2 तीमुथियुस 2:15 - लाहौली बाइबिल

¹⁵ केई सच्चा खबरा बि सिखाच़िमी थल्जी महस मेहनत लोह ताकि परमेश्वरे कनिंङ इच्च़ा झांह ठ्रोह सेवको रूपा रिंङ ग्रहण लोहतो, अंऊ एनोह कमो दोरच़ी शर्मिन्दा माह शवाह।

2 तीमुथियुस 2:15 Iomraidhean Croise

मत्ती 13:52

यीशुज़ि दोतिंङ कुहतो, “दिऊ थल्जी भत्ते यहुदी शास्त्री स्वर्गो राज्यो चेला शुहचे तोह, दुह घरबारो मालिको ठ्रोह शुह अच़ि एनोह खरकोई ए युई टंगा-ढबाह दुह ठाहरिरिंङ ज़ि धह्तेका हुंपा अंऊर दोई ऊईतु मदत लहज़िमी थल्जी दुह ठ्रोहका लाह।”

मरकुसो 4:33

यीशुज़ि झांह ठ्रोह कथारंङ साते परमेश्वरो बचन समझाएकेचाते अंयों दुह मीहतु समझ तोहई।

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

प्रेरित 2:22

“हे इस्राएल देशो मीहरे दिह गप्पारे रेड्रुंई: कि नासरत नगरो यीशु इच्च़ा झांह ठ्रोह मीह तोहई अतिंङ परमेश्वरो दोरच़ी केहतु तुईज़ी साबित लहसी, झांह ठ्रोह चिन्ह चमत्कार ए हेरानी ऊ कमो दोरच़ी, अंऊ परमेश्वरे दोऊ दोरच़ी लहते। केहरे केनारे ञेंहच़ातोनि कि दिह गप्पा हेले शुह।”

प्रेरित 20:27

छना कुचे गेह केतिंङ दोहर भत्ते धिर कंङे चरच़ातग, अंऊ परमेश्वरे चेहच़ा कि केहच़ी ञेंहनि।

रोमियो 14:18

अंऊ दि रीति रंङ साते मसीहू सेवा लहज़ा, दंङ परमेश्वराबि दोरंङ साते खुश शवाह, दंङ मीहरे ला दोऊ पाहठी रूठे कुट्रातोर।

रोमियो 16:10

अपिल्लेस बि परखेक्च़िमी थल ला अतु विशवास मसीहरिंङ लगातार बणेंके इलि, दोबि गिऊ नमस्कार। अरिस्तुबुलुस ए दोऊ टबरातिंङ गिऊ नमस्कार।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

1 कुरिन्थियों 2:6

तांला गेह दोतिंङ, अंऊ आत्मिक रूपारिंङ पक्‍का तोतोर, ज्ञान पिंङषी खबर रंड्रातग पर दि ज्ञान माह दि जुगो शुह दंङ माह ए दुह जुगो अधिकारी तु शुह, अतु नाश शुहबी पक्‍का तोह।

2 कुरिन्थियों 10:18

छना कुचे अंऊ दोई एनोह षटणा लहज़ा, दू मशत, पर अतु बढ़ाई प्रभु ज़ि लहज़ा, दू ए प्रभु नज़रा रिंङ रूठे तोह।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

2 कुरिन्थियों 5:9

झांह लेह हेंदु सेहमो हिटी दि तोह, कि अगर हेनर दोरंङ साते स्वर्गंङ बंङज़ोंई या धरती रिंङ बंङज़ोंई, पर हेनर प्रभु बि खुश लोहवा लोहनि।

गलातियों 1:10

साफ तरीका रंङ, गेह मीहतिंङ खुश लहज़िमी कोशिश माह लहज़ातग, पर गेह बाह परमेश्वरा बि खुश लहज़ी तातग। अगर गेह एंतेग तचेक मीहतिंङ ए खुश लहज़ा शुचंङ ता गेह मसीहू सेवक माह शुचंङ।

इफिसियों 1:13

अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।

1 थिस्सलुनीकियों 2:4

परमेश्वरे हेनर दि जोगे चेहके ए दि रूठे खबर रें च़रति। झांह लेह हेनर मीहतिंङ ए मशत, पर हेंदु सेहम परखेकच़ा परमेश्वरा बि खुश लहच़िमी ठ्रोह शिक्षा रंड्रातंई।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

इब्रानियों 4:11

झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

2 पतरस 1:10

झांह लेह हे गिऊ प्यारे साथी विशवासी रे, केरे केनातिंङ ए ऊईतिंङ दि साबित लहज़िमी थल्जी कि परमेश्वरे केतिंङ हेले रिंङ दोऊ थलेच़ि जोज़िमी थल्जी कुहषी ततो दंङ केतिंङ एनोह मीहरे शुहबिमी थल्जी अंङषी ततो, झांह ठ्रोह कम लहज़िमी ऊई ला कोशिश लंहि। अगर केरे दि गुण बि हिद तोहनि ता केरे अपेहला मसीहू टोईच़ी विशवास लहज़ी ब्याड़ा माह लोहनि;

2 पतरस 1:15

झांह लेह गेह दुह गप्पा तिंङ हेंतेग चेहच़िमी दोरच़ी महस मेहनत लहज़ातग, ताकि गेह सिमी थल केरे भत्ते टेम दोतिंङ हिद लेह तरपोंई।

2 पतरस 3:14

झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।