2 थिस्सलुनीकियों 3:8 - लाहौली बाइबिल

⁸ केहच़ी अतुआ दोर मुफ्तारिंङ रोटी थाजेंई, पर महस मेहनत लहज़ा रात-दिन कम लहज़ातंई ताकि ञेंरे हेंदु ज़रुरतो थल्जी केहतु टोहकठे केहतु भार शुहबी मेस।

2 थिस्सलुनीकियों 3:8 Iomraidhean Croise

मत्ती 6:11

ञेंहतिंङ रोजो दुह बगत रोंऊ अंऊ ञेंहच़ी दुह ध्याड़ो थल्जी जुंज़ातंई।

प्रेरित 18:3

दिऊ थल्जी कि पोलुस ए अक्किला ओ इच्च़ा ए ठ्रोह व्यापार तोहई, दिऊ थल्जी दोतंङ साते बंङज़ा कम लहरी। दोतु व्यापार तम्बू बणाएषिमी तोहई।

प्रेरित 20:34

केहच़ी केनाच़ि ए दिह ञेंएनि कि दिह गुह्ट्र गिऊ ए गिऊ साथी तु मदत लह्सी शुह।

1 कुरिन्थियों 4:12

दंङ हेंदु ए गुह्ट्र कम लहज़ी मेहनत लहज़ातंई। अपेहल मीहच़ी ञेंतिंङ मदम कुट्रातोर, दंङ ञेंरे दोतिंङ आशीष रंड्रातंई; दोरे सताएच़ातोर दंङ ञेंरे सहन लहज़ातंई।

1 कुरिन्थियों 9:4

कि गिह्बी ए बरनाबासबि, प्रेरित शुहबिमी थल्जी दि हक तोह कि हेनर केहतु बिचंङ जीवन श्रींङमी थल्जी ढबाहो मदत (या ज़ेइमी तुंङमी चीज़ा तु) लेहप्तुंई।

2 कुरिन्थियों 11:27

मेहनत ए कष्ठारिंङ; घड़ी-घड़ी चेहकी बंङज़िमी; योंई ए तिस्करा रिंङ; घड़ी-घड़ी योंई बंङज़िमी थल्जी; सोईरिंङ फ्थरे बंङज़ी बे

2 कुरिन्थियों 11:9

दंङ अंऊ मुक्का गेह केतंङ साते तोईग, दंङ गिह्बी ढबाहो कमी शुई, दंङ गेह अतुला टोईच़ी भार माह केईगा छना कुचे विशवासी न्वारे ज़ि, मकिदुनिया नगरंङ अंज़े गिऊ कमी पूरा लहरिर; दंङ गेह छना ठ्रोह ला केहतु थल्जी छना ठ्रोह ला परेशानी बढ़ेक्पिमी दोरच़ी बचेके इलिगा, दंङ अंजा टेमारिंङ ला केहतु टोईच़ी बोझ माह बणेक्पोग।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 थिस्सलुनीकियों 4:11

दंङ छना ञेंहच़ी केतिंङ समझाच़ी तातंई, कि केतिंङ शांति रंङ साते केनातु ज़िंदगी श्रींङमी जूंशी तोह दंङ हर इच्च़ा एनोह कमरिंङ लेहकी बंङज़ु दंङ एनोह गुह्ट्र कमाएच़िमी कोशिश लोह।

2 थिस्सलुनीकियों 3:12

झांह ठ्रोह मीहतिंङ ञेंरे प्रभु यीशु मसीहू अधिकार रिंङ हुकुम रंड्रा समझाच़ातोंई, कि दोरे शांति रंङ साते कम लहज़ा एनोह मेहनतो रोटी ज़ोवा लंहि।