2 तीमुथियुस 2:11 - लाहौली बाइबिल

¹¹ दि गप्पा कि अगर ञेंरे मसीह रंङ साते सिए इलजी तोतोंई दंङ दोरंङ साते श्रींङमोंई ला।

2 तीमुथियुस 2:11 Iomraidhean Croise

यहून्नो 14:19

दंङ थोड़े अरे टेम केहषा इल्जी तोह कि संसारो मीहरेर गिह्बी माह खमोर, केहच़ी गेह खमोंई छना कुचे गेह यच़ाह श्रींङी योह्ग, दंङ दिऊ थल्जी केहरे लाह श्रींङी बंङज़ोई।

रोमियो 6:5

छना कुचे अगर हेनर दोऊ बपतिस्मा दोरच़ी दोऊ सिमी बराबर दोरंङ साते ठ्रोहका शुहचे योंई, दंङ पक्‍का ए दोऊ श्रींङमी मुक्का ला इच्च़ा ए शुहचे योंई।

रोमियो 6:8

झांह लेह अगर हेनर मसीह रंङ साते सिए इलांई, दंङ हेंदु विशवास दि ला तोह कि हेनर दोरंङ साते श्रींङी ला योंई।

2 कुरिन्थियों 13:4

हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

2 कुरिन्थियों 4:10

हेनर यीशु ठ्रोह भत्ते टेम लगातार सच़ी केट्रिमी खतरा रिंङ बंङज़ातंई, ताकि मीहरे यीशु जीवना बि दू चीज़ा रिंङ खमोर अंऊ हेंज़ी लहज़ातंई।

1 थिस्सलुनीकियों 4:17

दोऊ थल अंऊ श्रींङे ए बचेकी तोतोर, दोतंङ साते डुह रिंङ अच़ा योंई कि स्वर्गारिंङ प्रभु यीशुरंङ साते दोओनि, दंङ दुह मुक्का बे हेनर हमेशा प्रभु रंङ साते बंङज़ोंई।

1 थिस्सलुनीकियों 5:10

यीशु मसीह हेंदु थल्जी झांह लेह सि इलि, कि हेनर चाहे श्रींङमोंई या सिए योंई, अपेहल प्रभु यीशु मसीह वापिस अपतो दंङ दुह मुक्का हेनर हमेशा दोरंङ साते बंङज़ी तरपोंई।

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

1 तीमुथियुस 3:1

दि गप्पा हेले तोह कि अगर अरिया कलीसिया ओ सेंहणा शुहबी जुंज़ा ता दोई रूठे कम लहच़िमी हिटी तहज़ा।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।