2 तीमुथियुस 3:10 - लाहौली बाइबिल

¹⁰ पर हे तीमुथियुस, केई रूठे रंङ ञेंहच़ातन कि गेह छि सिखाक्च़ातग, दंङ छना श्रींङमातग, ज़िंदगी रिंङ गिऊ मकसद छि तोह दंङ गेह छि विशवास लहज़ातग। केई ञेंहच़ातन कि गेह धीरज़ तहज़ातग, दंङ भत्ते मीहतंङ साते दाह लहज़ातग, गेह मुसीबत सहन लाहतेर,

2 तीमुथियुस 3:10 Iomraidhean Croise

लूको 1:3

दिऊ थल्जी गेह ला दिह भत्ते गप्पातु ध्यानारंङ साते परख लहज़ातग दंङ गिह्बी दिह रुठे अति कि गेह कांह थल्जी दिह गप्पारे छना ठ्रोह शुह्ते, ध्वांए शुरूआत बेहच़ी इच्च़ा-इच्च़ा लेह च़ेओग।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

प्रेरित 20:18

दोरे दोऊ कछंङ अतिर दंङ दोतंङ साते कुई, “केरे गेरंङ साते बंङज़िमी मुक्का गिऊ जीवन ओ तरीका ञेंहनि, अंऊ कि गिऊ मुन्डा ध्याड़ा रिंङ आसिया प्रदेशा रिंङ अपिमी थल शुरू शुह्ते।”

प्रेरित 26:4

भत्ते यहुदी गिह्बी बाड़ेकतर बेहच़ी ञेंहच़ातोर। दोच़ी दि ला ञेंहच़ातोर छना कुचे गेह लगातार घेंङौ प्रदेशा रिंङ ए यरूशलेम शहरा रिंङ दोतंङ साते बंङज़ातेग।

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

2 कुरिन्थियों 1:17

झांह लेह अपेहल गेह इच्च़ा योजना बणाएतिग दंङ छि गेह लापरवाही लहरिगा? या छि लेह जुंज़ातग छि संसारारिंङ मीहतु ठ्रोह लहज़ातग आ, कि अंऊ इच्च़ा टेमारिंङ वोई दंङ थले नाह कुट्रातोर।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

फिलिपियों 2:20

छना कुचे गिऊ कछंङ झांह ठ्रोह स्वभावो ऊई अरिला माह, अंऊ शुद्ध सेहमारंङ साते केहतु चिंद लोहतो।

फिलिपियों 2:22

पर केहच़ी ञेंच़ातंई कि तीमुथियुस छना कंङातो कि दुह वफादार तोह। छना योह बाह रंङ साते लहज़ा, ध्वांए ए दोई रूठे खबर फेलाच़िमी थल्जी गेरंङ साते मेहनत लहरी।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 तीमुथियुस 1:3

हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

1 तीमुथियुस 6:11

पर हे तीमुथियुस, कांह परमेश्वरो मीह शुनाह, कनिंङ दि भत्ते चीज़ लहच़िमी दोरच़ी बचेक्पी जूंशी तोह, दंङ धर्मिकता, भक्ति, विशवास, दाह, धीरज़, ए नम्रता रिंङ लेहकी बंङज़ु।

2 तीमुथियुस 2:22

दुह मांजी चीज़ा तु दोरच़ी शत्‌ह बंङज़ु अंऊ जवान मीहच़ी लेह जुंज़ातोर अंऊ मीहच़ी शुद्ध सेहमे प्रभु मिन लेहपच़ातोर, दोतंङ साते धर्मिकता, विशवास ए दाह, मेल मिलाप ओ पीछा लोह।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

2 तीमुथियुस 4:3

छना कुचे झांह ठ्रोह ध्याड़ा अपतो, कि मीहरे सच्ची शिक्षा माह रेड्रोर, पर दोरे एनोह हिटी ओ हिसाबे जोज़ातोर दंङ दोरे महसे शिक्षा रंड्रातिंङ पेट्रोर अंऊ दोच़ी दुह ए कोहर अंऊ दि मीहच़ी रेड्री जुंज़ातोर।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

2 पतरस 3:11

दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।