2 तीमुथियुस 2:16 - लाहौली बाइबिल

¹⁶ संसार ए बेकार गप्पो दोरच़ी शत्‌ह बंङज़ु, छना कुचे झांह ठ्रोह गप्पारे मीहतिंङ परमेश्वरो दोरच़ी ऊई ला ऊईतार शिल्ज़िमी वहज़ा बणेंके इबि।

2 तीमुथियुस 2:16 Iomraidhean Croise

1 कुरिन्थियों 15:33

अंऊ मीहच़ी झांह ठ्रोह गप्पा लहज़ातोर दोतु ठ्रोह मुर्ख थाबणेंक्तुंई, “मदम संगति रूठे मीह ला मदम लेह केट्री।”

1 कुरिन्थियों 5:6

केहतु घमंड लहज़ी बिल्कुल ला ठीक माह शुह, छि केहच़ी माह ञेंच़ातंई आ, कि थोड़े अरे सुमे भत्ते त्रुक्क्षी फुकान ला सुम ज़डे लेह चरच़ि? ध्वांए, अगर इच्च़ा मीहबी पाप लहज़ी छोड़ेके च़रपोंई, दंङ युरनाह ए भत्ते मीहतिंङ दुह पाप फेलेके भत्ते मीहरे दुह पाप लहज़ी शुरू लेह च़रपोर।

1 तीमुथियुस 1:9

ञेंहच़ी ञेंहच़ातोंई कि कानून धर्मी मीहतु थल्जी मशत पर दोतु थल्जी शुह अंऊ दोच़ी परमेश्वरो कानूनो अनदेखा लहज़ातोर दंङ दोऊ भाषे माह लहज़ातोर, दंङ लगातार पाप लहज़ातोर दंङ अंऊ मीहरे अपवित्र तोतोर, दंङ परमेश्वरो आदर माह लहज़ातोर, दोरे मीहरे अंऊ एनोह याह-बाह ए ऊई मीहतु हत्या लहज़ातोर,

1 तीमुथियुस 4:7

पर दुह बनावटी कथारिंङ केनातु टेम बरबाद थालंही, अंऊ दोरच़ी परमेश्वराबि आदर माह खोकसा। बल्कि हेंदिंङ लगातार सिखासी जूंस, कि हेंदु जीवनो दोरच़ी परमेश्वराबि छना आदर रमोंई।

1 तीमुथियुस 6:20

हे तीमुथियुस अंऊ कम परमेश्वरे कनिंङ रांहषी ततो दोतु रखवाली लोह। झांह ठ्रोह भक्तिमेह ए मुर्खता ओ गप्पा ए शिक्षा ओ दोरच़ी ऊईतार बंङज़ु अंऊ परमेश्वरो सच्चे शिक्षा ओ विरोध लहज़ातोर, अतिंङ दोच़ी गलत तरीका रंङ साते “शिक्षा” कुट्रातोर।

2 तीमुथियुस 2:14

अंऊ गप्पा गेह कनिंङ सिखाएकातग दुह केनोह मीहतिंङ पेहषी थारोंऊ दंङ परमेश्वराबि इच्च़ा गवाहो रूपारिंङ तहच़ि, कनिंङ दोतिंङ खबरदार लेह जूंशी तोह कि दोरे शब्दो अर्थो थल्जी बहस थाह लोहवा लंहि, झांह ठ्रोह बहस अतु ला मदत माह लहज़ी पर दोतिंङ ऊई ला नुकसान लेह अंऊ दोच़ी दुह रेड्रातोर।

2 तीमुथियुस 2:21

ध्वांए अंऊ विशवासी एनाबि दुह भत्ते कमो दोरच़ी शत्‌ह लोहतो, दंङ दुह इच्च़ा खास नंदे ओ ठ्रोह शोतो अंऊ खास टेमारिंङ इस्तेमाल लहज़ी, दंङ दोरे भत्ते पाहठी ओ रूठे कम लेह तरपोंई।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

तीतुस 1:11

झांह ठ्रोह मीहतिंङ शिक्षा रंड्रीमी इजाज़त थारांई, छना कुचे अपेहल दोरे दि गप्पा सिखाएच़ातोर अंऊ दोतिंङ सिखाएसी माह जूंस, दंङ दोरे भत्ते टबरातु विशवास नाश लेह च़रच़ा। दोरे झांह लेह ढबाह कमाच़ी जुंज़ातोर।

तीतुस 1:14

यहुदी तु बनावटी कथा ए सच्चाई ओ दोरच़ी शत्‌ह शुहचे मीहतु हुकुमो हखा ध्यान थारांई।

तीतुस 3:9

पर मुर्ख गप्पो बहसो दोरच़ी शत्‌ह बंङज़ु, बाह-मेमेतु लम्हें सुचि थल्जी टेम बरबाद थालंही, बैर विरोध ए दुह झगड़ो दोरच़ी, अंऊ मूसा ओ नियम कानूनो पाहठी शोतो, दोतंङ बचेके तोंई, छना कुचे दुह गप्पो छल्ले फायदा माह दंङ माह ए अतुआ मदत लहज़ी।

इब्रानियों 12:15

खबरदार बंङज़ुंई, झांह शुहबी मेस कि अरिला मीह परमेश्वरो मोह्ड़े दाह मेह केहषा योतो। दंङ ध्यान रांई कि अंऊला मीहबी अविशवासारिंङ कडगी ब्रन्ज़ ठ्रोह बणेक्पी थारांई अंऊ दोऊ ज़हर रंङ साते महस परेशानी वहज़ा बणेंके यवाह, अंऊ दोरच़ी दू मीह परमेश्वरो दोरच़ी शत्‌ह शुहचे योतो।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 2:2

परमेश्वरो महसे मीहरे दि उपदेशका तु मदम कमो नकल लोहर, दंङ छिल्ला दोच़ी लहज़ातोर दोऊ वहज़ा ज़ि मीहरे सच्चाई अमो पाहठी मदम-मदम गप्पा लोहर।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 13:3

दोऊ पुन्ज़ो बिचंङ इच्च़ा पुंज़ा रिंङ महस ज़ख्मो निशान तोहई, अंऊ दोऊ मौतो वहज़ा बणेंके योतो, पर दि ठीक शुहचे इलजी तोहई। झांह लेह धरतीऊ मीहरे हेरान तोईरे दंङ दोरे दुह घ्वांण साथी बणेंके इलिर।