2 तीमुथियुस 2:19 - लाहौली बाइबिल

¹⁹ तांला परमेश्वरो मीहतु विशवास पक्‍का मुयांदो ठ्रोह बणेंकी बंङज़ा, दंङ दोऊ टोईच़ी झांह ठ्रोह शब्द च़ेहसी तोतोर, “कि प्रभु ज़ि ञेंहच़ा कि दोऊ मीहरे अरि शुहरे” दंङ दि ला कि “अच़िला परमेश्वरो अराधना लहज़ा दोबि बुराई लेह बंद लहज़ी जूंस।”

2 तीमुथियुस 2:19 Iomraidhean Croise

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

मत्ती 7:23

दोहथल गेह दोतंङ साफ कुचे च़रपोग, गेह केरे अपेहल लाह ञेंहगा। हे कुकम लहज़ार, गिऊ दोरच़ी अहच़ा ईलांई।

मत्ती 7:25

संदाण अति ए डड़ अति, आंधी अति दुह घरबारंङ टकरेकति तांला दुह माह यहदधी, छना कुचे दोऊ मुयांद चट्टानो टोईच़ी केहषी तोह।

मरकुसो 12:16

दोच़ी हतिरेह, यीशुज़ि दोतंङ साते रुहक्ती, “दी छाप ए मिन अतु शुह?” दोच़ी जुबाब रेंहई, “महाराजा ओ।”

मरकुसो 13:22

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

लूको 13:27

पर दोई केतंङ कोहतो, गेह केतंङ कुट्रातग, गेह माह ञेंहगा केहरे अंऊर च़ि शुंईआ। हे कुकम लहज़ारे, केहरे भत्ते दिऊ कछंङ ज़ि दोखा तोहई।

लूको 6:48

दुह, दुह मीहू ठ्रोह अच़ि एनोह चुंङ बणाएच़िमी मुका धरती डुह्गे ख्रलज़े पक्‍का ठाहरीरिंङ मुयांद केहरी, दंङ अपेहल बाड़ अति दंङ घरबारंङ साते छले माह शुई, छना कुचे दुह पक्‍का तोहई।

यहून्नो 10:14

रूठे पोहाल गेह शुगाह; गेह घेंङौ मा रेसेहका, दंङ गिऊ मा रे ला गिह्बी सेहचातोर।

यहून्नो 13:18

गेह केहतु भत्तेतु थल्जी माह कुट्रातग: अतिंङ गेह अंङषी चरच़ातग, दोतिंङ गेह सेहका; पर दिह दिऊ थल्जी शुबी लेहकी तोह कि पवित्रशास्त्रा रिंङ च़ेहसी दुह पुरा शोतो। अच़ि गेरंङ साते बगत ज़ोअतो दोई गिह्बी धोखा रेंई।

यहून्नो 3:33

पर अंऊ दोच़ी दोऊ गवाही ग्रहण लहरिर दोई दी गप्पा पक्‍का लेह च़रति कि परमेश्वर सच्चा तोह।

प्रेरित 11:26

दंङ अपेहल दोतंङ साते दोहरी ता दोतिंङ अन्ताकिया शहरो हखा वापिस रैंज़ा हति, दंङ झांह शुई कि शाऊल ए बरनबास इच्च़ा साल तचेक कलीसियाओ मीहतिंङ साते दोहा ए महस मीहतिंङ यीशु मसीहू पाहठी शिक्षा रंड्री लेहतिर, दंङ विशवासी भत्ते बे मुण्डा रिंङ अन्ताकिया शहरंङ ए मसीह कहलाएतिर।

प्रेरित 15:17

गेह दि दिऊ थल्जी लहज़ातग ताकि ऊई भत्ते मीहरे, मतलब दुह भत्ते ऊईजाति तिंङ अंऊ दोतिंङ गेह घेंङौ मीहरे शुहबिमी थल्जी अंङे च़रचातेग, दोच़ी गेह पेट्री तरपोर। केरे निश्चित शुचि तरपोंई कि झांह शुहबी तरपोतो छना कुचे गेह प्रभु परमेश्वरा अंऊ दुह कम लोहग, दोई दि गप्पा कुहषी ततो।

प्रेरित 9:14

दंङ देर्तिंङ अपिमी थल्जी ला दोबि यहुदी मोह्ड़े पुरोहिता तु दोरच़ी अधिकार खोकसा तोह, कि अंऊ मीहरे कांह टोहकठे बिशवास लहज़ातोर दोतिंङ बन्दी बणाएतु।

रोमियो 11:2

परमेश्वरे एनोह दू प्रजाबि माह छोड़क्ति, अपि दोई तुहई बेहच़ी अंङषी तते, केहच़ी ञेंच़ातोंई कि पवित्रशास्त्र एलियाह भविष्यवक्ता ओ पाहठी छि कुट्रा, दू इस्राएलो मीहतु खिलाप परमेश्वर रंङ साते शिकायत लहज़ा।

रोमियो 12:9

ऊईतिंङ साते दाह लहज़िमी दिखावा थालोहू; बुराईरंङ साते रोहष लोह; अंऊ रूठे तोह दोबि लगातार लोहवा लोह।

रोमियो 15:20

पर गिऊ सेहमो हिटी दि तोह कि, अंऊर-अंऊर मसीहू रूठे खबर हेंतेग तचेक सुनाएची माह, दोर्तिंङ ए गेह रूठे खबर सुनाएपोग; झांह शुहबी मेस कि गेह दू कम जारी तोओग अंऊ अच़िया ऊईज़ि शुरूआत लहसी शुह। दू मीहू ठ्रोह माह बणेक्पोग, अंऊ ऊईतु मुयांदो टोहकठे घरबार बणाएशा।

