2 तीमुथियुस 1:16 - लाहौली बाइबिल

¹⁶ उनेसिफुरूसो टबरातु टोहकठे प्रभु दया लोहतो, छना कुचे दुह गेरंङ साते दोहई अति दंङ महस फेरा गिऊ मदत लहतो, दंङ देर जेलारिंङ गेरंङ साते दोईमी थल्जी अपिमी शर्मिन्दा माह शुई।

2 तीमुथियुस 1:16 Iomraidhean Croise

मत्ती 25:17

ध्यांए अच़ि झुह्ट खोक्शते दोईला झुह्ट ऊहई कमाकतो।

मत्ती 5:7

धन्य शुहरे दोरे, अरी दयावन्त तोतोर, छना कुचे परमेश्वरे दोतु टोईच़ी दया लोहतो।

प्रेरित 21:33

दंङ सेनिकातु सरदारे पोलुस ओ कछंङ अंज़े दुह च़ुमने च़रतिर; दंङ झुह्ट षंङणी रंङ साते छ़ुह्च़ी मीहरे रुहक्च़ी लेहती, दीह अरी शुह, दंङ दीह छी लह्सी ततो?

प्रेरित 28:20

झांह लेह गेह केतिंङ बुलाएक्तेग, कि केतंङ साते दोहग; दंङ गप्पा लोहग; छना कुचे इस्राएलो उम्मीदो थल्जी अंऊ कि मसीहरिंङ तोह, गेह दि षंङणी रिंङ छुहसा तोतोग।”

1 कुरिन्थियों 16:18

दंङ दोच़ी गिऊ सेहम पक्‍का लहरिर ठीक ध्वांए दोच़ी केहतु थल्जी लोहर अपेहल दोरे केहतु कछंङ अपोर, झांह लेह केतिंङ झांह ठ्रोह मीहतु आदर लेह जूंशी तोह।

इफिसियों 6:20

दिऊ थल्जी गेह षंङणी रिंङ छ़ुह्च़ी राजदूतो ठ्रोह सेवा लहज़ातग। प्रार्थना लांहि कि, छना ठ्रोह गिह्बी कुट्री जूंस, ध्वांए गेह हिम्मत रंङ साते रूठे खबरो प्रचार लेह तरपोग।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

2 तीमुथियुस 1:17

पर अपेहल दुह रोम शहरारिंङ अति, दंङ दोई मोह्ड़े कोशिश लहज़ी गेह पेट्रीरि दंङ गेरंङ साते दोहरी।

2 तीमुथियुस 1:18

गेह प्रार्थना लहज़ातग कि न्यायो ध्याड़ारिंङ प्रभु उनेसिफुरूस ओ टोहकठे दया लोहतो। केहच़ी केनाच़ि रूठे रंङ ञेंच़ातंई कि दोई इफिसुस शहरारिंङ गिऊ अंयों मदत लहरी।

2 तीमुथियुस 1:8

झांह लेह ऊई मीहतिंङ हेंदु प्रभु यीशु मसीहू पाहठी कंड्रिमी शर्मिन्दा था शुई, दंङ माह ए कनिंङ दि गप्पो दोरच़ी षेहपि जूंस कि गेह परमेश्वरो सेवा लहच़िमी रंङ साते कैदारिंङ तोतोग। पर कनिंङ दुह सामर्थो इस्तेमाल लेह जूंशी तोह अंऊ परमेश्वर कनिंङ रंड्रा, दंङ रूठे खबरो थल्जी गेरंङ साते दुखा रिंङ साथी शुई।

2 तीमुथियुस 4:19

प्रिस्किल्ला ए दोऊ गगसा अक्किला बि, दंङ उनेसिफुरूसो टबरातिंङ गिऊ तरफे नमस्कार।

फिलेमोंन 1:20

हे प्यारे मित्रा, दि खुशी गिह्बी मसीह रिंङ कनु दोरच़ी खोकसिरी, इच्च़ा साथी विशवासी ओ रूपारिंङ झांह लेह गिह्बी खुश लोहू।

फिलेमोंन 1:7

छना कुचे हे प्यारे विशवासी न्वा, गेह ऊईतु थल्जी कांह दाह खंऐ महस खुशी ए शांति खोकच़ातग, कि कनु दोरच़ी परमेश्वरो मीहरे खुश शुहचे इलोर।

इब्रानियों 10:34

केरे कैदी तु दुखा रिंङ ला दुखी शुहचे इलिन, दंङ केनातु टंगा ढबाह ला खुशी रंङ लुटाके च़रतिन; छना कुचे केहच़ी ञेंहच़ातंई कि केहतु कछंङ हेंतेग ला दू चीज़ारे तोतोर अतु वाईदा परमेश्वरे लाहते, अंऊ कि महस खास तोह दंङ हमेशा ओ थल्जी बणेंके बंङज़ा।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।