2 थिस्सलुनीकियों 3:4 - लाहौली बाइबिल

⁴ दंङ ञेंतिंङ प्रभुरिंङ केहतु टोहकठे भरोसा तोह, कि अंऊ-अंऊ आज्ञा ञेंहच़ी केतिंङ रंड्रातंई, दोतिंङ केहच़ी मनेक्च़ातंई, दंङ मनेक्च़ा ला लोहनि।

2 थिस्सलुनीकियों 3:4 Iomraidhean Croise

मत्ती 28:20

दंङ दोतिंङ भत्ते हुकुम अंऊ गेह केतिंङ रांहषी तातग, मनेक्च़ी कंड्रुंई; दंङ रेड्रुंई, गेह संसारो अनंत तचेक हमेशा केतंङ साते तोतोग।”

रोमियो 15:14

हे गिऊ प्यारे साथी विशवासी रे, गिह्बी पूरा विशवास तोह कि, केरे भलाई रंङ साते पिंङे तोंई दंङ केहच़ी दि रूठे रंङ ञेंच़ातंई कि केतिंङ छि लेह जूंशी तोह। दंङ इदि-अईदि बि सिखाएच़ा लोह।

रोमियो 15:18

छना कुचे मसीह गिऊ वहज़ा ज़ि छि लहसी ततो गिह्बी दि गप्पा कुट्रीमी हिम्मत तोह, कि गेह ऊईजाति तु मीहतिंङ परमेश्वरो कछंङ हपिमी काबिल तोतोग। अपेहल दोच़ी गिऊ सग थाषातेर दंङ गिऊ कम तंङातेर दंङ दोच़ी परमेश्वरो टोहकठे विशवास लहरिर।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 14:37

अगर अरिया मीह एनाबि भविष्यवक्ता या झांह ठ्रोह मीह चेहच़ा, अतिंङ पवित्र आत्माज़ि वरदान रांहषी ततो। दंङ दि ञेंई च़रतु कि, अंऊ गप्पा गेह केतिंङ चेहच़ातग, दू प्रभु हुकुम शुह।

1 कुरिन्थियों 7:19

चाहे अतुआ खतना शुहसी शोतो या माह शोतो, दिरंङ छल्ले फर्क माह पड़ेक्पा, पर परमेश्वरो हुकुम मनेक्च़ी ज़रूरी तोह।

2 कुरिन्थियों 2:3

दंङ गेह दि गप्पा केतिंङ झांह लेह चेहरिगा, कि झांह शुहबी मेस, कि गिऊ अपिमी मुका, अतु दोरच़ी गिह्बी खुशी खोकसी जूंस, गेह दोतंङ साते दुखी शोहग; छना कुचे गिह्बी केहतु भत्ते तु टोईच़ी दि गप्पाऊ विशवास तोह, कि अंऊ गिऊ खुशी तोह, दुह ए केहतु भत्ते तु ला तोह।

2 कुरिन्थियों 2:9

छना कुचे गेह केतिंङ दिऊ थल्जी ला चेआतग, कि केतिंङ परखेकी च़रपोग, कि केरे गिऊ हुकुमो भाषे लहज़िमी थल्जी तेयार तोतोंई या माह तोंईया।

2 कुरिन्थियों 8:22

दंङ दि झुल्लाकु तंङ साते ञेंहच़ी अई इच्च़ा विशवासी न्वा चरच़ातंई। अपि ञेंहच़ी घड़ी-घड़ी परखेगी महस गप्पारिंङ खुश खोकशातंई; पर हेंतेग केहतु टोईच़ी दोऊ महस विशवास तोह, झांह लेह दू ऊई ला महस खुश तोह।

गलातियों 5:10

पर गेह परमेश्वरो टोहकठे भरोसा लहज़ातोग कि दोई केतिंङ ऊई मीहतु हप्सी शिक्षा ओ टोईच़ी विशवास लहज़िमी दोरच़ी बचाके च़रपोतो। बल्कि केरे गिऊ शिक्षाओ भाषे लोहनि। छना कुचे अंऊ केहतु थल्जी परेशानी पैदा लहज़ा दू अरिला छारिंङ माह शोतो, परमेश्वरो दोरच़ी सज़ा खोकपोतो।

फिलिपियों 1:6

गिह्बी दि गप्पा ओ विशवास तोह कि परमेश्वरे केहतु बिचंङ छा रूठे लहच़ी शुरूआत लहतो, दोई ए दोबि यीशु मसीहू वापिस अपिमी ध्याड़ा तचेक पूरा लोहतो।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

1 थिस्सलुनीकियों 4:10

दंङ मकिदुनिया प्रदेशो भत्ते विशवासी न्वा तंङ साते दाह लहज़ातंई। पर हे गिऊ प्यारे साथी विशवासी रे, ञेंहच़ी केतंङ साते विनती लहज़ातंई, कि दिरंङ ऊई ला बड़ेकी इलांई,

2 थिस्सलुनीकियों 3:12

झांह ठ्रोह मीहतिंङ ञेंरे प्रभु यीशु मसीहू अधिकार रिंङ हुकुम रंड्रा समझाच़ातोंई, कि दोरे शांति रंङ साते कम लहज़ा एनोह मेहनतो रोटी ज़ोवा लंहि।

2 थिस्सलुनीकियों 3:6

हे गिऊ प्यारे साथी विशवासी रे, ञेंहच़ी केतिंङ दुह अधिकारे हुकुम रंड्रातंई अंऊ हेंदिंङ प्रभु यीशु मसीह रांहषी ततो, कि हर इच्च़ा झांह ठ्रोह साथी विशवासी ओ दोरच़ी शत्‌ह बंङज़ुंई, अंऊ सुस्तीरिंङ बंङज़ातोर, दंङ अंऊ दुह, दुह हुकुमो भाषे माह लहज़ा अंऊ दुह ञेंहच़ी केतिंङ सिखाएकातेंई।

फिलेमोंन 1:21

गेह कनु आज्ञाकारी शुहबिमी भरोसा तहच़ि ते, कनिंङ चेहच़ातग, दंङ दि ञेंच़ातग, कि छिल्ला धिर गेह कुट्रतग केई दोबि लाह बढ़ के लोहन।