2 तीमुथियुस 2:2 - लाहौली बाइबिल

² केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

2 तीमुथियुस 2:2 Iomraidhean Croise

मत्ती 13:52

यीशुज़ि दोतिंङ कुहतो, “दिऊ थल्जी भत्ते यहुदी शास्त्री स्वर्गो राज्यो चेला शुहचे तोह, दुह घरबारो मालिको ठ्रोह शुह अच़ि एनोह खरकोई ए युई टंगा-ढबाह दुह ठाहरिरिंङ ज़ि धह्तेका हुंपा अंऊर दोई ऊईतु मदत लहज़िमी थल्जी दुह ठ्रोहका लाह।”

मत्ती 24:25

खंणु, गेह तुहई केतिंङ भत्ते धिर कुचे केहषी तातग।

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

1 कुरिन्थियों 4:2

छना भंडारी बि कम रांहषी ततो, दोऊ दोरच़ी दि उम्मीद लेह तरपोंई कि दुह विशवासो जोगे शुहबी जूंस।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

2 कुरिन्थियों 3:5

हेंज़ी दि माह कुट्रातंई कि हेंदु कछंङ हेंदु दोरच़ी छा लहज़िमी काबलियत तोह; पर परमेश्वर हेंदिंङ दि काबलियत रंड्रा।

कुलुस्सियों 1:7

दोऊ ए शिक्षा केहच़ी ञेंहतु प्यारे साथी इपफ्रास दोरच़ी सिखेच़ातंई, अंऊ हेंदु थल्जी मसीह विशवासो जोगे सेवक तोह।

1 तीमुथियुस 1:12

गेह घेंङौ प्रभु यीशु मसीहू धन्यवाद लहज़ातग, अच़ि गिह्बी बल रांहषी ततो, दंङ गिह्बी विशवासो जोगे चेहके एनोह सेवा ओ थल्जी अंङे चरच़तो।

1 तीमुथियुस 1:18

हे योह तीमुथियुस, दुह भविष्यवाणी तु हिसाबे अंऊ तुहई कनु पाहठी लहसी तोहई, गेह कनिंङ दि हुकुम रंड्रातग, ताकि काह रूठे खबरो सच्चाई ओ थल्जी रूठे रंङ लड़ाई लड़ेक्पिमी थल्जी दुह शब्दा तु इस्तेमाल इच्च़ा हथियारो ठ्रोह लोह।

1 तीमुथियुस 4:14

दुह वरदानो थल्जी अंऊ भविष्यवाणी ओ दोरच़ी कनिंङ कलीसिया ओ सेंहणा तु गुह्ट्र केट्रिमी मुक्का कनिंङ खोकसते, दोबि लगातार कनिंङ इस्तेमाल लेह जुंशी तोह।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

1 तीमुथियुस 5:22

अतुआ टोहकठे गुह्ट्र केट्रा दोबि सेंहणा ओ थल्जी अंङे था च़रतु। अगर केई झांह लहज़ातन ता कांह दोऊ पापो थल्जी ज़िमेवार शोन। मदम गप्पो दोरच़ी केनाबि शत्‌ह तोह।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

2 तीमुथियुस 3:10

पर हे तीमुथियुस, केई रूठे रंङ ञेंहच़ातन कि गेह छि सिखाक्च़ातग, दंङ छना श्रींङमातग, ज़िंदगी रिंङ गिऊ मकसद छि तोह दंङ गेह छि विशवास लहज़ातग। केई ञेंहच़ातन कि गेह धीरज़ तहज़ातग, दंङ भत्ते मीहतंङ साते दाह लहज़ातग, गेह मुसीबत सहन लाहतेर,

2 तीमुथियुस 3:14

हे तीमुथियुस, दुह गप्पो टोईच़ी अंऊ केई गिऊ दोरच़ी सीखेसी तातन दंङ अतु टोहकठे केई विशवास लहसी तातन, दोतिंङ काह लगातार विशवास रंङ साते मनेक्च़ा लोह केई ञेंहच़ातन कि कनिंङ दि सच्चाई अच़ि सिखासी शुह।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।