2 तीमुथियुस 2:24 - लाहौली बाइबिल

²⁴ दंङ प्रभु दासबि झगड़ालू शुहबी माह जूंस, पर भत्तेतंङ साते मिलनसार ए सहनशील शुहबी जूंस। दुह परमेश्वरो बचन रूठेरंङ कंड्रा शुहबी जूंस।

2 तीमुथियुस 2:24 Iomraidhean Croise

मत्ती 12:19

दोई माह झगड़ा लोहतो माह हल्ला लोहतो; माह दोई मीहतु बिचंङ हाऊष रेह घमंडी तु ठ्रोह भाषण माह रमतो।

यहून्नो 6:52

दिरंङ यहुदी मीहरे दिह कुट्रा एनातु बिचंङ झगड़ा लहज़ी लेहतिर, “दिह मीह छना एनोह फुक ज़ेइमी थल्जी रें तरपोतो?”

प्रेरित 15:2

अपेहल पोलुस ए बरनबास ओ दोतंङ साते महस बहस शुई दंङ दोच़ी दिह ठहराएसी कि पोलुस ए बरनबास दंङ दोतु बिचंङ ज़ि रेह मीहरे दि गप्पो थल्जी प्रेरित ए कलीसिया ओ सेंहणातु कछंङ यरूशलेम शहरो हखा योर।

प्रेरित 23:9

दंङ महसे हल्ला शुहचे इलि दंङ यहुदी शास्त्री, अंऊ फरीसी तोईरे, खड़े शुहचे इलिर दंङ बहस लहज़ी लेहतिर, कि “ञेंतिंङ दि मीहू अन्द्रेग छिला बुराई माह तंङफा; दंङ शुहबी तरच़ा कि इच्च़ा आत्मा या इच्च़ा स्वर्गदूते दोरंङ साते गप्पा लहसी ततो।”

प्रेरित 7:26

ऊईरग ध्याड़ा अपेहल झुह्ट इस्राएली मीहरे ऐनातु बिचंङ झगड़ा लहज़ी लेह्की तोईरे, ता मूसा दोर्तिंङ अंज़े दोतिंङ मेल मिलापो थल्जी समझाएक्ती, कि “हे गंङमी रे, केरे ता केनातु बिचंङ न्वारे शुई, इदि-अई दिऊ टोईच़ी अन्याय छिले लहज़ातंई?”

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 10:4

छना कुचे ञेंरे झांह ठ्रोह हथियार तेंङज़ातंई अंऊ दू हथियार बे शत्‌ह तोह, अंऊ दि संसारो मीहरे इस्तेमाल लहज़ातोर। पर दोंङार दह्च़िमी थल्जी परमेश्वरो सामर्थ तोह।

2 कुरिन्थियों 6:4

पर हर इच्च़ा गप्पारिंङ ञेंहच़ी दि साबित लहज़ातंई कि हेनर परमेश्वरो सच्चा सेवक शुई। हेनर हेंदु रूठे गुण कंङे ते, दुख, मुसीबत, गरीबी ए दंङ महस मुसीबत ला मोह्ड़े हिम्मतारंङ साते सहन लहज़ातंई।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 4:2

मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

फिलिपियों 2:14

दंङ भत्ते कम बिना कुड़कुड़ ए बिना झगड़ा लोहवा लंहि,

फिलिपियों 2:3

केनातु फायदा ए हप्सी घमण्डो थल्जी छल्ले थालंही, पर दीनता रंङ साते इच्च़ा इदि-इदि बि केनाह बे रूठे समझेक्तेंई।

कुलुस्सियों 3:13

दंङ अतिंङ ला अतुआ टोईच़ी दोष लगाच़िमी छा कारण शुई ता, दंङ इदिऊ अईदिऊ सहन लंहि; दंङ इदिऊ ए अई दिऊ गुनाह माफ लंहि: छना परमेश्वरे केहतु गुनाह माफ लहतो, ध्वांए केहच़ी ला लंहि।

1 थिस्सलुनीकियों 2:7

पर छना ठ्रोह याह एनोह कटुतु पालन-पोषण लहज़ा, ध्वांए ए ञेंहच़ी ला केहतु बिचंङ बंङज़ा केतिंङ दाह कंङातो।

1 तीमुथियुस 6:11

पर हे तीमुथियुस, कांह परमेश्वरो मीह शुनाह, कनिंङ दि भत्ते चीज़ लहच़िमी दोरच़ी बचेक्पी जूंशी तोह, दंङ धर्मिकता, भक्ति, विशवास, दाह, धीरज़, ए नम्रता रिंङ लेहकी बंङज़ु।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

तीतुस 1:9

दोबि यीशु मसीहू विशवासो जोगे खबरो टोहकठे पक्‍का रंङ विशवास लेह जूंशी तोह अंऊ हेंज़ी सिखाएसी तातंई ताकि दुह ऊईतिंङ हेले ऊ शिक्षा मनेक्च़िमी थल्जी उत्साहित लेह तरपोतो दंङ दोतु गलती माफ लेह तरपोतो।

तीतुस 3:2

दोच़ी अरिया बदनाम लेह मेस; लड़ाई-झगड़ा लहज़ा शुहबी मेस, पर ऊई मीहतु थल्जी नम्र स्वभाव शुहबी जूंस, दंङ भत्ते मीहतंङ साते नम्रतारंङ साते बंङज़ी जूंशी तोह।

याकूब 1:1

गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

याकूब 4:2

केहच़ी उम्मीद तहच़ातंई, पर केतिंङ खोकसा माह; झांह लेह केरे हत्या लहज़िमी थल्जी तेयार बंङज़ातंई, दंङ ऊईतु चीज़ा तु थल्जी लालच लहज़ातंई, पर छिल्ला खोकषातंई माह; केरे झगड़ा ए लड़ाई लहज़ातंई। केतिंङ झांह लेह माह खोकसा, छना कुचे केहच़ी दि परमेश्वरो दोरच़ी माह पेट्रातंई।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

यहूदा 1:3

हे गिऊ प्यारे साथी विशवासी रे, हालांकि गेह केतिंङ परमेश्वरो पाहठी छा चेहच़ातग, अंऊ दोरिंङ हेनर भत्तेर सहभागी तोतोंई गेह दि दबाब महसूस लहज़ातग कि केतिंङ उत्साहित लहज़िमी थल्जी च़ेओग कि हेले ओ शिक्षा ओ थल्जी संघर्ष लंहि। परमेश्वरे एनोह मीहतिंङ दि हेले इच्च़ा फेरा हमेशा ओ थल्जी रें चरच़तो अंऊ अपेहल ला माह लेहक्सतो।