2 तीमुथियुस 3:11 - लाहौली बाइबिल

¹¹ मीहच़ी गेह तंग लहरिर, अतु वहज़ा ज़ि गेह महस दुख सहन लहरिग। केतिंङ पता तोह कि अन्ताकिया, इकुनियुम ए लुस्त्रा नगरंङ गिऊ टोईच़ी छना-छना ज़ुल्म शुईरे, तांला दुह भत्ते तु दोरच़ी प्रभु ज़ि गेह हुंज़ी च़रति।

2 तीमुथियुस 3:11 Iomraidhean Croise

प्रेरित 13:14

दंङ पिरगा शहरंङ च़ि तुंखा इलजे गलातिया प्रदेशो पंफूलिया प्रदेशो ओ कछंङ अन्ताकिया शहरंङ पिचे इलिर, दंङ अरामो ध्याड़ा रिंङ यहुदी सभो घरबारंङ इलजे बंङज़ा इलिर।

प्रेरित 13:45

पर अपेहल यहुदी ज़ि भीड़ खंईरे दंङ दोरे महसे रोषेक्सा इलिर। दोरे दोऊ गप्पा ओ बुराई लहज़ी लेहतिर कि पोलुस छि कुट्री लेहकी तोह दंङ दोरंङ साते कुवाद लहज़ी लेहतिर।

प्रेरित 14:8

लुस्त्रा शहरंङ इच्च़ा मीह तोहई, अंऊ जेह्पीमि बे लट्टे तोहई। दोऊ झांह ठ्रोह हालात ज़ेक्पिमी मुक्का बे तोहई दिऊ थल्जी दुह अपेहल ला जोहसी माह तोहई।

प्रेरित 20:19

केहच़ी ञेंहच़ातंई कि गेह प्रभु यीशु अंयों दीनता रंङ साते सेवा लहज़ातेग, दंङ गेह अपेहला-अपेहला मीहतु थल्जी सोचेक्गी छना क्रापतेग। केहच़ी दि ला ञेंहनि कि गेह छना मुसीबता रिंङ अतिगा छना कुचे यहुदी अंऊ विशवास माह लहज़ा तोईरे, हमेशा गिह्बी सच़िमी कोशिश लहज़ातेर।

प्रेरित 23:10

अपेहल महस बहस शुहचे इलि, दंङ रोमी सेनिकातु सरदारे दि बेह्द चेहके कि दू पोलुस खंणी-खंणी लेह च़रपोतो, सैनिका तिंङ हुकुम रेंई कि तकशे ते महासभा ओ मीहतु बिचंङ ज़ि पोलुस बि ज़बरदस्ती हुंज़े बेड़ो हखा रैंज़ा हतांई।

प्रेरित 26:17

दंङ गेह कनिंङ ए कनु मीहतु दोरच़ी ए ऊईजाति दोरच़ी कनु टोईच़ी हमला लहज़िमी दोरच़ी बचाएपोग, अंऊ दोतु कछंङ गेह केतिंङ चरच़ातग।

प्रेरित 26:22

पर परमेश्वरे गिऊ मदत लहज़ी लेहकी तोह दोई गिह्बी दि ध्याड़ा तचेक बचाके तहसी ततो। दिऊ थल्जी गेह देर खड़े शुचि कुट्रातग दुह भत्ते मीहतिंङ अंऊ कवचि तोतोर या मोह्ड़े कि अरि यीशु शुह, दंङ गेह दू गप्पा छोड़ेके ऊई छिल्ला माह कुट्रातग, अंऊ भविष्यवक्ता ए मूसा ओ कानूने ला कुई कि शुहबिमी तोह,

प्रेरित 9:16

दंङ गेह दोबि कमोग, कि मीहतु बिचंङ गिऊ पाहठी प्रचार लहज़िमी बज़ाहसि दोबि छना-छना ठ्रोह दुख उठाएच़ी लेह्पोतो।”

रोमियो 15:31

कि गेह यहुदिया तु इलाको विशवासी तंङ साते बचेकी बंङज़ोग, ताकि परमेश्वरो मीहरे अंऊ यरूशलेम शहरंङ तोतोर गिऊ पिहषी दानो दोरच़ी खुश शुहचे योर।

2 कुरिन्थियों 1:5

छना कुचे मसीहू दुखारिंङ हेनर भागीदार शवातंई, ध्वांए हेंदु तसल्ली ओ थल्जी मसीहू दोरच़ी महस भागीदार शवातंई।

2 कुरिन्थियों 1:7

दंङ ञेंहतु उम्मीद केहतु पाहठी पक्‍का तोह; छना कुचे ञेंहच़ी ञेंच़ातंई छना ठ्रोह केरे ञेंहतु दुखारिंङ भागीदार तोतोंई, ध्वांए ठ्रोह केरे ञेंहतु तसल्ली रिंङ ला भागीदार तोतोंई।

2 कुरिन्थियों 12:10

दिऊ थल्जी गेह मसीहू थल्जी कमज़ोरीरिंङ, दंङ निन्दा रिंङ, गरीबी रिंङ, बुराई रिंङ, मुसीबता रिंङ, खुश तोतोग; छना कुचे अंऊ मुक्का गेह कमज़ोर शवाहतग, दोहथर गेह मसीहू ताकतो दोरच़ी बलवन्त शुहचे यवातग।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

2 पतरस 2:9

अपेहल कि प्रभु ज़ि दि भत्ते चीज़ लहरी, दंङ दिऊ दोरच़ी पता लेहपा कि दोई ञेंहच़ा कि ईश्वरीय मीहतिंङ दोतु दुखो दोरच़ी छना छुड़ाएपोंई, दंङ छना मदम मीहतिंङ न्यायो ध्याड़ा तचेक रोज सज़ा रंड्री तोह।