2 तीमुथियुस 2:5 - लाहौली बाइबिल

⁵ ध्वांए, अपेहल अरिया ऊईतु खिलाप रेसा रिंङ ज़रका रंड्रा, अगर दुह खेलो नियमो भाषे माह लहज़ा, दंङ अच़िला दोबि ईनाम माह रमोर।

2 तीमुथियुस 2:5 Iomraidhean Croise

लूको 13:24

“परमेश्वरो राज्यरिंङ संगड़े पेतंङज़ि इबि खरे तोह, छना कुचे गेह केतंङ साते कुट्रातग कि महसे मीहरे इबिमी कोशिश लोहर पर इबि मरपोर।

फिलिपियों 1:15

दिह हेले शुह कि रेह मीहरे जलन ए लड़ाई झगड़ा ऊ वहज़ा ज़ि मसीहू प्रचार लहज़ा तोरे पर रेह मीहरे दि रूठे हिटीरंङ साते प्रचार लहज़ातोर।

कुलुस्सियों 1:29

झांह लेह दिबी पूरा लहच़िमी थल्जी गेह महस मेहनत लहज़ातग, दुह मोह्ड़े सामर्थो इस्तेमाल लहज़ा ते अंऊ मसीह रंड्रा दंङ अच़ि गिऊ अन्द्रेग कम लहज़ा।

इब्रानियों 12:4

अपेहल केरे बुराई ओ ताकतो खिलाप संघर्ष लहज़ातंई दंङ केहच़ी झांह ठ्रोह लड़ाई माह लड़ेकातंई, कि केरे सिए योंई।

इब्रानियों 2:7

केई दोबि स्वर्गदूता बे कम जूंशी बणाएकातन; केई दोबि इच्च़ा रज्ज़ा ओ ठ्रोह महिमा ए आदर रांहषी तातन। दंङ दोबि एनोह गुह्ट्रो कमो टोईच़ी अधिकार रांहषी तातन।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

प्रकाशित वाक्य 2:10

दुह दुखा रंङ साते थाबेईनि अंऊ कनिंङ खोकसोतो। शेतान केहतु बिचंङ रेहतिंङ गिरफ्तार लोहतो दंङ केतिंङ कैदारिंङ केहच़ी च़रपोतो ताकि दोई केहतु परीक्षा लोहतो। केरे साह ध्याड़ा तचेक महस मुसीबतो अनुभव लोहनि। पर गिऊ टोईच़ी विशवास लहज़ी अपेहल ला था छोडे़क्तेंई, चाहे केतिंङ सिए पढ़ेक्पोतो, छना कुचे गेह केतिंङ जीतो थल्जी ईनामो रूपारिंङ अनंत जीवन रमोग।

प्रकाशित वाक्य 3:11

गेह युरनाह अपिमी तोतोग, झांह लेह, कनिंङ गिऊ टोईच़ी पक्‍का विशवास लेह जारी तहच़ि जूंशी तोह, ताकि अरिला कनिंङ कांह जीतो ईनाम अंऊ इच्च़ा मुकुटो ठ्रोह तोह खोकच़िमी रूकावट लेह माह जूंस।

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।