2 तीमुथियुस 1:3 - लाहौली बाइबिल

³ अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।

2 तीमुथियुस 1:3 Iomraidhean Croise

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

प्रेरित 22:3

गेह ता यहुदी शुगाह, गिऊ जन्म किलिकिया प्रदेशो तरसुस शहरंङ शुहचे शुह; पर दि शहरा रिंङ गमलीएल गुरूओ कोंज़ो कछंङ बंङज़ा शिक्षा ग्रहण लहरिग, दंङ बाह मेमेतु कानून ला रूठे रंङ सिखेक्सा इलिग; दंङ गेह परमेश्वरो थल्जी झांह ठ्रोह जोशिला तोईगा, छना केरे भत्तेर हेंतेग तोतोंई।

प्रेरित 23:1

पोलुसे ए यहुदी सभा ओ हखा ध्याना रंङ साते खांई, दंङ कुई, “हे बिशवासी न्वारे, गेह तोग तचेक परमेश्वरो थल्जी पूरे साफ अन्तरात्मा रंङ साते जीवन बिताच़ी शुगाह।”

प्रेरित 24:14

पर गेह केहतु तुईज़ी दि गप्पा मनेक्च़ातेग, कि गेह मसीहू शिक्षा ओ हिसाबे घेंङौ बाह-मेमेतु परमेश्वरो सेवा लहज़ातग, अंऊ यहुदी अगुवा तु हिसाबे सही माह। दंङ अंऊ गप्पारे कानून ए भविष्यवक्तातु कताबंङ च़ेहसी तोह, गेह दू भत्ते तु टोईच़ी विशवास लहज़ातग।

प्रेरित 24:16

दिए नज़रिया रंङ साते गेह परमेश्वर ए मीह झुल्ला तु तुईज़ी हमेशा इच्च़ा निष्कलंक अन्तरात्मा बणाएच़िमी भरपूर कोशिश लोहग।

प्रेरित 26:4

भत्ते यहुदी गिह्बी बाड़ेकतर बेहच़ी ञेंहच़ातोर। दोच़ी दि ला ञेंहच़ातोर छना कुचे गेह लगातार घेंङौ प्रदेशा रिंङ ए यरूशलेम शहरा रिंङ दोतंङ साते बंङज़ातेग।

प्रेरित 27:23

छना कुचे अतु गेह शुगाह, दंङ अतु अराधना गेह लहज़ातग, परमेश्वरो स्वर्गदूते एरेग रातारिंङ गिऊ कछंङ अंज़े कुतोह,

रोमियो 9:1

हेंतेग अगर छिल्ला हेंदिंङ परमेश्वरो दाह ओ दोरच़ी शत्‌ह लेह मरपोतो, गिऊ यहुदी मीहरे, परमेश्वरो दोरच़ी शत्‌ह छारिंङ तोतोर? गिह्बी दोतु थल्जी महस दुख तो, दंङ हमेशा गिऊ सेहमरिंङ दोतु थल्जी दुख महसूस शवाह। हेलेरिंङ, हेंदु ए मीहतु उद्धार लहज़िमी थल्जी, गेह घेंङौ टोहकठे दोष लगाच़िमी ए मसीहू दोरच़ी शत्‌ह शुबिमी थल्जी तेयार तोतोग, गेह दोऊ थल्जी तेयार तोतोग। गेह मसीह बि गवाह मानेकि हेले कुट्रातग पवित्र आत्मा ए गिऊ दिमाग ला गवाही रंड्रा कि दि हप्सी माह शुह।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

इफिसियों 1:16

हमेशा केहतु थल्जी धन्यवाद लहज़ातग, दंङ घेंङौ प्रार्थनारिंङ केतिंङ लगातार हिद लोहवा लहज़ातग।

1 थिस्सलुनीकियों 3:10

ञेंरे लगातार महस प्रार्थना लोहवा लहज़ातंई, कि केतंङ साते यह्च़ा दोई तरपोंई, अंऊ ज़रूरी तोह दू केतिंङ सिखाके तरपोंई, ताकि केरे भत्ते रिति रंङ साते प्रभु यीशु मसीहू टोहकठे विशवास लेह तरपोंई।

1 तीमुथियुस 1:19

दंङ कनिंङ यीशु मसीहू टोहकठे विशवासरिंङ बणेंके बंङज़ी जूंशी तोह दंङ केई दुह ए लोह अंऊ केई ञेंहच़ातन कि दुह ठीक तोह, रें मीहच़ी दिऊ टोहकठे ध्यान माह रैंइर, अतु नतीज़ा दि शुई कि दोच़ी मसीहू टोहकठे विशवास लहज़िमी थल्जी एनोह समझ योह्च़े चरच़ातोर, ठीक ध्वांए छना इच्च़ा समुंद्री जहाज़ चट्टानारिङ टकरेसिमी थल नाश शुचे इबि।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

1 तीमुथियुस 5:5

दुह रंणी अतु देखभाल लहज़ा अरिला माह, परमेश्वरो टोहकठे ए उम्मीद तहच़ा, दंङ रात-दिन बिनती ए प्रार्थना लहज़ा परमेश्वरो हखा एनोह थल्जी मदत पेट्रा।

2 तीमुथियुस 1:5

गिह्बी कनु याह यूनिस ओ सच्चा विशवास हिद तोह। दंङ कनु नानी लोइस ओ विशवास ला ध्वांए तोह, दंङ गिह्बी विशवास तोह कि कांह ला दिए विशवास तोह।

2 तीमुथियुस 3:15

बाड़े बेहच़ी केई ए पवित्रशास्त्र बि ञेंहच़ातन, अंऊ कनिंङ दि समझेक्सिमी थल्जी मदत लहज़ा कि अपेहल काह यीशु मसीहू टोहकठे विशवास लहज़ातन दंङ परमेश्वर कनिंङ बचाएपोतो।

इब्रानियों 13:8

यीशु मसीह मुतंङ ए तोग ए युगानयुग इच्च़ा ठ्रोह तोह, दू अपेहल ला माह लेहक्सतो।