2 तीमुथियुस 1:4 - लाहौली बाइबिल

⁴ गिह्बी हिद तोह कि कांह अंयों क्रपच़ातेन अपेहल गेह कनिंङ छोड़ेके इबि तरेग, दुह हिद लहज़ी गिह्बी करंङ साते दोईमी सेहम लहज़ा, कि गेह खुशी रंङ साते बिंङे योग।

2 तीमुथियुस 1:4 Iomraidhean Croise

यहून्नो 16:22

ध्वांए ठ्रोह हेंतेग केहरे ला दुखी तोतोंई, पर गेह केतंङ साते यच़ाह दोहग दंङ केहरे खुश शुहचे योंई; दंङ अच़िला केहतु खुशी, केहतु दोरच़ी शता माह लोहर।

यहून्नो 16:24

हेंतेग तचेक केहच़ी गिऊ मिंदंङ, पिता परमेश्वरो दोरच़ी छले माह पेट्रीन; पेट्रोंई ता केतिंङ खोकसोतो, दंङ केहतु खुशी पुरे शुबी जूंस।”

प्रेरित 20:19

केहच़ी ञेंहच़ातंई कि गेह प्रभु यीशु अंयों दीनता रंङ साते सेवा लहज़ातेग, दंङ गेह अपेहला-अपेहला मीहतु थल्जी सोचेक्गी छना क्रापतेग। केहच़ी दि ला ञेंहनि कि गेह छना मुसीबता रिंङ अतिगा छना कुचे यहुदी अंऊ विशवास माह लहज़ा तोईरे, हमेशा गिह्बी सच़िमी कोशिश लहज़ातेर।

प्रेरित 20:31

हिद तंही कि निरा ए राता रिंङ षुमु साल तचेक लगातार केतिंङ गेह दुह खबर घड़ी-घड़ी सिखाएकातग, दंङ केतिंङ टिरारिंङ मिक्ति बहाके केतिंङ खबरदार लहरिगा कि ऊई अंऊला खबरो टोईच़ी विशवास थालंही।

रोमियो 1:11

छना कुचे गेह केतंङ साते दोईमी हिटी लहज़ातग, ताकि गेह केतिंङ छा आत्मिक आशीष रमोग, अंऊ दोरच़ी केरे विशवासरिंङ ढकह शुहचे योंई;

फिलिपियों 1:8

दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

फिलिपियों 2:26

दोऊ सेहम केहतु भत्ते तु बिचंङ लेहकी तोहई, दंङ दुह बैचेन बंङज़ा ते छना कुचे केहच़ी दोऊ टेहषीऊ हाल रेहशी तरैंई।

1 थिस्सलुनीकियों 2:17

हे गिऊ प्यारे साथी विशवासी रे, अंऊ मुक्का ञेंरे थोड़े टेमो थल्जी, सेहमरिंङ माह शुह पर फुकारिंङ केतंङ साते शत्‌ह शुहचे इलजी तोतोंई, दंङ ञेंहच़ी मोह्ड़े लालचारंङ साते केतिंङ खंड्रिमी थल्जी ऊई ला महस मेहनत लहरिन।

2 तीमुथियुस 4:21

सोई ऊ ध्याड़ा अपिमी तुहई केई अपिमी कोशिश लोह; युबूलुस ए पुदेंस ए लीनुस ए क्लौदिया, दंङ भत्ते विशवासी न्वारेतु तरफे कनिंङ नमस्कार।

2 तीमुथियुस 4:9

तीमुथियुस कांह गिऊ कछंङ युरनाह अपिमी कोशिश लोह।

1 यूहन्ना 1:4

दंङ दि गप्पारे ञेंहच़ी दिऊ थल्जी चेहच़ातंई कि हेंदु खुशी पूरा शुहचे योतो।

प्रकाशित वाक्य 21:4

दुह दोतु टिरो दोरच़ी भत्ते मिक्ति भ्रूच़िह च़रपोतो; दंङ अरिला मीह अपेहला दुखी माह शोतो, क्रपोतो माह, टेहषी महसूस माह लोहतो, दंङ माह ए मौत शोतो, छना कुचे पुराना संसारो भत्ते चीज़ योंहंषा शुहचे योतो।”

प्रकाशित वाक्य 7:17

छना कुचे कुरच़ा अंऊ सिंहासनो बिचंङ तोह, दोतु रखवाली लोहतो, ध्वांए छना इच्च़ा पोहाल ए एनोह त्रैंईतु रखवाली लहज़ा; दुह दोतिंङ ताज़ा ती तुंङमिमी थल्जी रैंज़ा शुहवा लोहतो अंऊ मीहतिंङ जीवन रंड्रा, दंङ परमेश्वर दोतु टिरा ज़ि भत्ते मिक्ति भ्रूच़िह च़रपोतो।”