2 थिस्सलुनीकियों 3:3 - लाहौली बाइबिल

³ पर केरे परमेश्वरो टोहकठे पक्‍का विशवास लेह तरपोंई। दोई केरे पक्‍का लोहतो दंङ केहतु रक्षा लोहतो ताकि मांजी शेतान केहतु नुकसान लेह मरपोतो।

2 थिस्सलुनीकियों 3:3 Iomraidhean Croise

मत्ती 5:37

पर केहतु गप्पा हाँ ओ हाँ ना ओ ना शुहबी जूंस छना कुचे छिला दिहबे महस शोतो दुह शेतानो दोरच़ी शुहबी।

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

लूको 11:4

“छना ञेंहच़ी हेंदु गुहनेगारतिंङ माफ लहज़ातन, ध्वांए केई ञेंहतु गुनाह माफ लोह, दंङ ञेंतिंङ परीक्षा रिंङ था हता।”

यहून्नो 17:15

गेह दीह बिनती माह लहज़ातग कि केई दोतिंङ संसारारंङ च़ि रेंज़ा शिल, पर दिह कि केई दोतिंङ शेतानो दोरच़ी बचाके तौऊ।

1 कुरिन्थियों 1:9

परमेश्वर दि लोहतो, छना कुचे दू विशवासो जोगे तोह दंङ दोई छि कुट्रा दू ए लहज़ा, दंङ दोई केतिंङ एनोह योह, हेंदु प्रभु यीशु मसीह रंङ साते नाता तहज़िमी थल्जी बुलासी शुई।

1 कुरिन्थियों 10:13

पाप लहज़िमी हिटी हेंदु भत्ते तु कछंङ ज़रुर अपा, पर परमेश्वर सच्चा तोह। दू केतिंङ झांह ठ्रोह परीक्षा रिंङ पढेक्पि माह रंड्रा, अंऊ केहतु सहन बे धकते तोह पर दू परीक्षारंङ साते बचेक्पिमी तरीका ला लोहतो कि केरे विशवासारिंङ पक्‍का शुहचे बंङज़ेंई।

1 थिस्सलुनीकियों 5:24

अच़ि केतिंङ पवित्र शुहबिमी थल्जी बुलासी शुह दुह विशवासो जोगे तोह, झांह लेह दुह केतिंङ पवित्र बणेक्च़ी बुलाएच़ा दंङ दुह केतिंङ पवित्र शुहबिमी थल्जी मदत लोहतो।

2 थिस्सलुनीकियों 2:17

दि प्रार्थना लहज़ातंई कि दोई केहतु सेहमरिंङ हिम्मत रमतो दंङ हर रूठे गप्पारिंङ अंऊ केहच़ी कुट्रातंई केतिंङ पक्‍का लोहतो।

2 तीमुथियुस 4:18

प्रभु गिह्बी हर इच्च़ा मदम कमो दोरच़ी बचाएपोतो अंऊ गिऊ नुकसान लहज़ा, दंङ दोई गेह एनोह स्वर्ग राजारिंङ सही-सलामत रैंज़ा शोतो। दोऊ महिमा हमेशा शुहवा लोहतो। अमीन।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

2 पतरस 2:9

अपेहल कि प्रभु ज़ि दि भत्ते चीज़ लहरी, दंङ दिऊ दोरच़ी पता लेहपा कि दोई ञेंहच़ा कि ईश्वरीय मीहतिंङ दोतु दुखो दोरच़ी छना छुड़ाएपोंई, दंङ छना मदम मीहतिंङ न्यायो ध्याड़ा तचेक रोज सज़ा रंड्री तोह।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।