2 तीमुथियुस 1:5 - लाहौली बाइबिल

⁵ गिह्बी कनु याह यूनिस ओ सच्चा विशवास हिद तोह। दंङ कनु नानी लोइस ओ विशवास ला ध्वांए तोह, दंङ गिह्बी विशवास तोह कि कांह ला दिए विशवास तोह।

2 तीमुथियुस 1:5 Iomraidhean Croise

यहून्नो 1:47

यीशु ज़ि नतनएल बि एनोह हखा अपि खंणी रंङ साते दोऊ पाहठी कुहतो, “खंणुई, दी इस्राएलो भरोसेमंद खानदानो शुह: अरी पुरे ठ्रोह ईमानदार तोह।”

प्रेरित 16:1

पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

प्रेरित 26:26

रज्ज़ा ला अतु तुईज़ी गेह निडर शुहचे कुट्री लेहकी तोतोग, दि गप्पारे ञेंहच़ा; दंङ गिह्बी विशवास तोह, कि दि गप्पा ज़ि छिल्ला दोऊ दोरच़ी व्याके माह, छना कुचे दिरे घटना गुप्तारिंङ माह शुई।

रोमियो 14:14

गेह ञेंच़ातग कि, दंङ प्रभु यीशु दोरच़ी गिह्बी पूरा विशवास तोह, कि ज़ेइमी भत्ते चीज़ शुद्ध तोह, पर अंऊ अशुद्ध चेहच़ा।

रोमियो 14:5

दू ए तरीका रंङ साते रेहच़ी ता इच्च़ा ध्याड़ा ऊई ध्याड़ा बे बढ़कर ञेंच़ातोर, दंङ रेहच़ी भत्ते ध्याड़ा इच्च़ा बराबर मनेक्च़ातेर; हर इच्च़ा बि विशवास शुहबी जूंस कि अंऊ दोई सोचेक्च़ा छि दू सही शुह आ?

रोमियो 15:14

हे गिऊ प्यारे साथी विशवासी रे, गिह्बी पूरा विशवास तोह कि, केरे भलाई रंङ साते पिंङे तोंई दंङ केहच़ी दि रूठे रंङ ञेंच़ातंई कि केतिंङ छि लेह जूंशी तोह। दंङ इदि-अईदि बि सिखाएच़ा लोह।

रोमियो 4:21

दोतिंङ पक्‍का पता तोहई कि परमेश्वरे अंऊ गप्पो वाईदा लाहते, दू दोबि पूरा लहज़िमी थल्जी सामर्थी तोह।

रोमियो 8:38

गिह्बी पक्‍का विशवास तोह कि माह ता मौत माह ए जीवन, माह स्वर्गदूत माह सर्गो शाक्ति, माह वर्तमान माह भविष्य, माह सामर्थ, माह सर्ग माह पाताल रिंङ अरिया शाक्ति, दंङ माह ए भत्ते संसारारिंङ छा चीज़ हेंदिंङ परमेश्वरो दू दाह ओ दोरच़ी शत्‌ह लेह तरपोतो, अंऊ हेंदिंङ हेंदु प्रभु यीशु मसीहू दोरच़ी खोकसा तोह।

2 कुरिन्थियों 6:6

पर ञेंहच़ी हेंदिंङ पवित्र तहसी तातंई, दंङ ज्ञानवान, सहनशीलता ए दाह कंज़े तोईरे। पवित्र आत्मो हाज़िरी ञेंहतंङ साते तोहई।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

2 तीमुथियुस 3:15

बाड़े बेहच़ी केई ए पवित्रशास्त्र बि ञेंहच़ातन, अंऊ कनिंङ दि समझेक्सिमी थल्जी मदत लहज़ा कि अपेहल काह यीशु मसीहू टोहकठे विशवास लहज़ातन दंङ परमेश्वर कनिंङ बचाएपोतो।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

इब्रानियों 6:9

पर हे गिऊ प्यारे साथी विशवासी रे, केहच़ी रूठे कम लहज़ातंई। छना कुचे परमेश्वरे तुहई ए केतिंङ बचाके चरच़तो। झांह लेह दि खबरदार लहज़ी केहतु थल्जी मशत।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।