2 तीमुथियुस 1:7 - लाहौली बाइबिल

⁷ दि दिऊ थल्जी शुई कि परमेश्वरे हेंदिंङ डरपोक माह बणाएक्तो, पर दोऊ आत्मा हेंदु सेहम पक्‍का लहज़ा, दंङ हेंदिंङ इदि-अई दिरंङ साते दाह लहच़िमी थल्जी हर हालातरिंङ हेंदिंङ काबू लहच़िमी मदत लहज़ा।

2 तीमुथियुस 1:7 Iomraidhean Croise

लूको 10:19

खंणु, गेह केतिंङ ओमड्रा ए बिच्छु तिंङ ए शेतानो भत्ते सामर्थो टोहकठे अधिकार रांहषी तातग; दंङ अंऊ ला चीज़ा रंङ साते केतिंङ नुकसान माह शोतो।

लूको 15:17

अपेहल दोबि समझ अति दंङ कुट्री लेहती; गिऊ बाहो अंयों मज़दूर तोतोर अंऊ खुकटुंङ पिंङे बगत ज़ोवातोर पर गेह देर्तिंङ योंहष ए सीए लेहकी तोतोग।

लूको 24:49

दंङ गेह घेंङा ए केहतु टोईच़ी पवित्र आत्माबि च़रपोग, अतु वाईदा गिऊ बाह ज़ि लहसी ततो। पर केतिंङ दोहपल तचेक यरूशलेम शहरंङ रुमज़ी लेह्पोतो अपेहल तचेक केतिंङ स्वर्गो दोरच़ी सामर्थ माह खोकसोतो।”

लूको 8:35

मीहरे अंऊ दी शुहचे तोहई दोबि खंड्रीमी थल्जी हुंच़िर दंङ यीशु कछंङ अंज़े अतु अंद्रेगज़ि मांजी आत्मारे हुची तोहई यीशु कोंज़ो कछंङ खमज़े लहज़ा दंङ ठीक ठाक खांई थल बेवा इलि;

यहून्नो 14:27

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 21:13

पर पोलुसे जुबाब रेंई, केहच़ी छि लहज़ातंई, कि क्रप्चे-क्रप्चे गिऊ सेहम दुखी लहज़ातंई? गेह ता प्रभु यीशु मिन्दु थल्जी यरूशलेमंङ माह सिर्फ छुहसिमी थल्जी, पर सिमी ला तेयार तोतोग।

प्रेरित 26:11

दंङ भत्ते यहुदी सभो घरबारंङ गेह दोतिंङ ताड़ना रें यीशु बुराई लहज़ा तेग, देर तचेक कि रोहष झांह ठ्रोह अपाते कि गेह रोहषे बमज़े ते दोतु नगरंङ इलजे दोतु टोईच़ी अत्याचार लहज़ातेग।

प्रेरित 26:25

पर दोई कुई, “हे महामहिम फेस्तुस, गेह बमजी माह शुगाह, पर सच्चाई ए बुद्धि ओ गप्पा कुट्रातग।

प्रेरित 6:8

स्तिफनुस परमेश्वरो मोह्ड़े दाह ए सामर्थ रंङ साते परिपूर्ण शुचे मीहतु बिचंङ मोह्ड़े-मोह्ड़े ए हेरानी ओ कम ए चिन्ह चमत्कार लहज़ाते।

प्रेरित 9:22

पर शाऊल ए ऊई ला महसे सामर्थ रंङ साते प्रचार लेह शुरू लेह च़रति, दंङ दिह गप्पो पाहठी सबूत रंड्रा ते कि यीशु ए मसीह शुह, दमिश्क इलाकंङ बंङज़ा यहुदी मीहतु आह बन्द लोहवा लहरी

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 8:15

छना कुचे केतिंङ गुलामी आत्मा खोकसी माह, कि यह्च़ा बेवा योंई पर पवित्र आत्मा हेंदिंङ परमेश्वरो कटुरे बणाएशा, अतिंङ हेनर हे बाह, हे पिता कुचे हाऊष रंड्रा तंई।

1 कुरिन्थियों 2:4

दंङ गिऊ शिक्षा ए गिऊ प्रचार संसारिक ज्ञान ए लालचो गप्पा माह, पर पवित्र आत्माज़ि केतिंङ इच्च़ा सामर्थो शाक्ति रंङ साते कंङातो कि अंऊ खबर केतिंङ कंङातग दू हेले तोहई।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

कुलुस्सियों 1:8

दोई हेंदिंङ ऊई मीहतु थल्जी हेंदु दाह ऊ पाहठी कंङातो अंऊ पवित्र आत्माज़ि केतिंङ रांहषी ततो।

इब्रानियों 2:15

झांह लेह प्रभु यीशु ज़ि दू मीहतु उद्धार लहरी अंऊ सिमी बेह्द च़ि शुहचे एनोह भत्ते जीवन परगरा तु बिताएच़ी लेहकी तोईरे।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 यूहन्ना 4:18

दाह रिंङ बेह्द माह शुहबी, पर सिद्ध दाह ए बेह्द ऊई तार लेह केट्री; छना कुचे अच़ि बेह्द चेहच़ा दोई सज़ा रंङ बेह्द चेहच़ा, दंङ अच़ि बेह्द लाह, दुह दाह रिंङ सिद्ध माह।