रोमियो 15:9

दंङ ऊई जाति ला परमेश्वरो दया ओ वहज़ा ज़ि परमेश्वरो स्तुति लंहि, छना पवित्रशास्त्र रिंङ च़ेहसी तोह, “झांह लेह गेह ऊईजाति तु तुईज़ी, कांह स्तुति लोहग, दंङ कांह मिन्दु भजन कोहग।”

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

रोमियो 9:11

जेह्कपिमी तुहई ए छा रूठे ए मदम लहज़िमी तुहई प्रभु ज़ि रिबका ओ हखा कुई कि दोतु मोह्ड़े योह ज़ि कवचि दोऊ सेवा लोहतो। प्रभु ज़ि दि कंड्रिमी थल्जी कुई कि दू एनोह पसन्‍द एनेह बणाएच़ा दंङ दि छिल्ला कम ओ दोरच़ी माह तोहई अंऊ दोई लाहते।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 8:3

पर अगर अरिया परमेश्वरारंङ साते दाह तहज़ा, दंङ परमेश्वर दू मीहबी ञेंहच़ा।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

गलातियों 4:9

पर हेंतेग ता केरे परमेश्वरा बि ञेंहनि, दंङ परमेश्वरे केतिंङ ला ञेंहच़ा, दंङ केरे दू कमज़ोर ए निक्कमा शिक्षा ओ गुलाम शुहबिमी थल्जी छारिंङ यह्च़ी लेहकी तोतोंई? छि यह्च़ा केरे दोबारा दोऊ गुलाम शुहबी जुन्ज़ातंई आ?

इफिसियों 2:20

इच्च़ा साते, हेनर दोऊ चुम शुई, अंऊ कि प्रेरिता तु ए परमेश्वरो खबर रंड्रा मीहतु मुयांदो टोईच़ी, दंङ दिऊ कुंणीऊ रह्घ एनोह ए यीशु मसीह तोह।

इफिसियों 3:15

दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इफिसियों 4:30

केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

1 तीमुथियुस 3:15

कि अगर गिह्बी अपिमी ख्राह शोतो, दंङ केतिंङ दि गप्पो खबर शुहबी जूंस कि परमेश्वरो टबरातु बिचंङ छना ठ्रोह बरताव शुहबी जूंस। परमेश्वरो टबर श्रींङी परमेश्वरो कलीसिया शुह; दि ध्वांए ठ्रोह हेले शिक्षा ओ साथी रंड्रातोर दंङ दोतिंङ बणाके तहच़ातेर, छना मुयांद ए थम्मे घरबारा बि सहारा रंड्री दंङ दोबि पक्‍का लेह।

1 तीमुथियुस 6:19

अगर दोच़ी झांह लहज़ातोर, दंङ दि झांह तोह छना दोरे स्वर्गारिंङ एनोह ढबाह ठ्रोका लहज़ातोर अंऊ अपेहल योंहषतो माह, दंङ दोरे सच्चा जीवन खोकपोरे अंऊ हमेशा ओ थल्जी तोह।

इब्रानियों 11:10

छना कुचे दू स्वर्गंङ इच्च़ा झांह ठ्रोह शहरंङ बंङज़िमी थल्जी रुमज़ा तोहई, अंऊ हमेशा बणेंके बंङज़ोतो, दंङ अतु रचना लहज़ा ए बणाएच़ा परमेश्वर शुह।

2 पतरस 3:14

झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।

1 यूहन्ना 2:19

दोरे मीहरे अंऊ मसीहू विरोध लहज़ा तेर ञेंहतु ए झुंडो बिचंङ ज़ि हुंच़ा इलोर, छना कुचे दोरे हेंदु माह शुहरे। अगर दोरे हेंदु शुंईयां ता हेंदंङ साते बंङज़ा तोहई, पर दोरे अच़ा इलिर, झांह लेह पता लेहती, दोतु बिचंङ ज़ि अरिला हेंदु माह तोईरे।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।

प्रकाशित वाक्य 21:14

शहरो भिती मोह्ड़े-मोह्ड़े रह्घ तु टोईच़ी बणाएषी तोहई हर इच्च़ा रह्घ तु टोईच़ी कुरच़ो सनी प्रेरिता तु बिचंङ इच्च़ा मिन च़ेहसी तोहई।

प्रकाशित वाक्य 22:4

दोरे परमेश्वरा बि एनोह सामटे खमोर, दंङ परमेश्वरो मिन दोतु फ्याह ओ टोईच़ी च़ेहसी शोतो।

प्रकाशित वाक्य 3:8

गेह ञेंच़ातग कि केई छि लहज़ातन, केई छना ठ्रोह मेहनत लहज़ातन दंङ अपेहल ला हार माह मनेक्च़ातंई, रेड्रुं गेह दि ला ञेंच़ातग कि कनिंङ थोड़े अरे हिम्मत तोह, पर तांला केई गिऊ कुहषी गप्पो टोईच़ी विशवास लहज़ातन दंङ केई दि गप्पो दोरच़ी इंकार माह लहन कि केई गिऊ टोईच़ी विशवास लहज़ातन। दिऊ थल्जी गेह केहतु तुईज़ी इच्च़ा तोंखा इबिमी पेतंङ अल्ज़े केहतग, अपि अच़िला बंद लेह मारपोतो।