2 थिस्सलुनीकियों 3:16 - लाहौली बाइबिल

¹⁶ गेह प्रार्थना लहज़ातग कि प्रभु अंऊ शांति ऊ सोता तोह दोई केतिंङ हर टेम ए भत्ते तरीका रंङ साते शांति रमतो। दंङ प्रभु केतंङ साते हमेशा बंङज़ोतो।

2 थिस्सलुनीकियों 3:16 Iomraidhean Croise

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

मत्ती 28:20

दंङ दोतिंङ भत्ते हुकुम अंऊ गेह केतिंङ रांहषी तातग, मनेक्च़ी कंड्रुंई; दंङ रेड्रुंई, गेह संसारो अनंत तचेक हमेशा केतंङ साते तोतोग।”

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

यहून्नो 14:27

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

रोमियो 15:33

गेह प्रार्थना लहज़ातग कि परमेश्वर, अंऊ शांति रंड्रा, केतंङ भत्ते तंङ साते बंङज़ोतो। अमीन।

रोमियो 16:20

परमेश्वर अंऊ शांति ऊ दाता तोह, दू शेतान बि नाश लेह च़रपोतो दंङ दोबि केहतु अधीन लेह च़रपोतो। हेंदु प्रभु यीशु मसीहू मोह्ड़े दाह केहतु टोहकठे शुहवा लोहतो। हेंदु प्रभु यीशु मसीहू मोह्ड़े दाह केहतु टोईच़ी शुहवा लोहतो।

1 कुरिन्थियों 14:33

छना कुचे परमेश्वरो गड़बड़ी मशत, पर शांतिऊ परमेश्वर शुह; दि कानून परमेश्वरो मीहतु भत्ते कलीसिया रि पालन लहज़ी।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

इफिसियों 6:23

गेह‍ प्रार्थना लहज़ातग, कि परमेश्वर बाह ए प्रभु यीशु मसीहू दोरच़ी विशवासी न्वारे तिंङ शांति ए विशवास रंङ दाह खोकसोतो।

1 थिस्सलुनीकियों 3:11

ञेंहच़ी प्रार्थना लहज़ातंई कि हेंदु बाह परमेश्वर ए हेंदु प्रभु यीशु मसीह, केतंङ साते दोईमी थल्जी ञेंहतु अगुवाई लोहतो।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

2 थिस्सलुनीकियों 3:18

गेह प्रार्थना लहज़ातग कि हेंदु प्रभु यीशु मसीहू मोह्ड़े दाह केतंङ भत्तेतंङ साते हमेशा शुहवा लोहतो।

2 तीमुथियुस 4:22

गेह प्रार्थना लहज़ातग कि प्रभु करंङ साते बंङज़ोतो, दंङ दोऊ मोह्ड़े दाह केहतु टोईच़ी शुहवा लोहतो।

फिलेमोंन 1:25

गेह प्रार्थना लहज़ा तग कि प्रभु यीशु मसीहू मोह्ड़े दाह केहतु टोहकठे शुहवा लोहतो। अमीन।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

इब्रानियों 7:2

अब्राहमे मलिकिसिद्क बि लड़ाई रिंङ द्रक्शे हासी भत्ते चीज़ो दसवां हिस्सा रांई, मलिकिसिद्को मिन्दु मतलब शुह, “धर्मो राजा” शुह, दंङ शालेमो मतलब शुह, “शांति” शुह, दंङ दू “शान्तिऊ रज्ज़ा” ला शुह।