2 तीमुथियुस 2:21 - लाहौली बाइबिल

²¹ ध्वांए अंऊ विशवासी एनाबि दुह भत्ते कमो दोरच़ी शत्‌ह लोहतो, दंङ दुह इच्च़ा खास नंदे ओ ठ्रोह शोतो अंऊ खास टेमारिंङ इस्तेमाल लहज़ी, दंङ दोरे भत्ते पाहठी ओ रूठे कम लेह तरपोंई।

2 तीमुथियुस 2:21 Iomraidhean Croise

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

1 कुरिन्थियों 5:7

केरे पापो युई सुम हुंज़े च़रतुंई, मतलब दि कुकम लहज़ा मीहु हखा कुंई कि दुह हेंदु संगति रिंङ शामिल शुहबी माहरपोतो। दंङ केरे पापो प्रभाव मेह इच्च़ा खरकोई ए शुद्ध नाता रिंङ इदि-अई दिरंङ साते जोड़ेक्च़ा ठ्रोह विशवासी तु इच्च़ा शुद्ध झुण्ड शुचि योंई, हेले रिंङ केरे परमेश्वरो पवित्र मीह शुई। छना कुचे मसीह हेंदु फसहो त्याहरो कुरच़ा हेंदिंङ हेंदु पापो दोरच़ी छुड़ाएच़िमी थल्जी बलिदान शुहचे शुह।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

2 कुरिन्थियों 9:8

परमेश्वरो भत्ते धिरो मोह्ड़े दाह केतिंङ केहतु ज़रूरत बे महस रें तरपोतो। अंऊ दोरच़ी भत्ते गप्पा रिंङ ए भत्ते टेमारिंङ, भत्ते धिर, अंऊ केतिंङ जूंशी तोह केहतु कछंङ बंङज़ोतो, ताकि केहतु कछंङ रूठे कम लहज़िमी थल्जी ज़रूरत बे महस शोतो।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

1 तीमुथियुस 6:11

पर हे तीमुथियुस, कांह परमेश्वरो मीह शुनाह, कनिंङ दि भत्ते चीज़ लहच़िमी दोरच़ी बचेक्पी जूंशी तोह, दंङ धर्मिकता, भक्ति, विशवास, दाह, धीरज़, ए नम्रता रिंङ लेहकी बंङज़ु।

2 तीमुथियुस 2:16

संसार ए बेकार गप्पो दोरच़ी शत्‌ह बंङज़ु, छना कुचे झांह ठ्रोह गप्पारे मीहतिंङ परमेश्वरो दोरच़ी ऊई ला ऊईतार शिल्ज़िमी वहज़ा बणेंके इबि।

2 तीमुथियुस 2:20

मोह्ड़े घरबारारिंङ माह सिर्फ ज़ंङ ए मुलतु पर सिङ ए षोह ओ नंदे ला शुहबी; रे नंदे तु इस्तेमाल खास टेमारिंङ लहज़ी, दंङ रे नंदे तु इस्तेमाल हर ध्याड़ो थल्जी लहज़ी।

2 तीमुथियुस 3:17

ताकि परमेश्वरो मीह सिद्ध बड़ेक्पोतो, दंङ हर इच्च़ा रूठे कमो थल्जी तेयार ए काबिल शुहचे बंङज़ोतो।

2 तीमुथियुस 4:11

सिर्फ लूका ए गेरंङ साते तोह। अपेहल कांह अपोन मरकुसा बि केनाह रंङ साते हता, छना कुचे दुह गिऊ सेवकाई रिंङ देर गिऊ मदत लेह तरपोतो।

तीतुस 3:1

विशवासी मीहतिंङ हिद दिलाएच़ा लोह, कि हाकिम ए अधिकारी तु अधीन बंङज़ु, दंङ दोतु हुकुम मनेक्तु, दंङ ऊईतु थल्जी हर इच्च़ा रूठे कमो थल्जी तेयार बंङज़ुंई,

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।