इच्च़ा शहरो चेला तु सेहम पक्‍का लोहवा लहरिर दंङ दिह शिक्षा रंड्रातेर कि विशवास रिंङ बणेंके तोंई; दंङ दिह कुट्रातेर, ञेंतिंङ महस कष्ट उठाके परमेश्वरो राज रिंङ इबि लेह्पोतो।

1 कुरिन्थियों 15:19

अगर मसीहरिंङ हेंदु उम्मीद सिर्फ दिए जीवनो थल्जी तोह, दंङ हेंदु टोईच़ी संसारो ऊईतु तुलना रिंङ भत्ते बे महस तरस लेह जूंशी तोह।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 4:9

हेंदिंङ तंग ता लहज़ातोरे; पर छोड़ेकतोर माह; थाह्चे ता केट्रातोरे, पर नाश माहश्वातंई।

1 तीमुथियुस 2:2

दंङ रज्ज़ा तु ए दुह भत्ते मीहतु थल्जी प्रार्थना लंहि अंऊ हेंदु अधिकारी तोतोर, ताकि दोरे हेंदु शांति ए सुरक्षा रंङ साते बंङज़िमी थल्जी हेंदु मदत लोहर कि हेनर परमेश्वरो अराधना लेह तरपोंई दंङ ऊईतु थल्जी हमेशा रूठे व्यवहार लोंहि।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

1 तीमुथियुस 6:3

अगर अरिया हप्सी शिक्षा रंड्रा, दंङ हेंदु प्रभु यीशु मसीहू रूठे शिक्षा ए परमेश्वरो भक्ति रंङ सहमत माह शवाह।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

1 पतरस 3:14

पर अगर हेले भलाई लहज़िमी रंङ साते केरे दुख सहन ला लहज़ातंई, दंङ परमेश्वर केतिंङ आशीष रमतो। ध्वांए लंहि छना यशायाह भविष्यवक्ता ज़ि च़ेहसी तहरे: “दू मीहतंङ साते थाबेईनि, अंऊ केतिंङ बेई लहज़ातोर दंङ दि गप्पो चिंद थालंही कि मीहरे छि कुट्री तरपोर।”

2 पतरस 3:11

दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।

प्रकाशित वाक्य 12:4

दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 7:14

दंङ दोतंङ साते कुड़िगा, “हे मालिका, गेह माह ञेंच़ातग पर केई ए ञेंच़ातन,” दोई गिऊ हखा कुई, “दिरे दुह मीहरे शुरे अंऊ दोच़ी महस दुखो अनुभव लहसी शुह। दोच़ी एनोह खमज़ेर कुरच़ो शुहई रें शुहल्ज़े चरच़ातोर दंङ हेंतेग दोरे छंङसी शुहचे इलोर, दिऊ मतलब दि तोह कि दोतु पाप मिटाके केहषी तोह।”