2 तीमुथियुस 1:18 - लाहौली बाइबिल

¹⁸ गेह प्रार्थना लहज़ातग कि न्यायो ध्याड़ारिंङ प्रभु उनेसिफुरूस ओ टोहकठे दया लोहतो। केहच़ी केनाच़ि रूठे रंङ ञेंच़ातंई कि दोई इफिसुस शहरारिंङ गिऊ अंयों मदत लहरी।

2 तीमुथियुस 1:18 Iomraidhean Croise

लूको 1:72

दोई एनोह पवित्र वाईदा हिद लेह, ञेंहतु बाह-मेमेतु टोईच़ी दया लोहतो,

लूको 1:78

दीह ञेंहतु परमेश्वरो मोह्ड़े दाह रंङ साते शोतो; छना ऐके ञेंतिंङ छंङी रंड्रीमी थल्जी छंङी शवाह ध्वांए मसीह ला ञेंहतु कछंङ अपतो।

लूको 8:3

दंङ रज्ज़ा हेरोदेसो भंडारीऊ मेच़ा योअन्ना ए सुस्न्ना, दंङ ऊई ला मेच़मी। दिहरे एनोह टंगा-ढबाहो दोरच़ी द्वारा यीशु ए दोऊ चेला तु सेवा लह्ज़तेर।

प्रेरित 18:19

अपेहल दोरे इफिसुस शहर रिंङ पिचे इलिर, दोहपल पोलुस यहुदी सभो घरबारंङ इलि दंङ यहुदी मीहतंङ साते बहस लहरी। दोच़ी दोबि दोर्तिंङ ए दोतंङ साते बंङज़िमी थल्जी महस कोशिश लहरिर, पर पोलुसे इन्कार लेह च़रति। दंङ कुई, “अगर परमेश्वरे दिए जुंज़ा, दंङ यह्च़ा अपोग।” दोहपल दोई अक्किला ए प्रिस्किल्ला बि इफिसुस शहर छोड़ेके च़रति, दंङ दोरे तुंखा इबिमी थल्जी इच्च़ा जहाज़ा रिंङ सवार शुचि इलिर।

प्रेरित 19:1

अपेहल अपुल्लोस कुरिन्थुस शहरा रिंङ तोहई, दंङ पोलुस तोरिंङ खी भत्ते प्रदेशंङ च़ि शुहचे इफिसुस नगर रिंङ अति। दंङ दोहर थोड़े अरे चेला तंङ दोहरी,

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

1 कुरिन्थियों 16:8

पर गेह पिन्तेकुस्त त्याहरो तचेक इफिसुस शहरारि बंङज़ोग।

1 कुरिन्थियों 3:13

इच्च़ा ध्याड़ा हर इच्च़ा दू कमो खसीयत खमतो अंऊ दोच़ी लहसी तोह। छना कुचे अपेहल यीशु मसीह दोबारा वापिस अपतो दंङ दू साफ रूपारिंङ दि गप्पा तिंङ हिद लोहतो दि दू टेमो ठ्रोह शोतो अपेहल धातु परखेक्च़िमी थल्जी मेहू बिचंङ केट्री। दोई दि खमतो कि हर इच्च़ा मज़दूरे छि-छि लहतो, दंङ दोई कंबोतो कि दि रूठे तोह या बेकार।

2 कुरिन्थियों 9:1

हेंतेग यरूशलेम शहरो विशवासी तु मंडली बि दान रंड्रीमी सेवा ओ पाहठी च़ेहच़ी गिह्बी ज़रूरत माह।

इफिसियों 2:4

पर परमेश्वर महस दयालु तोह, दू एनोह दू मोह्ड़े दाह ओ वहज़ाज़ि अंऊ दोई हेंदंङ साते दाह लहरी।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

1 तीमुथियुस 1:3

हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

2 तीमुथियुस 1:16

उनेसिफुरूसो टबरातु टोहकठे प्रभु दया लोहतो, छना कुचे दुह गेरंङ साते दोहई अति दंङ महस फेरा गिऊ मदत लहतो, दंङ देर जेलारिंङ गेरंङ साते दोईमी थल्जी अपिमी शर्मिन्दा माह शुई।

2 तीमुथियुस 1:17

पर अपेहल दुह रोम शहरारिंङ अति, दंङ दोई मोह्ड़े कोशिश लहज़ी गेह पेट्रीरि दंङ गेरंङ साते दोहरी।

2 तीमुथियुस 4:12

तुखिकुस बि गेह इफिसुस शहरो हखा चरच़ातग।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

1 पतरस 1:10

दि उद्धार झांह ठ्रोह तोहई अतु पाहठी भविष्यवक्तार ऊई ञेंच़िमी तातोर। दोच़ी भविष्यवाणी लहरिर, कि छना परमेश्वर केतिंङ बचाएच़िमी थल्जी केहतु थल्जी दयालु तरीका रंङ कम लोहतो अतु केरे जोगे माह तोहई। दोच़ी जबाब पेट्रीमी थल्जी महस खबरदार रंङ साते जांच लहरिर।

प्रकाशित वाक्य 2:1

दोई गिऊ हखा दि ला कुई, “इफिसुस शहरो कलीसिया ओ स्वर्गदूता बि दि ला खबर चेहई च़रतु: गेह दुह ए शुगाह अंऊ एनोह सुचंङ गुहड़रिंङ निह्ज कर लेहपसी ततो, दंङ अंऊ ज़ङों निह्जो दिवटो बिचंङ ज़ोजा।” गेह केतंङ साते दि कुट्रातग,