2 थिस्सलुनीकियों 3:9 - लाहौली बाइबिल

⁹ झांह माह कि केहतु दोरच़ी मदत लेहपच़ी ञेंहतु अधिकार माह तोहई; पर दिऊ थल्जी कि एनाबि केहतु थल्जी इच्च़ा नमूना बणाएपोर, कि केरे ञेंहतु ठ्रोह चाल ज़ोई।

2 थिस्सलुनीकियों 3:9 Iomraidhean Croise

मत्ती 10:10

अमू थल्जी माह झोली, तांहई माह झुह्ट कुरतिरे, माह झुह्ट बूटरे, माह लठी तांहई, छना कुचे कम लहज़ाबि दोऊ बगत खोकसी जूंस।

यहून्नो 13:15

छना कुचे गेह केतिंङ उदाहरण कंड्रे केहतग, कि छना गेह केतंङ साते लहतग, केहरे ला ध्वांए लोहवा लांही।

1 कुरिन्थियों 4:16

झांह लेह गेह केतंङ साते बिनती लहज़ातग, कि गिऊ ठ्रोह मसीह रिंङ केनातु जीवन‍ जोंई।

गलातियों 6:6

अंऊ मीहतिंङ परमेश्वरो बचनो शिक्षा रंड्रातोर, दंङ दोतु फर्ज़ बणेक्पा, कि छिल्ला धिर दोतु कछंङ तोह, दू मीहतंङ साते फासि जूंस अंऊ दोतिंङ सिखाएच़ातोर।

1 थिस्सलुनीकियों 2:6

ञेंहच़ी मीहतु दोरच़ी आदर माह जुन्ज़ातंई, दंङ माह ए केहतु दोरच़ी माह ए ऊईतु दोरच़ी छना कुचे मसीहू प्रेरित शुहबिमी रंङ साते ञेंतिंङ केहतु दोरच़ी मदत खोकच़िमी हक तोह।

2 थिस्सलुनीकियों 3:7

केहच़ी केनाच़ि ए रूठे रंङ ञेंच़ातंई कि केतिंङ ध्यांए ठ्रोह श्रींङमी जूंस। छना ञेंरे श्रींङमातेंई, छना कुचे अपेहल ञेंरे केहतु बिचंङ तोईनी दंङ ञेंरे सुस्त माह तोहनी।

1 पतरस 2:21

परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।

1 पतरस 5:3

अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।