2 तीमुथियुस 2:13 - लाहौली बाइबिल

¹³ दंङ अगर हेनर मसीहू थल्जी वफादार माह बंङज़ोंई, तांला दुह हेंदु थल्जी वफादार बंङज़ोतो दुह हमेशा एनोह स्वभावो हिसाबे कम लहज़ा।

2 तीमुथियुस 2:13 Iomraidhean Croise

मत्ती 24:35

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

रोमियो 3:3

अगर रे यहुदी परमेश्वरो थल्जी विशवासो जोगे माह तोईरे ता छि शुई? छि दिऊ मतलब दि तोह आ कि परमेश्वर दोतंङ साते लहसी वायदारिंङ विशवासो जोगे माह?

रोमियो 9:6

तांला दि सोचेक्सी माह जूंस कि परमेश्वर एनोह वाईदा पूरा लहज़िमी थल्जी नाकाम शुहचे इलि, छना कुचे इस्राएलो खानदाना रिंङ जेह्की भत्ते मीहरे सच्चे इस्राएली र माह तोर।

1 कुरिन्थियों 1:9

परमेश्वर दि लोहतो, छना कुचे दू विशवासो जोगे तोह दंङ दोई छि कुट्रा दू ए लहज़ा, दंङ दोई केतिंङ एनोह योह, हेंदु प्रभु यीशु मसीह रंङ साते नाता तहज़िमी थल्जी बुलासी शुई।

1 थिस्सलुनीकियों 5:24

अच़ि केतिंङ पवित्र शुहबिमी थल्जी बुलासी शुह दुह विशवासो जोगे तोह, झांह लेह दुह केतिंङ पवित्र बणेक्च़ी बुलाएच़ा दंङ दुह केतिंङ पवित्र शुहबिमी थल्जी मदत लोहतो।

2 थिस्सलुनीकियों 3:3

पर केरे परमेश्वरो टोहकठे पक्‍का विशवास लेह तरपोंई। दोई केरे पक्‍का लोहतो दंङ केहतु रक्षा लोहतो ताकि मांजी शेतान केहतु नुकसान लेह मरपोतो।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।