2 थिस्सलुनीकियों 3:5 - लाहौली बाइबिल

⁵ ञेंहच़ी प्रार्थना लहज़ातंई कि प्रभु यीशु मसीह केतिंङ दि समझाएक्च़िमी जोगे बणाएपोतो कि परमेश्वर केतंङ साते छिठ्रो घटे दाह लहज़ा, दंङ केरे सताव बि ध्वांए सहन लंहि छना मसीह सहन लहतो।

2 थिस्सलुनीकियों 3:5 Iomraidhean Croise

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 8:25

पर हेंदिंङ झांह ठ्रोह खोकसिमी उम्मीद तोह अंऊ हेंदु कछंङ हेंतेग तचेक माह, झांह लेह हेनर धीरज़ रंङ साते दू मुक्का तचेक रुमज़ा बंङज़ोंई अपेहल तचेक कि हेनर दोबि खोक्शे माह केओनि।

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

1 कुरिन्थियों 8:3

पर अगर अरिया परमेश्वरारंङ साते दाह तहज़ा, दंङ परमेश्वर दू मीहबी ञेंहच़ा।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 3:11

ञेंहच़ी प्रार्थना लहज़ातंई कि हेंदु बाह परमेश्वर ए हेंदु प्रभु यीशु मसीह, केतंङ साते दोईमी थल्जी ञेंहतु अगुवाई लोहतो।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

1 पतरस 4:1

झांह लेह, अपेहल कि मसीह ज़ि एनोह फुकारिंङ बंङज़ा दुख सहन लहरी, दंङ केतिंङ ला ध्वांए ठ्रोह दुख सहन लहज़िमी थल्जी तेयार बंङज़ी जूंशी तोह। छना कुचे अगर हेनर मसीहू थल्जी दुख सहन लहज़िमी थल्जी तेयार तोतोंई, दंङ केहच़ी पाप माह लहज़िमी फेंसला लेह चरच़ातंई।

2 पतरस 3:12

छना कि केरे दुह ध्याड़ा बि रुमज़ा तोतोंई अपेहल परमेश्वर संसारो न्याय लहज़िमी थल्जी अपतो, दंङ दुह ध्याड़ो युरनाह अपिमी थल्जी केनातु तरफे पुरे कोशिश लंहि। दुह ध्याड़ा, मेह भड़केगी योतो दंङ सर्गा बि नाश लेह च़रपोतो, दंङ दोऊ ठ्रोत सर्गा रिंङ भत्ते धिर रोह्चे च़रपोतो।

1 यूहन्ना 4:19

हेनर परमेश्वरारंङ साते ए इदि-अईदि रंङ साते दाह लहज़ा तंई, छना कुचे मुन्डा परमेश्वरे हेन्दंङ साते दाह लहरी।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”

प्रकाशित वाक्य 13:10

अंऊ मीहतिंङ कैद लहज़ी जूंशी तोह, दोरे पक्‍का रूपारिंङ कैद शोर, दंङ अतु थल्जी पक्‍का तोह कि अतु थल्जी ज़रूरी तोह कि दोरे ऊई मीहतु दोरच़ी तलवारे रें सच़ी च़रपोर, दंङ दोरे पक्‍का रूपा रिंङ तलवारे रें सच़ी च़रपोर। दिऊ थल्जी जूंशी तोह कि परमेश्वरो मीहरे दुह खरे तिंङ सहन लंहि अंऊ दोऊ दोच़ी अनुभव लहज़ातोर दंङ विशवास लहज़िमी थल्जी पक्‍का शुहचे बंङज़ेंई।