2 तीमुथियुस 2:26 - लाहौली बाइबिल

²⁶ दिरे मीहरे यह्च़ा रूठे रंङ सोचेक्सिमी जोगे शोर दंङ शेतानो धोखा ओ दोरच़ी बचेके योर अंऊ कि इच्च़ा जालो ठ्रोह तोह। शेताने दोरे फसाके केहतो ताकि दोतु दोरच़ी दुह लहज़ी लोहतो अंऊ दोई जुंज़ा।

2 तीमुथियुस 2:26 Iomraidhean Croise

लूको 11:21

अपेहल ताकतवर मीह हथियार कुरच़ा एनोह घरबारो रखवाली लेह, दुह मुका दोऊ टंगा ढबाह बचेक्पी।

लूको 15:17

अपेहल दोबि समझ अति दंङ कुट्री लेहती; गिऊ बाहो अंयों मज़दूर तोतोर अंऊ खुकटुंङ पिंङे बगत ज़ोवातोर पर गेह देर्तिंङ योंहष ए सीए लेहकी तोतोग।

लूको 5:10

दंङ ध्यांए दोऊ साथीरे याकूब ए यूहन्ना अरी जब्दीऊ योह तोईरे, दोरे ला हेरान शुहचे इलिर। यीशुज़ि शमौनो हखा कुतोह, “थाह बेऊ; छना कुचे हेंतेग बे केई गिऊ चेलार बणेक्पिमी थल्जी मीहतिंङ गिऊ कछंङ हपोंन।”

यहून्नो 13:2

यीशु ए दोऊ चेलार यग ज़ेह लेहकी तोईरे। शेताने तुहई ए यीशु बि धोखा रंड्रीमी थल्जी शमौन ओ योह यहूदा इस्करियोति ओ सेहमंङ दिह हति, कि यीशु बि च़ुमज़ि लोह।

यहून्नो 13:27

छना ए यहूदा ज़ि रोटी ज़री दंङ ध्वांए शेतान दोऊ अंद्रेग अच्च़ा इलि। दंङ यीशु ज़ि दोबि कुई, छि केई लहज़िमी तातन दुह युरनाह लोहू।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

प्रेरित 5:3

पर पतरसे कुंई, हे हनन्याह! अंऊ शेताने कांह सेहम रिंङ पवित्र आत्मा रंङ साते हप्सी कुट्रिमी बिचार केहतो दंङ केई केनोह लंङसी ज़मीनो लसो इच्च़ा हिस्सा केनोह थल्जी तओ।

1 कुरिन्थियों 15:34

खबरदार शुचे इलांई, पाप लहज़ी छोड़ेके च़रतुंई, गेह केतिंङ शार्मिंदा लहज़िमी थल्जी कुट्रातग, छना कुचे केहतु बिचंङ ज़ि रेह तु परमेश्वरा रंङ साते रूठे नाता माह।

2 कुरिन्थियों 2:11

ताकि शेतान हेंदु हालातो फायदा उठाएच़ी माह जूंस; छना कुचे हेनर दोऊ मदम योजना रूठे रंङ ञेंहच़ातंई।

इफिसियों 5:14

झांह लेह इच्च़ा कहावत तोह, अंऊ दि कंड्रा, “हे इमरिंङ इलज़ा रे, अच़ुई! दंङ मुर्दा तु बिचंङ ज़ि श्रींङे ईला; दंङ मसीह एनोह छंङी कांह टोईच़ी चमकेक्पोतो।”

कुलुस्सियों 1:13

छना कुचे परमेश्वरे हेनर शैतानो शाक्ति दोरच़ी छुड़ाके एनोह प्यारे योहऊ राज्यरिंङ शामिल लोहतो।

1 तीमुथियुस 1:20

गेह दोतु बिचंङ ज़ि हुमिनयुस ए सिकंदर मिन्दु गंङमी बि कलीसिया ओ दोरच़ी धकते हुंज़े चरच़ातग, दंङ दोतिंङ शेतानो शाक्ति ऊ हवाले लेह चरच़ातग ताकि दोरे सिखेपोर कि परमेश्वरो बुराई लेह माह जूंस।

1 तीमुथियुस 3:7

दि ला ज़रूरी तोह कि अविशवासी मीहतु बिचंङ ला दोऊ आदर शोतो, झांह शुहबी मेस कि दोऊ बदनामी शोतो दंङ दुह शेतानो फंदारिंङ फसेगी योतो।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।